Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttaranikayo
Catukkanipato
XVII: Patipada Vagga

Sutta 167

Moggallana Patipada Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


 

[1][pts] EVAM ME SUTAM.|| ||

Atha kho ayasma Sariputto yenayasma Maha Moggallano ten'upasankami.|| ||

Upasankamitva ayasmata Maha Moggallanena saddhim sammodi.|| ||

Sammodaniyam katham saraniyam citisaretva eka-m-antam nisidi.|| ||

Eka-m-antam nisinno kho ayasma Sariputto ayasmantam Maha Moglagallanam etad avoca:|| ||

"Catasso ima avuso Moggallana patipada.|| ||

Katama catasso?|| ||

Dukkha-patipada dandhabhinna,||
dukkha-patipada khippabhinna,||
sukha-patipada dandhabhinna,||
sukha-patipada khippabhinna.|| ||

Ima kho avuso catasso patipada.|| ||

Imasam avuso catassannam patipadanam katamam te patipadam agamma asavehi cittam vimuttan" ti?|| ||

[155] "Catasso ima avuso Sariputta patipada.|| ||

Katama catasso?|| ||

Dukkha-patipada dandhabhinna,||
dukkha-patipada khippabhinna,||
sukha-patipada dandhabhinna,||
sukha-patipada khippabhinna.|| ||

Ima kho avuso catasso patipada.|| ||

Imasam avuso catassannam patipadanam yayam patipada dukkha khippabhinna,||
imam me patipadam agamma anupadaya asavehi cittam vimuttan" ti.|| ||


Contact:
E-mail
Copyright Statement