Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
Tika Nipato
XII: Kesi Vagga

Sutta 114

Naga Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


 

[1][pts] Evam me sutam:|| ||

Ekam samayam Bhagava Savatthiyam viharati.|| ||

Tatra kho Bhagava bhikkhu amantesi:|| ||

"Bhikkhavo" ti.|| ||

"Bhadante" ti te bhikkhu Bhagavato paccassosum.|| ||

Bhagava etad avoca:|| ||

2. "Catuhi bhikkhave angehi samannagato ranno nago rajaraho hoti rajabhoggo ranno angan t'eva sankham gacchati.|| ||

Katamehi catuhi?|| ||

Idha, bhikkhave, ranno nago sota ca hoti||
hanta ca||
khanta ca||
ganta ca.|| ||

2. Kathan ca bhikkhave ranno nago sota hoti?|| ||

Idha bhikkhave ranno nago yam enam hatth'idammasarathi karanam kareti yadi va katapubbam yadi va akatapubbam,||
tam atthikatva manasi katva sabbam cetaso samannaharitva ohitasoto sunati.|| ||

Evam kho bhikkhave ranno nago sota hoti.|| ||

3. Kathan ca bhikkhave ranno nago hanta hoti?|| ||

Idha, bhikkhave, ranno nago sangamagato hatthim pi hanti hattharuham pi hanti assam pi hanti assaruham pi [117] hanti ratham pi hanti rathikam pi hanti pattikam pi hanti.|| ||

Evam kho bhikkhave ranno nago hanta hoti.|| ||

4. Kathan ca bhikkave ranno nago khanta hoti?|| ||

Idha, bhikkhave, ranno nago sangamagato khamo hoti sattippaharanam asippaharanam usippaharanam pharasuppaharanam bheripanava-sankhatina-vaninna-dasaddanam.|| ||

Evam kho bhikkhave ranno nago khanta hoti.|| ||

5. Kathan ca bhikkhave ranno nago ganta hoti?|| ||

Idha, bhikkhave, ranno nago yam enam hatth'idammasarathi disam peseti yadi va gatapubbam yadi va agatapubbam,||
khippam yeva ganta hoti.|| ||

Evam kho bhikkhave ranno nago ganta hoti.|| ||

Imehi kho bhikkhave catuhi angehi samannagato ranno nago rajaraho hoti rajabhoggo ranno angan t'eva sankham gacchati.|| ||

6. Evam eva kho bhikkhave catuhi dhammehi samannagato bhikkhu ahuneyyo hoti pahuneyyo,||
dakkhineyyo,||
anjalikaraniyo,||
anuttaram punnakkhettam lokassa.|| ||

Katamehi catuhi?|| ||

Idha, bhikkhave, bhikkhu sota ca hoti||
hanta ca||
khanta ca||
ganta ca.|| ||

7. Kathan ca bhikkhave bhikkhu sota hoti?|| ||

Idha, bhikkhave, bhikkhu Tathagatappavedite dhamma-vinaye desiyamane atthikatva manasi katva sabbam cetaso samannaharitva ohitasoto dhammam sunati.|| ||

Evam kho bhikkhave bhikkhu sota hoti.|| ||

8. Kathan ca bhikkhave bhikkhu hanta hoti?|| ||

Idha, bhikkhave, bhikkhu uppannam kamavitakkam nadhivaseti pajahati vinodeti vyantikaroti anabhavam gameti.|| ||

Uppannam vyapadavitakkam nadhivaseti pajahati vinodeti vyantikaroti anabhavam gameti.|| ||

Uppannam vihimsavitakkam nadhivaseti pajahati vinodeti vyantikaroti anabhavam gameti.|| ||

Uppannuppanne papake akusale dhamme nadhivaseti pajahati vinodeti vyantikaroti anabhavam gameti.|| ||

Evam kho bhikkhave bhikkhu hanta hoti.|| ||

9. Kathan ca bhikkhave bhikkhu khanta hoti?|| ||

Idha, bhikkhave, bhikkhu khamo hoti sitassa unhassa jighacchaya pipasaya damsamakasavatata-pasirimsapasamphassanam duruttanam duragatanam vacanapathanam,||
up- [118] pannanam saririkanam vedananam dukkhanam tippanam kharanam katukanam asatanam amanapanam panaharanam adhivasikajatiko hoti.|| ||

Evam kho bhikkhave bhikkhu khanta hoti.|| ||

10. Kathan ca bhikkhave bhikkhu ganta hoti?|| ||

Idha, bhikkhave, bhikkhu ya disa agatapubba imina dighena addhuna yad idam sabbasankharasamatho sabbupadhipatinissaggo tanhakkhayo virago nirodho nibbanam,||
tam khippam yeva ganta hoti.|| ||

Evam kho bhikkhave bhikkhu ganta hoti.|| ||

Imehi kho bhikkhave catuhi dhammehi samannagato bhikkhu ahuneyyo hoti pahuneyyo,||
dakkhineyyo,||
anjalikaraniyo,||
anuttaram punnakkhettam lokassa" ti.|| ||

 


Contact:
E-mail
Copyright Statement