Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
Tika Nipato
XII: Kesi Vagga

Sutta 117

Arakkha Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


 

[1][pts] Evam me sutam:|| ||

Ekam samayam Bhagava Savatthiyam viharati.|| ||

Tatra kho Bhagava bhikkhu amantesi:|| ||

"Bhikkhavo" ti.|| ||

"Bhadante" ti te bhikkhu Bhagavato paccassosum.|| ||

Bhagava etad avoca:|| ||

2. "Catusu bhikkhave thanesu attarupena appamado saticetaso arakkho karaniyo.|| ||

Katamesu catusu?|| ||

'Ma me rajaniyesu dhammesu cittam rajji' ti||
attarupena appamado saticetaso arakkho karaniyo.|| ||

'Ma me dosaniyesu dhammesu cittam dussi' ti||
attarupena appamado saticetaso arakkho karaniyo.|| ||

'Ma me mohaniyesu dhammesu cittam muyhi' ti||
attarupena appamado saticetaso arakkho karaniyo.|| ||

'Ma me madaniyesu dhammesu cittam majji' ti||
attarupena appamado saticetaso arakkho karaniyo.|| ||

Yato kho bhikkhave bhikkhuno rajaniyesu dhammesu cittam na rajjati vitaragatta,||
dosaniyesu dhammesu cittam na dussati vitadosatta,||
mohaniyesu dhammesu cittam na muyhati vitamohatta,||
madaniyesu dhammesu cittam na majjati vitamadatta,||
so nacchambhati,||
na kampati,||
na vedhati,||
na santasam apajjati.|| ||

Na ca pana samanavacanahetupi gacchati" ti.|| ||

 


Contact:
E-mail
Copyright Statement