Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttaranikayo
Catukkanipato
XI: Valahaka Vagga

Sutta 108

Balivadda Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


 

[1][pts] Evam me sutam:|| ||

Ekam samayam Bhagava Savatthiyam viharati Jetavane Anathapindikassa arame.|| ||

Tatra kho Bhagava bhikkhu amantesi|| ||

"Bhikkhavo" ti.|| ||

"Bhadante" ti te bhikkhu Bhagavato paccassosum.|| ||

Bhagava etad avoca:|| ||

"Cattaro'me bhikkhave balivadda.|| ||

Katame cattaro?|| ||

[109] Sagavacando no paragavacando,||
paragavacando no sagavacando,||
sagavacando ca paragavacando ca,||
n'eva sagavacando no paragavacando.|| ||

Ime kho bhikkhave cattaro balivadda.|| ||

Evam eva kho bhikkhave cattaro'me balivaddupama puggala santo samvijjamana lokasmim.|| ||

Katame cattaro?|| ||

Sagavacando no paragavacando,||
paragavacando no sagavacando,||
sagavacando ca paragavacando ca,||
n'eva sagavacando no paragavacando.|| ||

Kathan ca bhikkhave puggalo sagavacando hoti no paragavacando?|| ||

Idha, bhikkhave, ekacco puggalo sakam parisam ubbejeta hoti,||
no paraparisam.|| ||

Evam kho bhikkhave puggalo sagavacando hoti no paragavacando.|| ||

Seyyatha pi so bhikkhave balivaddo sagavacando no paragavacando,||
tathupamaham bhikkhave imam puggalam vadami.|| ||

Kathan ca bhikkhave puggalo paragavacando hoti no sagavacando?|| ||

Idha, bhikkhave, ekacco puggalo paraparisam ubbejeta hoti no sakaparisam.|| ||

Evam kho bhikkhave puggalo paragavacando hoti no sagavacando.|| ||

Seyyatha pi so bhikkhave balivaddo paragavacando no sagavacando,||
tathupamaham bhikkhave imam puggalam vadami.|| ||

Kathan ca bhikkhave puggalo sagavacando ca hoti paragavacando?|| ||

Idha, bhikkhave, ekacco puggalo sakaparisan ca ubbejeta hoti paraparisan ca.|| ||

Evam kho bhikkhave puggalo sagavacando ca hoti paragavacando ca.|| ||

Seyyatha pi so bhikkhave baliddo sagavacando ca paragavacando ca,||
tathupamaham bhikkhave imam puggalam vadami.|| ||

Kathan ca bhikkhave puggalo n'eva sagavacando hoti no paragavacando?|| ||

Idha, bhikkhave, ekacco puggalo n'eva sakaparisam ubbejeta hoti no paraparisam.|| ||

Evam kho bhikkhave puggalo n'eva sagavacando hoti no paragavacando.|| ||

Seyyatha pi so bhikkhave balivaddo n'eva sagavacando no paragavacando,||
tathupamaham bhikkhave imam puggalam vadami.|| ||

Ime kho bhikkhave cattaro balivaddupama puggala santo samvijjamana lokasmin ti.|| ||

 


Contact:
E-mail
Copyright Statement