Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttaranikayo
Catukkanipato
XVIII: Sancetana Vagga

Sutta 175

Upavana Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


 

[161]

[1][pts] Atha kho ayasma Upavano yen'ayasma Sariputto ten'upasankami.|| ||

Upasankamitva ayasmata Sariputtena saddhim sammodi.|| ||

Sammodaniyam katham saraniyam vitisaretva eka-m-antam nisidi.|| ||

Eka-m-antam nisinno kho ayasma upavano ayasmantam Sariputtam etad avoca:|| ||

"Kin nu kho avuso Sariputta vijjay'antakaro hoti" ti?|| ||

"No h'idam avuso."|| ||

"Kim pan'avuso Sariputta caranen'antakaro hoti" ti?|| ||

"No h'idam avuso."|| ||

"Kin nu kho avuso Sariputta vijjacaranen'antakaro hoti" ti?|| ||

"No h'idam avuso."|| ||

"Kim pan'avuso Sariputta annatra-vijjacaranen'antakaro hoti" ti?|| ||

"No h'idam avuso."|| ||

 

§

 

2. "Kin nu kho avuso Sariputta 'vijjay'antakaro hoti' ti?||
iti puttho samano||
'no h'idam avuso' ti vadesi.|| ||

Kim pan'avuso Sariputta 'caranen'antakaro hoti' ti||
iti puttho samano||
'no h'idam avuso' ti vadesi.|| ||

Kim pan'avuso Sariputta 'vijjacaranen'antakaro hoti' ti||
iti puttho samano||
'no h'idam avuso' ti vadesi.|| ||

Kim pan'avuso Sariputta 'annatra-vijjacaranen'antakaro hoti' ti||
iti puttho samano||
'no h'idam avuso' ti vadesi.|| ||

Yathakatham pan'avuso antakaro hoti" ti?|| ||

 

§

 

3. "Vijjaya ve avuso antakaro abhavissa,||
savupadano va samano antakaro abhavissa.|| ||

Caranena ce avuso antakaro abhavissa,||
savupadano va samano antakaro abhavissa.|| ||

Vijjacaranena ce avuso antakaro abhavissa,||
savupadanova samano antakaro abhavissa.|| ||

Annatra-vijjacaranena ce avuso antakaro abhavissa,||
puthujjano antakaro abhavissa.|| ||

Puthujjano hi avuso annatra-vijjacaranena.|| ||

Caranavipanno kho avuso yathabhutam na janati na passati.|| ||

Caranasampanno yatha-[164] bhutam janati passati.|| ||

Yathabhutam janam passam antakaro hoti" ti.|| ||

 


Contact:
E-mail
Copyright Statement