Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttaranikayo
Catukkanipato
XVII: Patipada Vagga

Sutta 166

Chattha Patipada Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


 

[1][pts] EVAM ME SUTAM.|| ||

Ekam samayam Bhagava Savatthiyam viharati.|| ||

Tatra kho Bhagava bhikkhu amantesi:|| ||

"Bhikkhavo" ti.|| ||

"Bhadante" ti te bhikkhu Bhagavato paccassosum.|| ||

Bhagava etad avoca:|| ||

2. Catasso ima bhikkhave patipada.|| ||

Katama catasso?|| ||

Dukkha-patipada dandhabhinna,||
dukkha-patipada khippabhinna,||
sukha-patipada dandhabhinna,||
sukha-patipada khippabhinna.|| ||

2. Tatra, bhikkhave, yayam patipada dukkha dandhabhinna,||
ayam bhikkhave patipada ubhayen'eva hina akkhayati||
yam payam patipada dukkha,||
imina payam hina akkhayati||
yam payam patipada dandha,||
imina payam hina akkhayati.|| ||

Ayam bhikkhave patipada ubhayenen'eva hina akkhayati.|| ||

3. Tatra, bhikkhave, yayam patipada dukkha khippabhinna.|| ||

Ayam bhikkhave patipada dukkhatta hina akkhayati.|| ||

4. Tatra, bhikkhave, yayam patipada sukha dandhabhinna.|| ||

Ayam bhikkhave patipada dandhatta hina akkhayati.|| ||

5. Tatra, bhikkhave, yayam patipada sukha khippabhinna.|| ||

Ayam bhikkhave patipada ubayen'eva panita akkhayati,||
yam payam patipada sukha,||
imina payam panita akkhayati,||
yam payam patipada khippa,||
imina payam panita akkhayati.|| ||

Ayam bhikkhave patipada ubhayen'eva panita akkhayati.|| ||

Ima kho bhikkhave catasso patipada ti.|| ||


Contact:
E-mail
Copyright Statement