Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttaranikayo
Catukkanipato
XVII: Patipada Vagga

Sutta 163

Tatiya Patipada Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


 

[1][pts][than] EVAM ME SUTAM.|| ||

Ekam samayam Bhagava Savatthiyam viharati.|| ||

Tatra kho Bhagava bhikkhu amantesi:|| ||

"Bhikkhavo" ti.|| ||

"Bhadante" ti te bhikkhu Bhagavato paccassosum.|| ||

Bhagava etad avoca:|| ||

2. Catasso ima bhikkhave patipada.|| ||

Katama catasso?|| ||

Dukkhapatipada dandhabhinna,||
dukkhapatipada khippabhinna,||
sukhapatipada dandhabhinna,||
sukhapatipada khippabhinna.|| ||

2. Katama ca bhikkhave dukkhapatipada dandhabhinna?|| ||

Idha, bhikkhave, bhikkhu asubhanupassi kaye viharati||
ahare patikkulasanni||
sabbaloke anabhiratasanni||
sabbasankharesu anccanupassi.|| ||

Maranasanna kho panassa ajjhattam supatthita hoti.|| ||

So imani panca sekhabalani upanissaya viharati:|| ||

Saddhabalam||
hiribalam||
ottappabalam||
[151] virayabalam||
pannabalam.|| ||

Tassimani pancindriyani muduni patubhavanti:|| ||

Saddhindriyam||
viriyindriyam||
satindriyam||
samadhindriyam||
pannindriyam.|| ||

So imesam pancannam indriyanam mudutta dandham anantariyam papunati asavanam khayaya.|| ||

Ayam vuccati bhikkhave dukkhapatipada dandhabhinna.|| ||

3. Katama ca bhikkhave dukkhapatipada khippabhinna?|| ||

Idha, bhikkhave, bhikkhu asubhanupassi kaye viharati||
ahare patikkulasanni||
sabbaloke anabhiratasanni||
sabbasankharesu anccanupassi.|| ||

Maranasanna kho panassa ajjhattam supatthita hoti.|| ||

So imani panca sekhabalani upanissaya viharati:||
saddhabalam||
hiribalam||
ottappabalam||
viriyabalam||
pannabalam.|| ||

Tassimani pancindriyani adhimattani patubhavanti:||
saddhindriyam||
viriyindriyam||
satindriyam||
samadhindriyam||
pannindriyam.|| ||

So imesam pancannam indriyanam adhimattatta khippam anantariyam papunati asavanam khayaya.|| ||

Ayam vuccati bhikkhave dukkhapatipada khippabhinna.|| ||

4. Katama ca bhikkhave sukhapatipada dandhabhinna?|| ||

Idha, bhikkhave, bhikkhu vivicc'eva kamehi||
vivicca akusalehi dhammehi||
savitakkam savicaram||
vivekajam piti-sukham||
pathamajjhanam upasampajja viharati.|| ||

Vitakka-vicaranam vupasama||
ajjhattam sampasadanam cetaso ekodi-bhavam||
avitakkam avicaram||
samadhiji piti-sukham||
dutiyajjhanam upasampajja viharati.|| ||

Pitiya ca viraga upekkhako ca viharati||
sato ca sampajano,||
sukhan ca kayena patisanvedeti||
yam tam ariya avikkhanti||
'Upekkhako satima sukhavihari' ti||
tatiyajjhanam upasampajja viharati.|| ||

Sukhassa ca pahana||
dukkhassa ca pahana||
pubb'eva somanassa-domanassanam attha-gama||
adukkham asukham||
upekkha-sati-parisuddhim||
catutthajjhanam upasampajja viharati.|| ||

So imani panca sekhabalani upanissaya viharati:||
saddhabalam||
hiribalam||
ottappabalam||
viriyabalam||
pannabalam.|| ||

Tassimani pancindriyani adhimattani patubhavanti:||
saddhindriyam||
viriyindriyam||
satindriyam||
samadhindriyam||
pannindriyam.|| ||

So imesam pancannam indriyanam mudutta dandham anantariya papunati asavanam khayaya.|| ||

Ayam vuccati bhikkhave sukhapatipada dandhabhinna.|| ||

5. Katama ca bhikkhave sukhapatipada khippabhinna?|| ||

Idha, bhikkhave, bhikkhu vivicc'eva kamehi||
vivicca akusalehi dhammehi||
savitakkam savicaram||
vivekajam piti-sukham||
pathamajjhanam upasampajja viharati.|| ||

Vitakka-vicaranam vupasama||
ajjhattam sampasadanam cetaso ekodi-bhavam||
avitakkam avicaram||
samadhiji piti-sukham||
dutiyajjhanam upasampajja viharati.|| ||

Pitiya ca viraga upekkhako ca viharati||
sato ca sampajano,||
sukhan ca kayena patisanvedeti||
yam tam ariya avikkhanti||
'Upekkhako satima sukhavihari' ti||
tatiyajjhanam [152] upasampajja viharati.|| ||

Sukhassa ca pahana||
dukkhassa ca pahana||
pubb'eva somanassa-domanassanam attha-gama||
adukkham asukham||
upekkha-sati-parisuddhim||
catutthajjhanam upasampajja viharati.|| ||

So imani panca sekhabalani upanissaya viharati:||
saddhabalam||
hiribalam||
ottappabalam||
viriyabalam||
pannabalam.|| ||

Tassimani pancindriyani adhimattani patubhavanti:||
saddhindriyam||
viriyindriyam||
satindriyam||
samadhindriyam||
pannindriyam.|| ||

So imesam pancannam indriyanam adhimattatta khippam anantariyam papunati asavanam khayaya.|| ||

Ayam vuccati bhikkhave sukhapatipada khippabhinna.|| ||

Ima kho bhikkhave catasso patipada ti.|| ||


Contact:
E-mail
Copyright Statement