Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
Tika Nipato
XII: Kesi Vagga

Sutta 113

Assajaniya-patoda Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


 

[1][pts][ati] Cattarome bhikkhave bhadra assajaniya santo samvijjamana lokasmim.|| ||

Katame cattaro?|| ||

Idha, bhikkhave, ekacco bhadro assajaniyo patodacchayam disva samvijjati samvegam apajjati:||
"kimnu kho mam ajja assadammasarathi karanam karessati,||
kimassaham patikaromi" ti.|| ||

Eva rupopi bhikkhave idh'ekacco bhadro assajaniyo hoti.|| ||

Ayam bhikkhave pathamo bhadro assajaniyo santo samvijjamano lokasmim.|| ||

[2][pts][ati] Puna ca param bhikkhave idh'ekacco bhadro assajaniyo naheva kho patodacchayam disva samvijjati samvegam apajjati,||
api ca kho lomavedhaviddho samvijjati samvegam apajjati:||
"kimnu kho mam ajja assadammasarathi karanam karessati,||
kimassaham patikaremi" ti.|| ||

Evarupopi bhikkhave idh'ekacco bhadro assajaniyo hoti.|| ||

Ayam bhikkhave dutiyo bhadro assajaniyo santo samvijjamano lokasmim.|| ||

[3][pts][ati] Puna ca param bhikkhave idh'ekacco bhadro assajaniyo naheva kho patodacchayam disva samvijjati samvegam apajjati,||
napi lomavedhaviddho samvijjati samvegam apajjati.|| ||

Api ca kho cammavedhaviddho samvijjati samvegam apajjati:||
"kimnu kho mam ajja assadammasarathi karanam karessati,||
kimassaham patikaromi" ti.|| ||

Evarupopi bhikkhave idh'ekacco bhadro assajaniyo hoti.|| ||

Ayam bhikkhave tatiyo bhadro assajaniyo santo samvijjamano lokasmim.|| ||

[4][pts][ati] Puna ca param bhikkhave idh'ekacco bhadro assajaniyo naheva kho patodacchayam disva samvijjati samvegam apajjati,||
napi lomavedhaviddho samvijjati samvegam apajjati.|| ||

Napi cammavedhaviddho samvijjati samvegam apajjati.|| ||

Api ca kho atthivedhaviddho samvijjati samvegam apajjati:||
[115] "kimnu kho mam ajja assadammasarathi karanam karessati,||
kimassaham patikaromi" ti.|| ||

Evarupopi bhikkhave idh'ekacco bhadro assajaniyo hoti.|| ||

Ayam bhikkhave catuttho bhadro assajaniyo santo samvijjamano lokasmim.|| ||

Ime kho bhikkhave cattaro bhadra assajaniya santo samvijjamana lokasmim.|| ||

[5][pts][ati] Evam eva kho bhikkhave cattarome bhadra purisajaniya santo samvijjamana lokasmim.|| ||

Katame cattaro?|| ||

Idha, bhikkhave, ekacco bhadro purisajaniyo sunati amukasmim nama game va nigame va itthi va puriso va dukkhito va kalakato vati.|| ||

So tena samvijjati samvegam apajjati.|| ||

Samviggo yoniso padahati.|| ||

Pahitatto kayena c'eva paramasaccam sacchikaroti,||
pannaya ca ativijjha passati.|| ||

seyyatha pi so bhikkhave bhadro assajaniyo patodacchayam disva samvijjati samvegam apajjati,||
tathupamaham bhikkhave imam bhadram purisajaniyam vadami.|| ||

Evarupopi bhikkhave idh'ekacco bhadro purisajaniyo hoti.|| ||

Ayam bhikkhave pathamo bhadro purisajaniyo santo samvijjamano lokasmim.|| ||

[6][pts][ati] Puna ca param bhikkhave idh'ekacco bhadro purisajaniyo naheva kho sunati amukasmim nama game va nigame va itthi va puriso va dukkhito va kalakato va ti.|| ||

Api ca kho samam passati.|| ||

Itthim va purisam va dukkhitam va kalakatam va.|| ||

So tena samvijjati samvegam apajjati.|| ||

Samviggo yoniso padahati.|| ||

Pahitatto kayena c'eva paramasaccam sacchikaroti,||
pannaya ca ativijjha passati.|| ||

seyyatha pi so bhikkhave bhadro assajaniyo lomavedhaviddho samvijjati samvegam apajjati,||
tathupamaham bhikkhave imam bhadram purisajaniyam vadami.|| ||

Evarupopi bhikkhave idh'ekacco bhadro purisajaniyo hoti.|| ||

Ayam bhikkhave dutiyo bhadro purisajaniyo santo samvijjamano lokasmim.|| ||

[7][pts][ati] Puna ca param bhikkhave idh'ekacco bhadro purisajaniyo naheva kho sunati amukasmim nama game va nigame va itthi va puriso va dukkhito va kalakato va ti, napi samam passati.|| ||

Itthim va purisam va dukkhitam va kalakatam va.|| ||

Api ca khvassa nati va salohito va dukkhito va hoti kalakato va.|| ||

So tena samvijjati samvegam apajjati.|| ||

[116] Samviggo yoniso padahati.|| ||

Pahitatto kayena c'eva paramasaccam sacchikaroti,||
pannaya ca ativijjha passati.|| ||

seyyatha pi so bhikkhave bhadro assajaniyo cammavedhaviddho samvijjati samvegam apajjati,||
tathupamaham bhikkhave imam bhadram purisajaniyam vadami,||
evarupopi bhikkhave idh'ekacco bhadro purisajaniyo hoti.|| ||

Ayam bhikkhave tatiyo bhadro purisajaniyo santo samvijjamano lokasmim.|| ||

[8][pts][ati] Puna ca param bhikkhave idh'ekacco bhadro purisajaniyo naheva kho sunati amukasmim nama game va nigame va itthi va puriso va dukkhito va kalakato va ti.|| ||

Napi samam passati itthim va purisam va dukkhitam va kalakatam va.|| ||

Napi'ssa nati va salohito va dukkhito va hoti kalakato va.|| ||

Api ca kho samam yeva phuttho hoti saririkahi vedanahi dukkhahi tibbahi kharahi katukahi asatahi amanapahi panaharahi.|| ||

So tena samvijjati,||
samvegam apajjati,||
samviggo yoniso padahati.|| ||

Pahitatto kayena c'eva paramasaccam sacchikaroti,||
pannaya ca ativijjha passati.|| ||

seyyatha pi so bhikkhave bhadro assajaniyo atthivedhaviddho samvijjati samvegam apajjati,||
tathupamaham bhikkhave imam bhadram purisajaniyam vadami,||
evarupopi bhikkhave idh'ekacco bhadro purisajaniyo hoti.|| ||

Ayam bhikkhave catuttho bhadro purisajaniyo santo samvijjamano lokasmim.|| ||

Ime kho bhikkhave cattaro bhadra purisajaniya santo samvijjamana lokasmin ti.|| ||

 


Contact:
E-mail
Copyright Statement