Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
Catukkanipata

Sutta 192

Thanasuttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


 

[1][pts][ati] Cattar'imani bhikkhave thanani catuhi thanehi veditabbani.|| ||

Katamani cattari?|| ||

Samvasena bhikkhave silam veditabbam,||
tan ca kho dighena addhuna na ittaram||
manasikarota no amanasi-kara,||
pannavata no duppannena.|| ||

Samvoharena bhikkhave soceyyam veditabbam,||
tan ca kho dighena addhuna na ittaram||
manasikarota no amanasi-kara||
pannavata no duppannena.|| ||

Apadasu bhikkhave thamo veditabbo,||
so ca kho dighena addhuna na ittaram||
manasikarota no amanasi-kara||
pannavata no duppannena.|| ||

Sakacchaya bhikkhave panna veditabba,||
sa ca kho dighena addhuna na ittaram||
manasikarota no amanasikara||
pannavata no duppannena.|| ||

 

§

 

[2][pts][ati] Samvasena bhikkhave silam veditabbam,||
tan ca kho dighena addhuna na ittaram,||
manasikarota no amanasikara,||
pannavata no duppannenati.|| ||

Iti kho pan'etam vuttam.|| ||

Kin c'etam paticca vuttam?|| ||

Idha, bhikkhave, puggalo puggalena saddhim samvasamano evam janati:|| ||

Digharattam kho ayam ayasma khandakari chiddakari sabalakari kammasakari na santatakari na santatavutti silesu,||
dussilo ayam ayasma,||
nayam ayasma silava ti.|| ||

Idha pana bhikkhave puggalo puggalena saddhim samvasamane evam janati:|| ||

Digharattam kho ayam ayasma akhandakari acchiddakari asabalakari akammasakari san- [188] tatakari santatavutti silesu,||
silava ayam ayasma,||
nayam ayasma dussilo ti.|| ||

Samvasena bhikkhave silam veditabbam,||
tan ca kho dighena addhuna na ittaram,||
manasikarota no amanasikara,||
pannavata no duppannenati||
- iti yam tam vuttam,||
idam etam paticca vuttam.|| ||

 

§

 

[3][pts][ati] Samvoharena bhikkhave soceyyam veditabbam,||
tan ca kho dighena addhuna na ittaram,||
manasakarota no amanasikara,||
pannavata no duppannenati.|| ||

Iti kho pan'etam vuttam.|| ||

Kin c'etam paticca vuttam?|| ||

Idha, bhikkhave, puggalo puggalena saddhim samvoharamano evam janati:|| ||

Annata kho ayam ayasma ekena eko voharati,||
annatha dvihi,||
annatha tihi,||
annatha sambahulehi,||
vokkamati ayam ayasma purimavohara pacchimavohara,||
aparisuddhavoharo ayam ayasma,||
nayam ayasma parisuddhavoharo ti.|| ||

Idha pana bhikkhave puggalo puggalena saddhim samvoharamano evam janati:|| ||

Yath'eva kho ayam ayasma ekena eko voharati,||
tatha dvihi,||
tatha tihi,||
tatha sambahulehi,||
nayam ayasma vokkamati purimavohara pacchamavohara, parisuddhavoharo ayam ayasma,||
nayam ayasma aparisuddhavoharo ti.|| ||

Samvoharena bhikkhave soceyyam veditabbam,||
tan ca kho dighena addhuna na ittaram,||
manasikarota no amanasikara,||
pannavata no duppannenati||
- iti kho pan'etam vuttam,||
idam etam paticca vuttam.|| ||

 

§

 

[4][pts][ati] Apadasu bhikkhave thamo veditabbo,||
so ca kho dighena addhuna na ittaram,||
manasikarota no amanasikara||
pannavata no duppannenati.|| ||

Iti kho pan'etam vuttam.|| ||

Kin c'etam paticca vuttam?|| ||

Idha, bhikkhave, ekacco nativyasanena va phuttho samano bhogavyasanena va phuttho samano rogavyasanena va phuttho samano [na] iti patisancikkhati:|| ||

Tathabhuto kho ayam lokasannivaso tathabhuto attabhavapatilabho,||
yathabhute lonakasannivase yathabhute attabhavapatilabhe attha lokadhamma lokam anuparivattanti,||
loko c'attha lokadhamme anuparivattati:||
labho ca alabho ca||
ayaso ca yaso ca||
ninda ca pasamsa ca||
sukhan ca dukkhan ca ti.|| ||

So nativyasanena va phuttho samano bhogavyasanena va phuttho samano rogavyasanena va phuttho samano socati kilamati paridevati urattalim kandati sammoham apajjati.|| ||

Idha pana bhikkhave ekacco nativyasanena va phuttho samano bhogavyasanena va phuttho samano ro- [189] gavyasanena va phuttho samano iti patisancikkhati:|| ||

Tathabhuto kho ayam lokasannivaso tathabhuto attabhavapatilabho,||
yathabhute lokasannivase yathabhute attabhavapatilabhe attha lokadhamma lokam anuparivattanti,||
loko c'attha lokadhamme anuparivattati:||
labho ca alabho ca||
ayaso ca yaso ca||
ninda ca pasamsa ca||
sukhan ca dukkhan ca ti.|| ||

So nativyasanena va phuttho samano bhogavyasanena va phuttho samano rogavyasanena va phuttho samano na socati na kilamati na paridevati,||
na urattalim kandati,||
na sammoham apajjati.|| ||

Apadasu bhikkhave thamo veditabbo,||
so ca kho dighena addhuna na ittaram||
manasikarota no amanasi-kara,||
pannavata no duppannanati||
- iti yam tam vuttam||
idam etam paticca vuttam.|| ||

 

§

 

[5][pts][ati] Sakacchaya bhikkhave panna veditabba.|| ||

Sa ca kho dighena addhuna na ittaram,||
manasikarota no amanasi-kara,||
pannavata no duppannenati.|| ||

Iti kho pan'etam vuttam.|| ||

Kin c'etam paticca vuttam?|| ||

Idha, bhikkhave, puggalo puggalena saddhim sakacchayamano evam janati:|| ||

Yatha kho imassa ayasmato ummaggo,||
yatha ca abhiniharo,||
yatha panhasamudacaro,||
duppanno ayam ayasma||
nayam ayasma pannava.|| ||

Tam kissa hetu?|| ||

Tatha hi ayam ayasma na c'eva gambhiram atthapadam udaharati santam panitam atakkavacaram nipunam panditavedaniyam.|| ||

Yan ca ayam ayasma dhammam bhasati,||
tassa ca na patibalo sankhittena va vittharena va attham acikkhitum desetum pannapetum patthapetum vicaritum vibhajitum uttanikatum,||
duppanno ayam ayasma||
nayam ayasma pannava.|| ||

Seyyatha pi, bhikkhave, cakkhuma puriso udakarabhadassa tire thito passeyya parittam maccham ummujjamanam,||
tass'evam assa:|| ||

Yatha kho imassa macchassa ummaggo||
yatha ca umighato||
yatha ca vegayitattam,||
paritto ayam maccho,||
nayam maccho mahanto ti.|| ||

Evam eva kho bhikkhave puggalo puggalena saddhim sakacchayamano evam janati:|| ||

Yatha kho imassa ayasmato ummaggo||
yatha ca abhiniharo||
yatha ca panhasamudacaro,||
duppanno ayam ayasma,||
nayam ayasma pannava.|| ||

Tam kissa hetu?|| ||

Tatha hi ayam ayasma na c'eva gambhiram atthapadam udaharati santam panitam atakkavacaram nipunam panditavedaniyam.|| ||

Yan ca ayam ayasma dhammam bhasati,||
tassa ca na patibalo sankhittena va vittharena va attham acikkhitum desetum pannapetum patthapetum vicaritum vibhajitum uttanikatum.||
duppanno ayam ayasma,||
nayam ayasma pannava ti.|| ||

Idha, bhikkhave, puggalo puggalena saddhim sakacchayamano evam janati:|| ||

Yatha kho imassa ayasmato ummaggo yatha ca abhinibharo yatha ca panhasamudacaro,||
pannava ayam ayasma,||
nayam ayasma duppanne.|| ||

Tam kissa hetu?|| ||

Tatha hi ayam ayasma gambhiram atthapadam udaharati santam panitam atakkavacaram nipunam panditavedaniyam,||
yan ca ayam ayasma dhammam bhasati,||
tassa ca patibalo sanakhittena va vittharena va attham acikkhitum||
desetum pannapetum patthapetum vicaritum vibhajitum uttanikatum,||
pannava ayam ayasma,||
nayam ayasma duppanno.|| ||

Seyyatha pi, bhikkhave, cakkhuma puriso udakarahadassa tire thito passeyya mahantam maccham ummujjamanam,||
tass' [190] evam assa:||
yatha kho imassa macchassa ummaggo yatha ca umighato yatha ca vegayittatam,||
mahanto ayam maccho nayam maccho paritto ti.|| ||

Evam eva kho bhikkhave puggalo puggalena saddhim sakacchayamano evam janati:|| ||

Yatha kho imassa ayasmato ummaggo yatha ca panhasamudacaro,||
dupanno ayam ayasma,||
nayam ayasma pannava.|| ||

Tam kissa hetu?|| ||

Tatha hi ayam ayasma gambhiram c'eva atthapadam udaharati santam panitam atakkavacaram nipunam pandita vedaninayam,||
yan ca ayam ayasma dhammam bhasati,||
tassa ca patibalo sankhittena va vittharena va attham acikkhitum desetum pannapetum patthapetum vivaritum vibhajitum uttanikatum,||
pannava ayam ayasma,||
nayam ayasma duppanno ti|| ||

Sakacchaya bhikkhave panna veditabba|| ||

Sa ca kho dighena addhuna na ittaram,||
manasikarota no amanasikara,||
pannavata no duppannenati.||
- iti yam tam vuttam,||
idam etam paticca vuttam.|| ||

Imani kho bhikkhave cattari thanani,||
imehi catuhi thanehi veditabbaniti.|| ||

 


Contact:
E-mail
Copyright Statement