Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttaranikayo
Catukkanipato
XIII: Bhaya Vagga

Sutta 127

Tathagata Acchariya Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


 

[1][pts] Evam me sutam:|| ||

Ekam samayam Bhagava Savatthiyam viharati.|| ||

Tatra kho Bhagava bhikkhu amantesi:|| ||

"Bhikkhavo" ti.|| ||

"Bhadante" ti te bhikkhu Bhagavato paccassosum.|| ||

Bhagava etad avoca:|| ||

2. Tathagatassa bhikkhave arahato sammasambuddhassa patubhava cattaro acchariya abbhuta dhamma patubhavanti.|| ||

Katame cattaro?|| ||

Yada bhikkhave bodhisatto Tusita kaya cavitva sato sampajano matukucchim okkamati,||
atha sadevake loke samarake sabrahamke,||
sassamanabrahmaniya pajaya sadeva-manussaya appamano ularo obhaso patu-bhavati atikkamm'eva devanam devanubhavanam.|| ||

Ya pi ta lokantarika agha asamvuta andhakara andhakaratimisa yattha p'imesam candima-suriyanam evam mahiddhikanam evam mahanubhavanam abha nanubhonti,||
tattha pi appamano ularo obhaso patu-bhavati atikkamm'eva devanam devanubhavam.|| ||

Ye pi tattha sattha upapanna te pi ten'obhasena annamannam sanjananti:|| ||

'Anne pi kira bho santi satta idh'upapanna' ti.|| ||

[131] Tathagatassa bhikkhave arahato sammasambuddhassa patubhava ayam pathamo acchariyo abbhuto dhammo patu-bhavati.|| ||

 


 

3. Puna ca param bhikkhave yada bodhisatto sato sampajano matu kucchisma nikkhamati,||
atha sadevake loke samarake sabrahamke,||
sassamanabrahmaniya pajaya sadeva-manussaya appamano ularo obhaso patu-bhavati atikkamm'eva devanam devanubhavanam.|| ||

Ya pi ta lokantarika agha asamvuta andhakara andhakaratimisa yattha p'imesam candima-suriyanam evam mahiddhikanam evam mahanubhavanam abha nanubhonti,||
tattha pi appamano ularo obhaso patu-bhavati atikkamm'eva devanam devanubhavam.|| ||

Ye pi tattha sattha upapanna te pi ten'obhasena annamannam sanjananti:|| ||

'Anne pi kira bho santi satta idh'upapanna' ti.|| ||

Tathagatassa bhikkhave arahato sammasambuddhassa patubhava ayam dutiyo acchariyo abbhuto dhammo patu-bhavati.|| ||

 


 

4. Puna ca param bhikkhave yada Tathagato anuttaram sammasambodhim abhisambujjhati,||
atha sadevake loke samarake sabrahamke,||
sassamanabrahmaniya pajaya sadeva-manussaya appamano ularo obhaso patu-bhavati atikkamm'eva devanam devanubhavanam.|| ||

Ya pi ta lokantarika agha asamvuta andhakara andhakaratimisa yattha p'imesam candima-suriyanam evam mahiddhikanam evam mahanubhavanam abha nanubhonti,||
tattha pi appamano ularo obhaso patu-bhavati atikkamm'eva devanam devanubhavam.|| ||

Ye pi tattha sattha upapanna te pi ten'obhasena annamannam sanjananti:|| ||

'Anne pi kira bho santi satta idh'upapanna' ti.|| ||

Tathagatassa bhikkhave arahato sammasambuddhassa patubhava ayam tatiyo acchariyo abbhuto dhammo patu-bhavati.|| ||

 


 

5. Puna ca param bhikkhave yada Tathagato anuttaram dhammacakkam pavatteti,||
atha sadevake loke samarake sabrahamke,||
sassamanabrahmaniya pajaya sadeva-manussaya appamano ularo obhaso patu-bhavati atikkamm'eva devanam devanubhavanam.|| ||

Ya pi ta lokantarika agha asamvuta andhakara andhakaratimisa yattha p'imesam candima-suriyanam evam mahiddhikanam evam mahanubhavanam abha nanubhonti,||
tattha pi appamano ularo obhaso patu-bhavati atikkamm'eva devanam devanubhavam.|| ||

Ye pi tattha sattha upapanna te pi ten'obhasena annamannam sanjananti:|| ||

'Anne pi kira bho santi satta idh'upapanna' ti.|| ||

Tathagatassa bhikkhave arahato sammasambuddhassa patubhava ayam catuttho acchariyo abbhuto dhammo patu-bhavati.|| ||

Tathagatassa bhikkhave arahato sammasambuddhassa patubhava ime cattaro acchariya abbhuta dhamma patubhavanti ti.|| ||

 


Contact:
E-mail
Copyright Statement