Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttaranikayo
Catukkanipato
XVII: Patipada Vagga

Sutta 169

Kilesa-Parinibbana Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


 

[1][pts][olds] EVAM ME SUTAM.|| ||

Ekam samayam Bhagava Savatthiyam viharati.|| ||

Tatra kho Bhagava bhikkhu amantesi:|| ||

"Bhikkhavo" ti.|| ||

"Bhadante" ti te bhikkhu Bhagavato paccassosum.|| ||

Bhagava etad avoca:|| ||

2. Cattarome bhikkhave puggala santo samvijjamana lokasmim.|| ||

Katame cattaro?|| ||

Idha, bhikkhave, ekacco puggalo ditthe va dhamme sasankharaparinibbayi hoti.|| ||

Idha pana bhikkhave ekacco puggalo kayassa bheda sasankharaparinibbayi hoti.|| ||

Idha pana bhikkhave ekacco puggalo ditthe va dhamme asankharaparinibbayi hoti.|| ||

Idha pana bhikkhave ekacco puggalo kayassa bheda asankharaparinibbayi hoti.|| ||

 


 

Katan ca bhikkhave puggalo ditthe va dhamme sasankharaparinibbayi hoti?|| ||

Idha, bhikkhave, bhikkhu asubhanupassi kaye viharati||
ahare patikkulasanni||
sabbaloke anabhiratasanni||
sabbasankharesu aniccanupassi.|| ||

Maranasanna kho panassa [156] ajjhattam supatthita hoti.|| ||

So imani panca sekhabalani upanissaya viharati:|| ||

Saddhabalam||
hiribalam||
ottappabalam||
virayabalam||
pannabalam.|| ||

Tass'imani pancindriyani adhimattani patubhavanti:|| ||

Saddhindriyam||
viriyindriyam||
satindriyam||
samadhindriyam||
pannindriyam.|| ||

So imesam pancannam indriyanam adhimattatta ditthe va dhamme sasankharaparinibbayi hoti.|| ||

Evam kho bhikkhave puggalo ditthe va dhamme sasankharaparinibbayi hoti.|| ||

 


 

Katan ca bhikkhave puggalo kayassa bheda sasankharaparinibbayi hoti?|| ||

Idha, bhikkhave, bhikkhu asubhanupassi kaye viharati||
ahare patikkulasanni||
sabbaloke anabhiratasanni||
sabbasankharesu aniccanupassi.|| ||

Maranasanna kho panassa ajjhattam supatthita hoti.|| ||

So imani panca sekhabalani upanissaya viharati:|| ||

Saddhabalam||
hiribalam||
ottappabalam||
virayabalam||
pannabalam.|| ||

Tass'imani pancindriyani muduni patubhavanti:|| ||

Saddhindriyam||
viriyindriyam||
satindriyam||
samadhindriyam||
pannindriyam.|| ||

So imesam pancannam indriyanam mudutta kayassa bheda sasankharaparinibbayi hoti.|| ||

Evam kho bhikkhave puggalo kayassa bheda sasankharaparinibbayi hoti.|| ||

 


 

Kathan ca bhikkhave puggalo ditthe va dhamme asankharaparinibbayi hoti?|| ||

Idha, bhikkhave, bhikkhu vivicc'eva kamehi||
vivicca akusalehi dhammehi||
savitakkam savicaram||
vivekajam piti-sukham||
pathamajjhanam upasampajja viharati.|| ||

Vitakka-vicaranam vupasama||
ajjhattam sampasadanam cetaso ekodi-bhavam||
avitakkam avicaram||
samadhiji piti-sukham||
dutiyajjhanam upasampajja viharati.|| ||

Pitiya ca viraga upekkhako ca viharati||
sato ca sampajano,||
sukhan ca kayena patisanvedeti||
yam tam ariya avikkhanti||
'Upekkhako satima sukhavihari' ti||
tatiyajjhanam upasampajja viharati.|| ||

Sukhassa ca pahana||
dukkhassa ca pahana||
pubb'eva somanassa-domanassanam attha-gama||
adukkham asukham||
upekkha-sati-parisuddhim||
catutthajjhanam upasampajja viharati.|| ||

So imani panca sekhabalani upanissaya viharati:||
saddhabalam||
hiribalam||
ottappabalam||
viriyabalam||
pannabalam.|| ||

Tass'imani pancindriyani adhimattani patubhavanti:|| ||

Saddhindriyam||
viriyindriyam||
satindriyam||
samadhindriyam||
pannindriyam.|| ||

So imesam pancannam indriyanam adhimattatta ditthe va dhamme asankharaparinibbayi hoti.|| ||

Evam kho bhikkhave puggalo ditthe va dhamme asankharaparinibbayi hoti.|| ||

 


 

Kathan ca bhikkhave puggalo kayassa bheda asankharaparinibbayi hoti?|| ||

Idha, bhikkhave, bhikkhu vivicc'eva kamehi||
vivicca akusalehi dhammehi||
savitakkam savicaram||
vivekajam piti-sukham||
pathamajjhanam upasampajja viharati.|| ||

Vitakka-vicaranam vupasama||
ajjhattam sampasadanam cetaso ekodi-bhavam||
avitakkam avicaram||
samadhiji piti-sukham||
dutiyajjhanam upasampajja viharati.|| ||

Pitiya ca viraga upekkhako ca viharati||
sato ca sampajano,||
sukhan ca kayena patisanvedeti||
yam tam ariya avikkhanti||
'Upekkhako satima sukhavihari' ti||
tatiyajjhanam upasampajja viharati.|| ||

Sukhassa ca pahana||
dukkhassa ca pahana||
pubb'eva somanassa-domanassanam attha-gama||
adukkham asukham||
upekkha-sati-parisuddhim||
catutthajjhanam upasampajja viharati.|| ||

So imani panca sekhabalani upanissaya viharati:||
saddhabalam||
hiribalam||
ottappabalam||
viriyabalam||
pannabalam.|| ||

Tass'imani pancindriyani muduni patubhavanti:|| ||

Saddhindriyam||
viriyindriyam||
satindriyam||
samadhindriyam||
pannindriyam.|| ||

So imesam pancannam indriyanam mudutta kayassa bheda asankharaparinibbayi hoti.|| ||

Evam kho bhikkhave puggalo kayassa bheda asankharaparinibbayi hoti.|| ||

Ime kho bhikkhave cattaro puggala santo samvijjamana lokasmin" ti.|| ||


Contact:
E-mail
Copyright Statement