Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttaranikayo
Catukkanipato
XIX: Yodhajiva Vagga

Sutta 188

Upaka Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


 

[1][pts] Evam me sutam:|| ||

Ekam samayam Bhagava Rajagahe viharati Gijjhakute pabbate.|| ||

Atha kho Upako Mandikaputto yena Bhagava ten'upasankami.|| ||

Upasankamitva Bhagavantam abhivadetva eka-m-antam nisidi.|| ||

Eka-m-antam nisinno kho Upako Mandikaputto Bhagavantam etad avoca:|| ||

Aham hi bhante evam-vadi evam-ditthi:|| ||

Yo ko ci paruparambham vatteti||
paruparambham vattento sabbaso na upapadeti,anupapadento garayho hoti upavajjo ti.|| ||

Paruparambham ce Upaka vattento na upapadeti,||
anupapa- [182] dento garayho hoti upavajjo.|| ||

Tvam kho pi Upaka paruparambham vattesi||
paruparambham vattento na upapadi||
anuppadento garayho hosi upavajjo ti.|| ||

2. Seyyatha pi bhante ummujjamanakam yeva mahata pasena bandheyya,||
evam eva kho aham bhante ummujjamanako yeva Bhagavata mahata vadapasena baddho' ti.|| ||

Idam akusalan ti kho Upaka maya pannattam||
tattha aparimana pada,||
aparimana vyanjana,||
aparimana Tathagatassa dhammadesana:|| ||

Iti p'idam akusalan,|| ||

tam kho pan'idam akusalam pahatabban ti kho Upaka maya pannattam||
tattha aparimana pada,||
aparimana vyanjana,||
aparimana Tathagatassa dhammadesana:|| ||

Iti p'idam akusalam pahatabban ti.|| ||

Idam kusalan ti kho Upaka maya pannattam||
tattha aparimana pada,||
aparimana vyanjana,||
aparimana Tathagatassa dhammadesana:|| ||

Iti pidam kusalan ti,.|| ||

tam kho pana idam kusalam bhavetabbanti kho Upaka maya pannattam||
tattha aparimana pada||
aparimana vyanjana,||
aparimana Tathagatassa dhammadesana:|| ||

Iti pidam kusalam bhavetabban ti.|| ||

Atha kho Upako Mandikaputto Bhagavato bhasitam abhinanditva anumoditva utthay asana Bhagavantam abhivadetva padakkhinam katva yena Raja Magadho Ajatasattu Vedehi-putto ten'upasankami.|| ||

Upasankamitva yavatako ahosi Bhagavata saddhim kathasallapo||
tam sabbam ranno Magadhassa Ajatasattussa Vedehiputtassa arocesi.|| ||

Evam vutte Raja Magadho Ajatasattu Vedehiputto kupito anattamano Upakam Mandikaputtam etad avoca:|| ||

Yava dhamsi vayam lonakarakadarako,||
yava mukharo yava pagabbho,||
yatra hi nama tam Bhagavantam arahantam sammasambuddham asadetabbam mannissati,||
apehi tvam Upaka, vinassa, ma tvam addasan ti.|| ||

 


Contact:
E-mail
Copyright Statement