Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttaranikayo
Catukkanipato
XIX: Yodhajiva Vagga

Sutta 182

Patibhoga Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


 

[1][pts] Evam me sutam:|| ||

Ekam samayam Bhagava Savatthiyam viharati.|| ||

Tatra kho Bhagava bhikkhu amantesi:|| ||

"Bhikkhavo" ti.|| ||

"Bhadante" ti te bhikkhu Bhagavato paccassosum.|| ||

Bhagava etad avoca:|| ||

2. Catunnam bhikkhave dhammanam n'atthi ko ci patibhogo samano va brahmano va devo va maro va Brahma va koci va lokasmim.|| ||

Katamesam catunnam?|| ||

Jaradhammam ma jiriti n'atthi ko ci patibhogo samano va brahmano va devo va maro va Brahma va ko ci va lokasmim.|| ||

Vyadhidhammam ma vyadhiyiti n'atthi ko ci patibhogo samano va brahmano va devo va maro va Brahma va ko ci va lokasmim.|| ||

Maranadhammam ma miyiti natthi ko ci patibhogo samano va brahmano va devo va maro va Brahma va ko ci va lokasmim.|| ||

Yani kho pana tani papakani kammani sankilesikani ponobhavikani sadarani dukkhavipakani ayatim jatijaramaranikani.|| ||

Tesam vipako ma nibbattiti n'atthi ko ci patibhogo samano va brahmano va devo va maro va Brahma va ko ci va loksmim.|| ||

Imesam kho bhikkhave catunnam dhammanam n'atthi ko ci patibhogo samano va brahmano va devo va maro va Brahma va ko ci va lokasmini.|| ||

 


Contact:
E-mail
Copyright Statement