Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttaranikayo
Catukkanipato
XIII: Bhaya Vagga

Sutta 138

Nikattha Puggala Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


 

[1][pts] Evam me sutam:|| ||

Ekam samayam Bhagava Savatthiyam viharati.|| ||

Tatra kho Bhagava bhikkhu amantesi:|| ||

"Bhikkhavo" ti.|| ||

"Bhadante" ti te bhikkhu Bhagavato paccassosum.|| ||

Bhagava etad avoca:|| ||

2. "Cattarome bhikkhave puggala santo samvijjamana lokasmim.|| ||

Katame cattaro?|| ||

"Nikatthakayo||
anikatthacitto.|| ||

Anikatthakayo||
nikatthacitto.|| ||

Anikatthakayo ca||
anikatthacitto ca.|| ||

Nikatthakayo ca||
nikatthacitto ca.|| ||

3. Kathan ca bhikkhave puggalo||
nikatthakayo hoti||
anikatthacitto?|| ||

Idha, bhikkhave, ekacco puggalo||
aranne vanapatthani||
pantani senasanani patisevati.|| ||

So tattha kamavitakkam pi vitakketi,||
vyapadavitakkam pi vitakketi,||
vihimsavitakkam pi vitakketi.|| ||

Evam kho bhikkhave puggalo||
nikatthakayo hoti||
anikatthacitto.|| ||

4. Kathan ca bhikkhave puggalo||
anikatthakayo hoti||
nikatthacitto?|| ||

Idha, bhikkhave, ekacco puggalo||
na h'eva kho aranne vanapatthani||
pantani senasanani patisevati.|| ||

So tattha nekkhammavitakkam pi vitakketi,||
avyapadavitakkam pi vitakketi,||
avihimsavitakkam pi vitakketi.|| ||

Evam kho bhikkhave puggalo anikatthakayo hoti nikatthacitto.|| ||

5. Kathan ca bhikkhave puggalo||
anikatthakayo ca hoti||
anikatthacitto ca?|| ||

Idha, bhikkhave, ekacco puggalo||
na h'eva kho aranne [138] vanapatthani||
pattani senasanani patisevati.|| ||

So tattha kamavitakkam pi vitakketi,||
vyapadavitakkam pi vitakketi,||
vihimsavitakkam pi vitakketi.|| ||

Evam kho bhikkhave puggalo||
anikatthakayo ca hoti||
anikatthacitto ca.|| ||

Kathan ca bhikkhave puggalo||
nikatthakayo ca hoti||
nikatthacitto ca?|| ||

Idha, bhikkhave, ekacco puggalo||
aranne vanapatthani||
pantani senasanani patisevati.|| ||

So tattha nekkhammavitakkam pi vitakketi,||
avyapadavitakkam pi vitakketi,||
avihimsavitakkam pi vitakketi.|| ||

Evam kho bhikkhave puggalo nikatthakayo ca hoti nikatthacitto ca.|| ||

Ime kho bhikkhave cattaro puggala santo samvijjamana lokasmin" ti.|| ||

 


Contact:
E-mail
Copyright Statement