Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttaranikayo
Catukkanipato
XIX: Yodhajiva Vagga

Sutta 181

Yodhajiva Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


 

[1][pts][than] Evam me sutam:|| ||

Ekam samayam Bhagava Savatthiyam viharati.|| ||

Tatra kho Bhagava bhikkhu amantesi:|| ||

"Bhikkhavo" ti.|| ||

"Bhadante" ti te bhikkhu Bhagavato paccassosum.|| ||

Bhagava etad avoca:|| ||

2. "Catuhi bhikkhave angehi samannagato yodhajivo rajaraho hoti rajabhoggo ranno angan t'eva sankham gacchati.|| ||

Katamehi catuhi?|| ||

Idha, bhikkhave, yodhajivo thanakusalo ca hoti,||
dure-paki ca,||
akkhanavedhi ca,||
mahato ca kayassa padaleta.|| ||

Imehi kho bhikkhave catuhi angehi samannagato yodhajivo rajaraho hoti rajabhoggo ranno angan t'eva sankham gacchati.|| ||

[171] 2. Evam eva kho bhikkhave cakuhi dhammehi samannagato bhikkhu ahuneyyo hoti pahuneyoya,||
dakkhineyyo,||
anjalikaraniyo,||
anuttaram punnakkhettam lokassa.|| ||

Katamehi catuhi?|| ||

Idha, bhikkhave, bhikkhu thanakusalo ca hoti,||
dure-pati ca,||
akkhanavedhiva,||
mahato ca kayassa padaleta.|| ||

Katan ca bhikkhave bhikkhu thanakusalo hoti?|| ||

Idha, bhikkhave, bhikkhu silava hoti patimokkha-samvara-samvuto viharati acara-gocara-sampanno anumattesu vajjesu bhaya-dassavi samadaya sikkhati sikkhapadesu.|| ||

Evam kho bhikkhave bhikkhu thanakusalo hoti.|| ||

Katan ca bhikkhave bhikkhu dure pati hoti?|| ||

Idha, bhikkhave, bhikkhu yam kinci rupam atitanagata-paccuppannam||
ajjhattam va bahiddha va||
olarikam va||
sukhumam va||
hinam va panitam va||
yam dure santike va,||
sabbam rupam:|| ||

'N'etam mama,||
n'eso'ham asmi,||
na m'eso atta' ti|| ||

Evam etam yathabhutam sammappannaya passati.|| ||

Ya ka ci vedana atitanagata-paccuppanna||
ajjhattam va bahiddha va||
olarikam va||
sukhumam va||
hinam va panitam va||
yam dure santike va,||
sabbam vedanam:|| ||

'N'etam mama,||
n'eso'ham asmi,||
na m'eso atta' ti|| ||

Evam etam yathabhutam sammappannaya passati.|| ||

Ya kaci sanna atitanagata-paccuppanna||
ajjhattam va bahiddha va||
olarikam va||
sukhumam va||
hinam va panitam va||
yam dure santike va,||
sabbam sannam:|| ||

'N'etam mama,||
n'eso'ham asmi,||
na m'eso atta' ti|| ||

Evam etam yathabhutam sammappannaya passati.|| ||

Ye kevi sankhara atitanagata-paccuppanna||
ajjhattam va bahiddha va||
olarikam va||
sukhumam va||
hinam va panitam va||
yam dure santike va,||
sabbam sankhare:|| ||

'N'etam mama,||
n'eso'ham asmi,||
na m'eso atta' ti|| ||

Evam etam yathabhutam sammappannaya passati.|| ||

Yam kinci vinnanam atitanagata-panaccuppannam||
ajjhattam va bahiddha va||
olarikam va||
sukhumam va||
hinam va panitam va||
yam dure santike va,||
sabbam vinnanam:|| ||

'N'etam mama,||
n'eso'ham asmi,||
na m'eso atta' ti|| ||

Evam etam yathabhutam sammappannaya passati.|| ||

Evam kho bhikkhave bhikkhu dure pati hoti.|| ||

Kathan ca bhikkhave bhikkhu akkhanavedi hoti?|| ||

Idha, bhikkhave, bhikkhu
'idam dukkhan' ti yathabhutam pajanati,||
'ayam dukkhasamudayo' ti yathabhutam pajanati,||
'ayam dukkhanirodho' ti yathabhutam pajanati,||
'ayam dukkhanirodhagamini patipada' ti yathabhutam pajanati.|| ||

Evam kho bhikkhave bhikkhu akkhanavedhi hoti.|| ||

Katan ca bhikkhave bhikkhu mahato ca kayassa padaleta hoti?|| ||

Idha, bhikkhave, bhikkhu mahantam avijjakkhandham padaleti.|| ||

Evam kho bhikkhave bhikkhu mahato kayassa padaleta hoti.|| ||

Imehi kho bhikkhave catuhi dhammehi samannagato bhikkhu ahuneyyo hoti pahuneyyo,||
dakkhineyyo,||
anjalikaraniyo,||
anuttaram punnakkhettam lokassa ti.|| ||

 


Contact:
E-mail
Copyright Statement