Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttaranikayo
Catukkanipato
XIII: Bhaya Vagga

Sutta 122

Udakorohabhaya Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


 

[1][pts] Evam me sutam:|| ||

Ekam samayam Bhagava Savatthiyam viharati.|| ||

Tatra kho Bhagava bhikkhu amantesi:|| ||

"Bhikkhavo" ti.|| ||

"Bhadante" ti te bhikkhu Bhagavato paccassosum.|| ||

Bhagava etad avoca:|| ||

2. "Cattar'imani bhikkhave bhayani udakorohantassa patikankhitabbani.|| ||

Katamani cattari?|| ||

Umibhayam,||
kumbhilabhayam,||
avattabhayam,||
susukabhayam.|| ||

Imani kho bhikkhave cattari bhayani udakorohantassa patikankhitabbani.|| ||

3. Evam eva kho bhikkhave idh'ekacce kulaputte imasmim dhamma-vinaye saddha agarasma anagariyam pabbajite cattari bhayani patikankhitabbani.|| ||

Katamani cattari?|| ||

Umibhayam,||
kumbhilabhayam,||
avattabhayam,||
susukabhayam.|| ||

4. Kataman ca bhikkhave umibhayam?|| ||

Idha, bhikkhave, ekacco kulaputto saddha agarasma anagariyam pabbajito hoti:|| ||

'Otinno'mhi jatiya jaraya,||
maranena,||
sokehi paridevehi dukkhehi domanassehi upayasehi,||
dukkhotinno dukkhapareto,||
appeva nama imassa kevalassa dukkhakkhandhassa antakiriya pannayetha' ti.|| ||

Tam enam tatha pabbajitam samanam sabrahmacari ovadanti anusasanti:|| ||

'Evam te abhikkamitabbam.|| ||

Evam te patikkamitabbam.|| ||

Evam te [124] aloketabbam.|| ||

Evam te viloketabbam.|| ||

Evam te samminjitabbam.|| ||

Evam te pasaritabbam.|| ||

Evam te sanghatipattacivaram dharetabban' ti.|| ||

Tass'evam hoti:|| ||

'Mayam kho pubbe agariyabhuta samana anne ovadama pi anusasama pi.|| ||

Ime pan'amhakam puttamatta manne,||
nattamatta manne,||
ovaditabbam anusasitabbam mannanti' ti.|| ||

So kupito anattamano sikkham paccakkhaya hinayavattati.|| ||

Ayam vuccati bhikkhave bhikkhu umibhayassa bhito sikkham paccakkhaya hinayavatto.|| ||

'Umibhayan' ti kho bhikkhave kodhupayasassetam adhivacanam.|| ||

Idam vuccati bhikkhave umibhayam.|| ||

5. Kataman ca bhikkhave kumbhilabhayam?|| ||

Idha bhikkhave ekacco kulaputto saddha agarasma anagariyam pabbajito hoti:|| ||

'Otinno'mhi jatiya jaraya,||
maranena,||
sokehi paridevehi dukkhehi domanassehi upayasehi,||
dukkhotinno dukkhapareto,||
appeva nama imassa kevalassa dukkhakkhandhassa antakiriya pannayetha' ti.|| ||

Tam enam tatha pabbajitam samanam sabrahmacari ovadanti anusasanti:|| ||

'Idam te khaditabbam,||
idam te na khaditabbam,||
idam te bhunjitabbam,||
idam te na bhunjitabbam,||
idam te sayitabbam,||
idam te na sayitabbam,||
idam te patabbam,||
idam te na patabbam.|| ||

Kappiyam te khaditabbam,||
akappiyam te na khaditabbam,||
kappiyam te bhunjitabbam,||
akappiyam te na bhunjitabbam,||
kappiyam te sayitabbam,||
akappiyam te na sayitabbam,||
kappiyam te patabbam,||
akappiyam te na patabbam.|| ||

Kale te patabbam,||
vikale te na patabbam,||
kale te khaditabbam||
vikale te na khaditabbam,||
kale te bhunjitabbam,||
vikale te na bhunjitabbam,||
kale te sayitabbam||
vikale na sayitabbam,||
kale te patabbam||
vikale te na patabban' ti.|| ||

Tass'evam hoti:|| ||

'Mayam kho pubbe agariyabhuta samana||
yam icchama tam khadama,||
yam na icchama na tam khadama,||
yam icchama tam bhunjama,||
yam na icchama tam na bhunjama,||
yam icchama tam sayama||
yam na icchama na tam sayama,||
yam icchama tam pibama,||
yam na icchama tam na pibama.|| ||

Kappiyam pi khadama,||
akappiyam pi khadama,||
kappiyam pi bhunjama,||
akappiyam pi bhunjama,||
kappiyam pi sayama,||
akappiyam pi sayama,||
kappiyam pi pibama,||
akappiyam pi pibama.|| ||

Kale pi khadama,||
vikale pi khadama,||
kale pi bhunjama,||
vikale pi bhunjama,||
kale pi sayama,||
vikale pi sayama,||
kale pi [125] pibama,||
vikale pi pibama.|| ||

Yam pi no saddha gahapatika diva vikale panitam khadaniyam va bhojaniyam va denti,||
tatra pi'me mukhavaranam manne karonti' ti.|| ||

So kupito anattamano sikkham paccakkhaya hinayavattati.|| ||

Ayam vuccati bhikkhave bhikkhu kumbhilabhayassa bhito sikkham paccakkhaya hinayavatto.|| ||

'Kumbhilabhayan' ti kho bhikkhave odarikattass'etam adhivacanam.|| ||

Idam vuccati bhikkhave kumbhilabhayam.|| ||

6. Kataman ca bhikkhave avattabhayam?|| ||

Idha, bhikkhave, ekacco kulaputto saddha agarasma anagariyam pabbajito hoti:|| ||

'Otinno'mhi jatiya jaraya,||
maranena,||
sokehi paridevehi dukkhehi domanassehi upayasehi,||
dukkhotinno dukkhapareto,||
appeva nama imassa kevalassa dukkhakkhandhassa antakiriya pannayetha' ti.|| ||

So evam pabbajito samano pubbanhasamayam nivasetva pattacivaram adaya gamam va nigamam va pindaya pavisati arakkhiten'eva kayena arakkhitaya vacaya arakkhitena cittena anupatthitaya satiya asamvutehi indriyehi.|| ||

So tattha passati gahapatim va gahapatiputtam va pancahi kama-gunehi samappitam samangibhutam paricarayamanam.|| ||

Tass'evam hoti:|| ||

'Mayam kho pubbe agariyabhuta samana pancahi kama-gunehi samappita samangibhuta paricarimha.|| ||

Samvijjante kho pana me kule bhoga,||
sakka bhoge ca bhunjitum punnani ca katum.|| ||

Yan nunaham sikkham paccakkhaya hinayavattitva bhoge ca bhunjeyyam punnani ca kareyyan' ti.|| ||

So sikkham paccakkhaya hinayavattati.|| ||

Ayam vuccati bhikkhave bhikkhu avattabhayassa bhito sikkham paccakkhaya hinayavatto.|| ||

'Avattabhayan' ti kho bhikkhave pancann'etam kamagunanam adhivacanam.|| ||

Idam vuccati bhikkhave avattabhayam.|| ||

7. Kataman ca bhikkhave susukabhayam?|| ||

Idha, bhikkhave, ekacco kulaputto saddha agarasma anagariyam pabbajito hoti:|| ||

'Otinno'mhi jatiya jaraya,||
maranena,||
sokehi paridevehi dukkhehi domanassehi upayasehi,||
dukkhotinno dukkhapareto,||
appeva nama imassa kevalassa dukkhakkhandhassa antakiriya pannayetha' ti.|| ||

So evam pabbajito samano pubbanhasamayam nivasetva pattacivaram adaya gamam va nigamam va pindaya [126] pavisati arakkhiten'eva kayena arakkhitaya vacaya arakkhitena cittena anupatthitaya satiya asamvutehi indriyehi.|| ||

So tattha passati matugamam dunnivattham va dupparutam va.|| ||

Tassa matugamam disva dunnivattham va dupparutam va rago cittam anuddhamseti.|| ||

So raganuddhamsena cittena sikkham paccakkhaya hinayavattati.|| ||

Ayam vuccati bhikkhave bhikkhu susukabhayassa bhito sikkham paccakkhaya hinayavatto.|| ||

'Susukabhayan' ti kho bhikkhave matugamassetam adhivacanam.|| ||

Idam vuccati bhikkhave susukabhayam.|| ||

Imani kho bhikkhave cattari bhayani idh'ekacce kulaputte imasmim dhamma-vinaye saddha agarasma anagariyam pabbajite patikankhitabbani" ti.|| ||

 


Contact:
E-mail
Copyright Statement