Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
Catukkanipata
15. Abha Vagga

Sutta 147

Dutiya Kala Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


 

[1][pts] Evam me sutam:|| ||

Ekam samayam Bhagava Savatthiyam viharati.|| ||

Tatra kho Bhagava bhikkhu amantesi:|| ||

"Bhikkhavo" ti.|| ||

"Bhadante" ti te bhikkhu Bhagavato paccassosum.|| ||

Bhagava etad avoca:|| ||

2. "Cattarome bhikkhave kala samma bhaviyamana samma anuparivattiyamana anupubbena asavanam khayam papenti.|| ||

Katame cattaro?|| ||

Kalena dhammasavanam,||
kalena dhammasakaccha,||
kalena samatho,||
kalena vipassana.|| ||

Ime kho bhikkhave cattaro kala samma bhaviyamana samma anuparivattiyamana anupubbena asavanam khayam papenti.|| ||

3. Seyyatha pi, bhikkhave, upari pabbate thullaphusitake deve vassante tam udakam yatha ninnam pavattamanam pabbatakandarapadarasakha paripureti,||
pabbatakandarapadarasakha paripura kussubbhe paripurenti,||
kussubbha paripura mahasobbhe paripirenti,||
mahasobbha paripura kunnadiyo paripurenti,||
kunnadiyo paripura mahanadiyo paripurenti,||
mahanadiyo paripura samuddam sagaram paripurenti.|| ||

Evam eva kho bhikkhave ime cattaro kala samma bhaviyamana samma anuparivattiyamana anupubbena asavanam khayam papenti" ti.|| ||

 


Contact:
E-mail
Copyright Statement