Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttaranikayo
Catukkanipato
XI: Valahaka Vagga

Sutta 102

Dutiya Valahaka Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


 

[1][pts][than] Evam me sutam:|| ||

Ekam samayam Bhagava Savatthiyam viharati Jetavane Anathapindikassa arame.|| ||

Tatra kho Bhagava bhikkhu amantesi|| ||

"Bhikkhavo" ti.|| ||

"Bhadante" ti te bhikkhu Bhagavato paccassosum.|| ||

Bhagava etad avoca:|| ||

Cattaro'me bhikkhave valahaka.|| ||

Katame cattaro?|| ||

Gajjita no vassita,||
vassita no gajjita,||
n'eva gajjita no vassita,||
gajjita ca vassita ca.|| ||

Ime kho bhikkhave cattaro valahaka.|| ||

Evam eva kho bhikkhave cattaro'me valahakupama puggala santo samvijjamana lokasmim.|| ||

Katame cattaro?|| ||

Gajjita no vassita,||
vassita no gajjita,||
n'eva gajjita no vassita,||
gajjita ca vassita ca.|| ||

Kathan ca bhikkhave puggalo gajjita hoti no vassita?|| ||

Idha, bhikkhave, ekacco puggalo dhammam pariyapunati:||
suttam geyyam veyyakaranam gatham udanam itivuttakam jatakam abbhutadhammam vedallam.|| ||

So idam dukkhan ti yathabhutam nappajanati.|| ||

Ayam dukkhasamudayo ti yathabhutam nappajanati.|| ||

Ayam dukkhanirodho ti yathabhutam nappajanati.|| ||

Ayam dukkhanirodhagamini patipada ti yathabhutam nappajanati.|| ||

Evam kho bhikkhave puggalo gajjita hoti no vassita.|| ||

Seyyatha pi so bhikkhave valahako gajjita no vassita,||
tathupamaham bhikkhave imam puggalam vadami.|| ||

Kathan ca bhikkhave puggalo vassita hoti no gajjita?|| ||

Idha, bhikkhave, ekacco puggalo n'eva dhammam pariyapunati:||
suttam geyyam veyyakaranam gatham udanam itivuttakam jatakam abbhutadhammam vedallam.|| ||

So idam dukkhan ti yathabhutam pajanati.|| ||

Ayam dukkhasamudayo ti yathabhutam pajanati.|| ||

Ayam dukkhanirodho ti yathabhutam pajanati.|| ||

Ayam dukkhanirodhagamini patipada ti yathabhutam pajanati.|| ||

Evam kho bhikkhave puggalo vassita hoti no gajjita.|| ||

Seyyatha pi so bhikkhave valahako vassita no gajjita,||
tathupamaham bhikkhave imam puggalam vadami.|| ||

Kathan ca bhikkhave puggalo n'eva gajjita hoti no vassita?|| ||

Idha, bhikkhave, ekacco puggalo dhammam na pariyapunati:||
suttam geyyam veyyakaranam gatham udanam itivuttakam jatakam abbhutadhammam vedallam.|| ||

So idam dukkhan ti yathabhutam nappajanati.|| ||

Ayam dukkhasamudayo ti yathabhutam nappajanati.|| ||

Ayam dukkhanirodho ti yathabhutam nappajanati.|| ||

Ayam dukkhanirodhagamini patipada ti yathabhutam nappajanati.|| ||

Evam kho bhikkhave puggalo n'eva gajjita hoti no vassita.|| ||

Seyyatha pi so bhikkhave valahako n'eva gajjita no vassita,||
tathupamaham bhikkhave imam puggalam vadami.|| ||

Kathan ca bhikkhave puggalo gajjita ca hoti vassita ca?|| ||

Idha, bhikkhave, ekacco puggalo dhammam pariyapunati:||
suttam geyyam veyyakaranam gatham udanam itivuttakam jatakam abbhutadhammam vedallam.|| ||

So idam dukkhan ti yathabhutam pajanati.|| ||

Ayam dukkhasamudayo ti yathabhutam pajanati.|| ||

Ayam dukkhanirodho ti yathabhutam pajanati.|| ||

Ayam dukkhanirodhagamini patipada ti yathabhutam pajanati.|| ||

Evam kho bhikkhave puggalo gajjita ca hoti vassita ca.|| ||

Seyyatha pi so bhikkhave valahako gajjita ca vassita ca,||
tathupamaham bhikkhave imam puggalam vadami.|| ||

[104] Ime kho bhikkhave cattaro valahakupama puggala santo samvijjamana lokasmin ti.|| ||

 


Contact:
E-mail
Copyright Statement