Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttaranikayo
Catukkanipato
XVIII: Sancetana Vagga

Sutta 178

Ceto-Vimutti Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


 

[1][pts][than] Evam me sutam:|| ||

Ekam samayam Bhagava bhikkhu amantesi:|| ||

"Bhikkhavo" ti.|| ||

"Bhadante" ti te bhikkhu Bhagavato paccassosum.|| ||

Bhagava etad avoca:|| ||

2. Cattaro'me bhikkhave puggala santo samvijjamana lokasmim.|| ||

Katame cattaro?|| ||

Idha, bhikkhave, bhikkhu annataram santam ceto-vimuttim upasampajja viharati.|| ||

So sakkayanirodam manasikaroti,||
tassa sakkayanirodham manasi karoto||
sakkayanirodhe cittam na pakkhandati,||
nappasidati,||
na santitthati||
na vimuccati.|| ||

Tassa kho etam bhikkhave bhikkhuno na sakkayanirodho patikankho.|| ||

Seyyatha pi, bhikkhave, puriso lasagatena||
hatthena sakham ganheyya,||
tassa so hattho sajjeyyapi bajjheyyapi,||
evam eva kho bhikkhave bhikkhu annataram santam ceto-vimuttim upasampajja viharati.|| ||

So sakkayanirodham manasikaroti||
tassa sakkayanirodham manasi karoto||
sakkayanirodhe cittam na pakkhandati||
nappasidati||
na santitthati||
na vimuccati.|| ||

Tassa kho etam bhikkhave bhikkhuno na sakkayanirodho patikankho.|| ||

 

§

 

Idha pana bhikkhave bhikkhu annataram santam ceto-vimuttim upasampajja viharati.|| ||

So sakkayanirodham [166] manasikaroti,||
tassa sakkayanirodham manasi karoto||
sakkayanirodhe cittam pakkhandati||
pasidati||
santitthati||
vimuccati.|| ||

Tassa kho etam bhikkhave bhikkhuno sakkayanirodho patikankho.|| ||

Seyyatha pi, bhikkhave, puriso suddhena hatthena sakham ganheyya,||
tassa so hattho n'eva sajjeyya na ganheyya na khajjeyya.|| ||

Evam eva kho bhikkhave bhikkhu annataram santam ceto-vimuttim upasampajja viharati.|| ||

So sakkayanirodham manasikaroti||
tassa sakkayanirodham manasi karoto sakkayanirodhe cittam pakkhandati||
pasidati||
santitthati||
vimuccati.|| ||

Tassa kho etam bhikkhave bhikkhuno sakkayanirodho patikankho.|| ||

 

§

 

Idha pana bhikkhave bhikkhu annataram santam ceto-vimuttim upasampajja viharati.|| ||

So avijjappabhedam manasikaroti||
tassa avijjappabhedam manasikaroto||
avijjappabhede cittam na pakkhandati||
na ppasidati||
na santitthati||
na vimuccati.|| ||

Tassa kho etam bhikkhave bhikkhuno na avijjappado patikankho.|| ||

Seyyatha pi, bhikkhave, jambali anekavassaganika,||
tassa puriso yani c'eva ayamukhani tani pidabheyya,||
yani ca apayamukhani tani vivareyya,||
devo ca na sammadharam anuppaveccheyya,||
evam hi tassa bhikkhave jambaliya na palippabhedo patikankho,||
evam eva kho bhikkhave bhikkhu annataram santam cetovimttim upasampajja viharati.|| ||

So avijjappabhedam manasikaroti,||
tassa avijjappabhedam manasi karoto||
avijjappabhede cittam na pakkhandati||
nappasidati||
na santitthati||
na vimuccati.|| ||

Tassa kho etam bhikkhave bhikkhuno na avijjappabhedo patikankho.|| ||

 

§

 

Idha pana bhikkhave bhikkhu annataram santam ceto-vimuttim upasampajja viharati.|| ||

So avijjappabhedam manasikaroti||
tassa avijjappabhedam manasi karoto||
avijjappabhede cittam pakkhandati||
pasidati||
santitthati||
vimuccati.|| ||

Tassa kho etam bhikkhave bhikkhuno avijjappabhedo patakankho.|| ||

Seyyatha pi, bhikkhave, jambali anekavassaganika,||
tassa puriso yani c'eva ayamukhani tani vivareyya,||
yani ca apayamukhani tani pidaheyya,||
devo ca sammadharam anuppaveccheyya||
evam hi tassa bhikkhave jambaliya palippabhedo patikankho.|| ||

Evam eva kho bhikkhave bhikkhu annataram santam ceto-vimuttim upasampajja viharati.|| ||

So avijjappabhedam manasikaroti||
tassa [167] avijjappabhedam manasi karoto||
avijjappabhede cittam pakkhandati||
pasidati||
santitthati||
vimuccati.|| ||

Tassa kho etam bhikkhave bhikkhuno avijjappabhedo patikankho.|| ||

Ime kho bhikkhave cattaro puggala santo samvijjamana lokasmin ti.|| ||

 


Contact:
E-mail
Copyright Statement