Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttaranikayo
Catukkanipato
XIII: Bhaya Vagga

Sutta 126

Catuttha Puggala Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


 

[1][pts][than][nymo] Evam me sutam:|| ||

Ekam samayam Bhagava Savatthiyam viharati.|| ||

Tatra kho Bhagava bhikkhu amantesi:|| ||

"Bhikkhavo" ti.|| ||

"Bhadante" ti te bhikkhu Bhagavato paccassosum.|| ||

Bhagava etad avoca:|| ||

2. Cattarome bhikkhave puggala santo samvijjamana lokasmim.|| ||

Katame cattaro?|| ||

Idha, bhikkhave, ekacco puggalo metta-sahagatena cetasa ekam disam pharitva viharati.|| ||

Tatha dutiyam||
- tatha tatiyam||
- tatha catutthim||
- iti uddham-adho tiriyam sabbadhi sabbattataya sabbavantam lokam metta-sahagatena cetasa vipulena mahaggatena appamanena averena akhyapajjhena pharitva viharati.|| ||

So yadeva tattha hoti rupagatam vedanagatam sannagatam sankharagatam vinnanagatam,||
te dhamme aniccato dukkhato rogato gandato sallato aghato abadhato parato palokato sunnato anttato samanupassati.|| ||

So kayassa bheda param marana Suddhavasanam devanam sahavyatam upapajjati.|| ||

Ayam kho bhikkhave upapatti asadharana puthujjanehi.|| ||

Puna ca param bhikkhave idh'ekacco puggalo karuna-sahagatena cetasa ekam disam pharitva viharati.|| ||

Tatha dutiyam||
- tatha tatiyam||
- tatha catutthim||
- iti uddham-adho tiriyam sabbadhi sabbattataya sabbavantam lokam karuna-sahagatena cetasa vipulena mahaggatena appamanena averena akhyapajjhena paritva viharati.|| ||

So yadeva tattha hoti rupagatam vedanagatam sannagatam sankharagatam vinnanagatam te dhamme aniccato dukkhato rogato gandato sallato aghato abadhato parato palokato sunnato anattato samanupassati.|| ||

So kayassa bheda param marana Suddhavasanam devanamsahavyatam upapajjati.|| ||

Ayam bhikkhave upapatti asadharana puthujjanehi.|| ||

Puna ca param bhikkhave idh'ekacco puggalo mudita-sahagatena cetasa ekam disam pharitva viharati.|| ||

Tatha dutiyam||
- tatha tatiyam||
- tatha catutthim||
- iti uddham-adho tiriyam sabbadhi sabbattataya sabbavantam lokam muditasahagateha cetasa vipulena mahaggatena appamanena averena akhyapajjhena paritva viharati.|| ||

So yadeva tattha hoti rupagatam vedanagatam sannagatam sankharagatam vinnanagatam te dhamme aniccato dukkhato rogato gandato sallato aghato abadhato parato palokato sunnato anattato samanupassati.|| ||

So kayassa bheda param marana Suddhavasanam devanamsahavyatam upapajjati.|| ||

Ayam bhikkhave upapatti asadharana puthujjanehi.|| ||

Puna ca param bhikkhave idh'ekacco puggalo upekkha-sahagatena cetasa ekam disam pharitva viharati.|| ||

Tatha dutiyam||
- tatha tatiyam||
- tatha catutnathim||
- iti uddham-adho tiriyam sabbadhi sabbattataya sabbavantam lokam upekkha-sahagatena cetasa vipulena mahaggatena appamanena averena akhyapajjhena pharitva viharati.|| ||

So yadeva tattha hoti rupagatam vedanagatam sannagatam sankharagatam vinnanagatam te dhamme aniccato dukkhato rogato gandato sallato aghato abadhato parato palokato sunnato anattato samanupassati.|| ||

So kayassa bheda param marana Suddhavasanam devanamsahavyatam uppajjati.|| ||

Ayam bhikkhave upapatti asadharana puthujjanehi.|| ||

Ime kho bhikkhave cattaro puggala santo samvijjamana lokasmin ti.|| ||

 


Contact:
E-mail
Copyright Statement