Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttaranikayo
Catukkanipato
XVII: Patipada Vagga

Sutta 170

Yuganaddha Suttam, aka Arahattappatati Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


 

[1][pts][than] Evam me sutam:|| ||

Ekam samayam ayasma Anando Kosambiyam viharati Ghositarame.|| ||

Tatra kho ayasma Anando bhikkhu amantesi; Avuso Bhikkhavo ti.|| ||

Avusoti kho te bhikkhu ayasmato Anandassa paccassosum.|| ||

Ayasma Anando etad avoca:|| ||

[157] Yo hi ko ci avuso bhikkhu va bhikkhuni va mama santike arahattappattim vyakaroti.|| ||

Sabbo so catuhi maggehi, etesam va annatarena.|| ||

Katamehi catuhi?|| ||

Idha avuso bhikkhu samathapubbangamam vipassanam bhaveti.|| ||

Tassa samathapubbangamam vipassanam bhavayato maggo sanjayati.|| ||

So tam maggam asevati bhaveti bahulikaroti.|| ||

Tassa tam maggam asevato bhavayato bahulikaroto sannojana pahiyanti.|| ||

Anusaya vyantihonti.|| ||

Puna ca param avuso bhikkhu vipassanapubbangamam samatham bhaveti.|| ||

Tassa vipassanapubabangamam samatham bhavayato maggo sanjayati.|| ||

So tam maggam asevati bhaveti bahulikaroti.|| ||

Tassa tam maggam asevato bhavayato bahulikaroto sannojana pahinanayanti.|| ||

Anusaya vyantihonti.|| ||

Puna ca param avurasa bhikkhu samathavipassanam yuganaddham bhaveti.|| ||

Tassa samathavipassanam yuganaddham bhavayato maggo sanjayati.|| ||

So tam maggam asevati bhaveti bahulikaroti.|| ||

Tassa tam maggam asevato bhavayato bahulikaroto sannojana pahiyanti.|| ||

Anusaya vyantihonti.|| ||

Puna ca param avuso bhikkhuno dhammuddhaccaviggahitam manam hoti.|| ||

So avuso samayo yan tam cittam ajjhattamyeva santitthati sannisidati ekodihoti samadhiyati.|| ||

Tassa maggo sanjayati.|| ||

So tam maggam asevati bhaveti bahulikaroti.|| ||

Tassa tam maggam asevato bhavayato bahulikaroto sannojana pahiyanti.|| ||

Anusaya vyantihonti.|| ||

Yo hi ko vi avuso bhikkhu va bhikkhuni va mama santike arahattappattim vyakaroti, sabbo so imehi catuhi maggehi, etesam va annatarenati.|| ||

Patipadavaggo dutiyo.

 


Contact:
E-mail
Copyright Statement