Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttaranikayo
Catukkanipato
XI: Valahaka Vagga

Sutta 107

Musika Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


 

[1][pts] Evam me sutam:|| ||

Ekam samayam Bhagava Savatthiyam viharati Jetavane Anathapindikassa arame.|| ||

Tatra kho Bhagava bhikkhu amantesi|| ||

"Bhikkhavo" ti.|| ||

"Bhadante" ti te bhikkhu Bhagavato paccassosum.|| ||

Bhagava etad avoca:|| ||

"Catasso ima bhikkhave musika.|| ||

Katama catasso?|| ||

Gadham khatta no vasita,||
vasita no gadham khatta,||
n'eva gadham khatta no vasita,||
gadham khatta ca vasita ca.|| ||

Ima kho bhikkhave catasso musika.|| ||

Evam eva kho bhikkhave cattaro'me musikupama puggala santo samvijjamana lokasmim.|| ||

Katame cattaro?|| ||

Gadham khatta no vasita,||
vasita no gadham khatta,||
n'eva gadham khatta no vasita,||
gadham khatta ca vasita ca.|| ||

[108] Kathan ca bhikkhave puggalo gadham khatta hoti vasita?|| ||

Idha, bhikkhave, ekacco puggalo dhammam pariyapunati:||
suttam geyyam veyyakaranam gatham udanam itivuttakam jatakam abbhutadhammam vedallam.|| ||

So idam dukkhan ti yathabhutam nappajanati.|| ||

Ayam dukkhasamudayo ti yathabhutam nappajanati.|| ||

Ayam dukkhanirodho ti yathabhutam nappajanati.|| ||

Ayam dukkhanirodhagamini patipada ti yathabhutam nappajanati.|| ||

Evam kho bhikkhave puggalo gadham khatta hoti no vasita.|| ||

Seyyatha pi sa bhikkhave musika gadham khatta no vasita,||
tathupamaham bhikkhave imam puggalam vadami.|| ||

Kathan ca bhikkhave puggalo vasita hoti no gadham khatta?|| ||

Idha, bhikkhave, ekacco puggalo n'eva dhammam pariyapunati:||
suttam geyyam veyyakaranam gatham udanam itivuttakam jatakam abbhutadhammam vedallam.|| ||

So idam dukkhan ti yathabhutam pajanati.|| ||

Ayam dukkhasamudayo ti yathabhutam pajanati.|| ||

Ayam dukkhanirodho ti yathabhutam pajanati.|| ||

Ayam dukkhanirodhagamini patipada ti yathabhutam pajanati.|| ||

Evam kho bhikkhave puggalo vasita hoti no gadham khatta.|| ||

Seyyatha pi sa bhikkhave musika vasita no gadham khatta,||
tathupamaham bhikkhave imam puggalam vadami.|| ||

Kathan ca bhikkhave puggalo n'eva gadham khatta hoti no vasita?|| ||

Idha, bhikkhave, ekacco puggalo dhammam na pariyapunati:||
suttam geyyam veyyakaranam gatham udanam itivuttakam jatakam abbhutadhammam vedallam.|| ||

So idam dukkhan ti yathabhutam nappajanati.|| ||

Ayam dukkhasamudayo ti yathabhutam nappajanati.|| ||

Ayam dukkhanirodho ti yathabhutam nappajanati.|| ||

Ayam dukkhanirodhagamini patipada ti yathabhutam nappajanati.|| ||

Evam kho bhikkhave puggalo n'eva gadham khatta hoti no vasita.|| ||

Seyyatha pi sa bhikkhave musika n'eva gadham khatta no vasita,||
tathupamaham bhikkhave imam puggalam vadami.|| ||

Kathan ca bhikkhave puggalo gadham khatta ca hoti vasita ca?|| ||

Idha, bhikkhave, ekacco puggalo dhammam pariyapunati:||
suttam geyyam veyyakaranam gatham udanam itivuttakam jatakam abbhutadhammam vedallam.|| ||

So idam dukkhan ti yathabhutam pajanati.|| ||

Ayam dukkhasamudayo ti yathabhutam pajanati.|| ||

Ayam dukkhanirodho ti yathabhutam pajanati.|| ||

Ayam dukkhanirodhagamini patipada ti yathabhutam pajanati.|| ||

Evam kho bhikkhave puggalo gadham khatta ca hoti vasita ca.|| ||

Seyyatha pi sa bhikkhave musika gadham khatta ca vasita,||
tathupamaham bhikkhave imam puggalam vadami.|| ||

Ime kho bhikkhave cattaro musikupama puggala santo samvijjamana lokasmin ti.|| ||

 


Contact:
E-mail
Copyright Statement