Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttaranikayo
Catukkanipato
XIX: Yodhajiva Vagga

Sutta 187

Dutiya Vassakara Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


 

[1][pts] Evam me sutam:|| ||

Ekam samayam Bhagava Rajagahe viharati Veluvane Kalandakanivape.|| ||

Atha kho Vassakaro brahmano Magadhamahamatto yena Bhagava ten'upasankami.|| ||

Upasankamitva Bhagavata saddhim samamodi.|| ||

Sammodaniyam katham saraniyam vitisaretva eka-m-antam nisidi.|| ||

Eka-m-antam nisinno kho Vassakaro brahmano Magadhamahamatto Bhagavantim etad avoca:|| ||

 

§

 

Janeyya nu kho bho Gotama asappuriso asappurisam:|| ||

"Asappuriso ayam bhavan" ti?|| ||

Atthanam kho etam brahmana anavakaso yam asappuriso asappurisam janeyya:|| ||

"Asappuriso ayam bhavan" ti.|| ||

 

§

 

Janeyya pana bho Gotama asappuriso sappurisam:

"Sappuriso ayam bhavan" ti?|| ||

Etam pi kho brahmana atthana anavakaso yam asappuriso sappurisam janeyya:|| ||

"Sappuriso ayam bhavan" ti.|| ||

 

§

 

Janeyya, pana bho Gotama sappuriso sappurisam:|| ||

"Sappuriso ayam bhavan" ti?|| ||

Thanam kho etam brahmana vijjati,||
yam sappuriso sappurisam janeyya:|| ||

"Sappuriso ayam bhavan" ti.|| ||

 

§

 

Janeyya, pana bho Gotama sappuriso asappurisam:|| ||

"Asappuriso ayam bhavan" ti.|| ||

Etam pi kho brahmana thanam vijjati,||
yam sappuriso asappurisam janeyya:|| ||

'Asappuriso ayam bhavan' ti.|| ||

 

§

 

Acchariyam bho Gotama,||
abbhutam bho Gotama,||
yava [180] subhasitam vidam bhota Gotamena:|| ||

"Atthanam kho etam brahmana anavakaso,||
yam asappuriso asappurisam janeyya|| ||

'Asappuriso ayam bhavan' ti.|| ||

Etam pi kho brahmana atthanam anavakaso,||
yam asappuriso sappurisam janeyya:|| ||

'Sappuriso ayam bhavan' ti.|| ||

Thanam kho etam brahmana vijjati,||
yam sappuriso sappurisam janeyya:|| ||

'Sappuriso ayam bhavan' ti.|| ||

Etam pi kho brahmana thanam vijjati,||
yam sappuriso asappurisam janeyya:|| ||

'Asappuriso ayam bhavan' ti.|| ||

 


 

Ekam idam bho Gotama samayam Todeyyassa brahmanassa parisatim paruparambham vattenti:|| ||

"Balo ayam raja Eleyyo yo samane Ramaputte abhippasanno,||
samane ca pana Ramaputte evarupam paramanipaccakaram karoti:|| ||

Yad idam abhivadanam paccutthanam anjalikammam samicikamman ti.|| ||

Ime pi ranno Eleyyassa pariharaka bala,||
Yamako Moggallo Uggo Navindaki Gandhabbo Aggivesso,||
ye samane Ramaputte abhippasanna,||
samane ca pana Ramaputte evarupam paramanipaccakaram karonti:|| ||

Yad idam abhivadanam paccutthanam anjalikammam samicikamman" ti.|| ||

'Tyassudam Todeyyo brahmano imina nayena neti:|| ||

Tam kim mannanti bhonto?|| ||

"Pandito raja Eleyyo karaniyadhikaraniyesu vacaniyadhivacaniyesu alamatthadasatarehi alamatthadasataro" ti.'|| ||

'Evam bho.|| ||

"Pandito raja Eleyyo karaniyadhikaraniyesu vacaniyadhivacaniyesu alamatthadasatarehi alamatthadasataro" ti.|| ||

Yasma ca kho bhonto,||
samano Ramaputto ranna phalayyena panditena panditataro karaniyadhikaraniyesu vacaniyadhivacaniyesu alamattadasatarena alamatthadasataro,||
tasma raja Eleyyo samane Ramaputte abhippasanno,||
samane va pana Ramaputte evarupam paramanipaccakaram karoti:|| ||

Yad idam abhivadanam paccutthanam anjalikammam samicikammam.'|| ||

'Tam kim mannanti bhonto?|| ||

"Pandita ranno Eleyyassa pariharaka,||
Yamako Moggallo [181] Uggo Navindaki Gandhabbo Aggivesso,||
karaniyadhikiraniyesu vacaniyadhivacaniyesu alamatthadasatarehi alamatthadasatara" ti.'|| ||

'Evam bho.|| ||

"Pandita ranno Eleyyassa pariharaka,||
Yamako Moggallo Uggo Navindaki Gandhabbo Aggivesso,||
karaniyadhikaraniyesu vacaniyadhivacaniyesu alamatdasatarehi alamatthadasatara" ti.|| ||

Yasma kho bho,||
samano ramaputto ranno Eleyyassa pariharakehi panditehi panditataro karaniyadhikaraniyesu vacaniyadhivacaniyesu alamatthadasatarehi alamatthadasataro.|| ||

Tasma ranno Eleyyassa pariharaka samane Ramaputte abhippasanna samane ca pana ramapute evarupam paramanipaccakaram karonti:|| ||

Yad idam abhivadanam paccutthanam anjalikammam samicikamman' ti.|| ||

Acchariyam bho Gotama abbhutam bho Gotama yava subhasitamidam bhota Gotamena:|| ||

"Atthanam kho etam brahmana anavakaso||
yam asappuriso asappurisam janeyya|| ||

'Asappuriso ayam bhavan' ti.|| ||

Etam pi kho brahmana atthanam anavakaso,||
yam asappuriso sappurisam janeyya:|| ||

'Sappuriso ayam bhavan' ti.|| ||

Thanam kho etam brahmana vijjati,||
yam sappuriso sappurisam janeyya:|| ||

'Sappuriso ayam bhavan' ti.|| ||

Etam pi kho brahmana thanam vijjati,||
yam sappuriso asappurisam janeyya:|| ||

'Asappuriso ayam bhavan' ti.|| ||

Bhanda vadani mayam bho Gotama gacchama, bahukiccha mayam bahukaraniyati.|| ||

Yassadani tvam brahmana kalam mannasiti.|| ||

Atha kho Vassakaro brahmano Magadhamahamatto Bhagavato bhasitam abhinanditva anumoditva utthay asana pakkami ti.|| ||

 


Contact:
E-mail
Copyright Statement