Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttaranikayo
Catukkanipato
XI: Valahaka Vagga

Sutta 110

Asivisa Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


 

[1][pts] Evam me sutam:|| ||

Ekam samayam Bhagava Savatthiyam viharati Jetavane Anathapindikassa arame.|| ||

Tatra kho Bhagava bhikkhu amantesi|| ||

"Bhikkhavo" ti.|| ||

"Bhadante" ti te bhikkhu Bhagavato paccassosum.|| ||

Bhagava etad avoca:|| ||

"Cattaro'me bhikkhave asivisa.|| ||

Katame cattaro?|| ||

Agataviso na ghoraviso,||
ghoraviso na agataviso,||
agataviso ca ghoraviso ca,||
nevagataviso na ghoraviso.|| ||

Ime kho bhikkhave cattaro asivisa. [111] Evam eva kho, bhikkhave, cattaro'me asivisupama puggala santo samvijmana lokasmim.|| ||

Katame cattaro?|| ||

Agataviso na ghoraviso,||
ghoraviso na agataviso,||
agataviso ca ghoraviso ca,||
nevagataviso na ghoraviso.|| ||

Kathan ca bhikkhave puggalo agataviso hoti na ghoraviso?|| ||

Idha, bhikkhave, ekacco puggalo abhinham kujjhati.|| ||

So ca khvassa kodho na digha-rattam anuseti.|| ||

Evam kho bhikkhave puggalo agataviso hoti na ghoraviso.|| ||

Seyyatha pi so bhikkhave asiviso agataviso na ghoraviso,||
tathupamaham bhikkhave imam puggalam vadami.|| ||

Kathan ca bhikkhave puggalo ghoraviso hoti na agataviso?|| ||

Idha, bhikkhave, ekacco puggalo na heva kho abhinham kujjhati.|| ||

So ca khvassa kodho digha-rattam anuseti.|| ||

Evam kho bhikkhave puggalo ghoraviso hoti na agataviso.|| ||

Seyyatha pi so bhikkhave asiviso ghoraviso na agataviso,||
tathupamaham bhikkhave imam puggalam vadami.|| ||

Kathan ca bhikkhave puggalo agataviso ca hoti ghoraviso ca?|| ||

Idha, bhikkhave, ekacco puggalo abhinham kujjhati.|| ||

So ca khvassa kodho digha-rattam anuseti.|| ||

Evam kho bhikkhave puggalo agataviso ca hoti ghoraviso ca.|| ||

Seyyatha pi so bhikkhave asiviso agataviso ca ghoraviso ca,||
tathupamaham bhikkhave imam puggalam vadami.|| ||

Kathan ca bhikkhave puggalo nevagataviso hoti na ghoraviso?|| ||

Idha, bhikkhave, ekacco puggalo na heva kho abhinham kujjhati.|| ||

So ca khvassa kodho na digha-rattam anuseti.|| ||

Evam kho bhikkhave puggalo nevagataviso na ghoraviso.|| ||

Seyyatha pi so bhikkhave asiviso nevagataviso na ghoraviso,||
tathupamaham bhikkhave imam puggalam vadami.|| ||

Ime kho bhikkhave cattaro asivisupama puggala santo samvijjamana lokasminti.|| ||

Valahaka vaggo pathamo.|| ||

 


Contact:
E-mail
Copyright Statement