Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttaranikayo
Catukkanipato
XIII: Bhaya Vagga

Sutta 125

Tatiya Puggala Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


 

[1][pts][than][nymo] Evam me sutam:|| ||

Ekam samayam Bhagava Savatthiyam viharati.|| ||

Tatra kho Bhagava bhikkhu amantesi:|| ||

"Bhikkhavo" ti.|| ||

"Bhadante" ti te bhikkhu Bhagavato paccassosum.|| ||

Bhagava etad avoca:|| ||

2. Cattarome bhikkhave puggala santo samvijjamana lokasmim.|| ||

Katame cattaro?|| ||

Idha, bhikkhave, ekacco puggalo metta-sahagatena cetasa disam pharitva viharati||
- tatha dutiyam||
- tatha tatiyam||
- tatha catutthim,||
iti uddamadho tiriyam sabbadhi sabbattataya sabbavantam lokam metta-sahagatena cetasa vipulena mahaggatena appamanena averena akyapajjhena pharitva viharati.|| ||

So tadassadeti tam nikameti tena ca vittim apajjati.|| ||

Tattha thito tadadhimutto tabbahulavihari aparihino kalam kurumano brahma kayikanam devanam sahavyatam upapajjati.|| ||

Brahmakayikanam bhikkhave devanam kappo ayuppamanam.|| ||

Tat puthujjano yavatayuka thatva yavatakam tesam devanam ayuppamanam tam sabbam khepetva nirayam pi gacchati.|| ||

Tiracchanayonimpi gacchati.|| ||

Bhagavato pana savako tattha yavatayukam thatva yavatakam tesam devanam ayuppamanam tam sabbam khepetva tasmim yeva bhave parinibkhayati.|| ||

Ayam kho bhikkhave viseso ayam adhippayo idam nanakaranam sutavato ariyasavakassa assutavata pujjanena yad idam gatiya upapattiya sati.|| ||

Puna ca param bhikkhave idh'ekacco puggalo karuna-sahagatena cetasa vipulena mahaggatena appamanena averena akhyapajjhena pharitva viharati.|| ||

So tadassadeti tam nikameti tena ca vittim apajjati.|| ||

Tattha thito tadadhimutto tabbahulavihari aparihino kalam kurumano abhassaranam devanam sahavyatam upapajjati.|| ||

Abhassaranam bhikkhave devanam dve kappa ayuppamanam.|| ||

Tam sabbam khepetva nirayam pi gacchati.|| ||

Tiracchanayonimpi gacchati.|| ||

Pettivisayam pi gacchati.|| ||

Bhagavato pana savako tattha yavatayukam thatva yavatakam tesam devanam ayuppamanam tam sabbam khepetva tasmim.|| ||

Yeva bhave parinibkhayati.|| ||

Ayam kho bhikkhave viseso ayam adhippayo idam nanakaranam sutavato ariyasavakassa assutavata puthujjanena yad idam gatiya upapattiya sati.|| ||

Puna ca param bhikkhave idh'ekacco puggalo mudita sahagatena cetasa ekam disa paritva viharati||
- tatha dutiyam||
- tatha tatiyam||
- tatha catutthim,||
iti uddamadho tiriyam sabbadhi sabbattataya lokam mudita sahagatena cetasa vipulena mahaggatena appamanena averena akhyapajjhena pharitva viharati.|| ||

So tadassadeti tam nikameti tena ca vittam apajjati.|| ||

Tattha thito tadadhimutto tabbahulavihari aparihino kalam kurumano subhakinanhanam devanam sahavyatam upapajjati.|| ||

Subhakinhanam bhikkhave devanam cattaro kappa ayuppamanam.|| ||

Tattha puthujjano yavatayukam thatva yavatakam tesamam devanam ayuppamanam tam sabbam khepetva ninarayam pi gacchati.|| ||

Tiracchanayonimpi gacchati.|| ||

Pettivisayam pi gacchati.|| ||

Bhagavato pana savako tattha yavatayukam thatva yavatakam tesam devanam ayuppamanam tam sabbam khepetva tasmim yeva bhave parinbkhayati.|| ||

Ayam kho bhikkhave viseso,||
ayam adhippayo.|| ||

Idam nanakaranam sutavato ariyasavakassa assutavata puthujjanena yad idam gatiya upapattiya sati.|| ||

Puna ca param bhikkhave idh'ekacco puggalo upekkha-sahagatena cetasa ekam disam pharitva viharati||
- tatha dutiyam||
- tatha tatiyam||
- tatha catutthim,||
iti uddham-adho tiriyam sabbadhi sabbattataya sabbavattam lokam upekkha-sahagatena cetasa vipulena mahaggatena appamanena averena akhyapajejhana pharitva viharati.|| ||

So tadassadeti tam nikameti tena ca vittim apajjati.|| ||

Tattha thito tadadhimutto tabbahulavihari aparihino kalam kurumano vehapphalanam devanam sahavyatam upapajjati.|| ||

Vehapphalanam bhikkhave devanam pancakappasatani ayuppamanam.|| ||

Tattha puthujjano yavatayukam thatva yavatakam tesam devanam ayuppamanam tam sabbam khepetva nirayam pi gacchati.|| ||

Tiracchanayonimpi gacchati.|| ||

Pettivisayam pi gacchati.|| ||

Bhagavato pana savako tattha yavatayukam thatva yavatakam tesam devanam ayuppamanam tam sabbam khepetva tasmim yeva bhave parinibkhayati.|| ||

Ayam kho bhikkhave viseso ayam adhippayo.|| ||

Idam nanakaranam sutavato ariyasavakassa assutavata puthujjanena yad idam gatiya upapattiya sati.|| ||

Ime kho bhikkhave cattaro puggala santo samvijjamana lokasmin ti.|| ||

 


Contact:
E-mail
Copyright Statement