Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
Catukkanipata

Sutta 193

Bhaddiya Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


 

[1][pts] Evam me sutam:|| ||

Ekam samayam Bhagava Vesaliyam viharati Mahavane Kutagarasalayam.|| ||

Atha kho bhaddiyo Licchavi yena Bhagava ten'upasankami.|| ||

Upasankamitva Bhagavantam abhivadetva eka-m-antam nisidi.|| ||

Eka-m-antam nisinno kho bhaddhiyo Licchavi Bhagavantam etad avoca:|| ||

Sutam me tam bhante:|| ||

'Mayavi Samano Gotamo avattanim mayam janati,||
yaya annatitthiyanam savake avatteti' ti.|| ||

Ye te bhante evam ahamsu:|| ||

'Mayavi Samano Gotamo avattanim mayam janati,||
yaya annatitthiyanam savake avatteti' ti.|| ||

Kacci te bhante Bhagavato vuttavadino,||
na ca Bhagavantam abhutena abbhavikkhanti,||
dhammassa canudhammam vyakaronti.|| ||

Na ca koci sahadhammiko vadanupato garayiham thanam agacchati?|| ||

Anabbhakkhatukama hi mayam bhante Bhagavantan ti. [191] 2. Etha tumhe Bhaddiya,||
ma anussavena,||
ma paramparaya,||
ma itikiraya,||
ma pitakasampadanena,||
ma takkahetu,||
ma nayahetu,||
ma akaraparivitakkena,||
ma ditthinijjhanakkhantiya,||
ma bhabbarupataya,||
ma samano no garuti.|| ||

Yada tumhe Bhaddiya attana va janeyyatha,||
ime dhamma akusala,||
ime dhamma savajja,||
ima dhamma vinnugahahita,||
ime dhamma samatta samadinna ahitaya dukkhaya samvattanti ti.|| ||

Atha tumhe Bhaddiya pajaheyyatha.|| ||

3. Tam kim mannatha Bhaddiya?|| ||

Lobho purisassa ajjhattam uppajjamano uppajjati hitaya va ahitaya vati?|| ||

Ahitaya bhante.|| ||

Luddho panayam Bhaddiya,||
purisapuggalo lobhena abhibhuto pariyadinnacitto panam pi hanti,||
adinnam pi adiyati,||
paradaram pi gacchati,||
musa pi bhanati,||
param pi tathattaya samadapeti.|| ||

Yam sa hoti digha-rattam ahitaya dukkhaya ti?|| ||

Evam bhante.|| ||

4. Tam kim mannatha Bhaddiya?|| ||

Doso purisassa ajjhattam uppajjamano uppajjati hitaya va ahitaya vati?|| ||

Ahitaya bhante.|| ||

Duttho panayam Bhaddiya,||
purisapuggalo dosena abhibhuto pariyadinnacitto panam pi hanti,||
adinnam pi adiyati,||
paradaram pi gacchati,||
musa pi bhanati,||
param pi tathattaya samadapeti.|| ||

Yam sa hoti dighanarattam ahitaya dukkhayati?|| ||

Evam bhante.|| ||

5. Tam kim mannatha Bhaddiya?|| ||

Moho purisassa ajjhattam uppajjamano uppajjati hitaya va ahitaya vati?|| ||

Ahitaya bhante.|| ||

Mulho panayam Bhaddiya, purisapuggalo mohena abhibhuto pariyadinnacitto panam pi hanti,||
adinnam pi adiyati,||
paradaram pi gacchati,||
musa pi bhanati,||
param pi tathattaya samadapeti.|| ||

Yam sa hoti dighanarattam ahitaya dukkhayati?|| ||

Evam bhante.|| ||

6. Tam kim mannatha Bhaddiya?|| ||

Sarambho purisassa ajjhattam uppajjamano uppajjati hitaya va ahitaya vati?|| ||

Ahitaya bhante.|| ||

Saraddho panayam Bhaddiya, purisapuggalo sarambhena abhibhuto pariyadinnacitto panam pi hanti,||
adinnam pi adiyati,||
paradaram pi gacchati,||
musa pi bhanati,||
param pi tathattaya samadapeti.|| ||

Yam sa hoti dighanarattam ahitaya dukkhayati?|| ||

Evam bhante.|| ||

7. Tam kim mannatha Bhaddiya?|| ||

Ime dhamma kusala va akusala vati?|| ||

'Akusala bhante.'|| ||

Savajja va anavajja vati?|| ||

'Savajja bhante.'|| ||

Vinnugarahita va vinnuppasattha vati?|| ||

'Vinnugarahita bhante.'|| ||

Samatta samadinna ahitaya dukkhaya samvattanti,||
no va katham va ettha hoti ti?|| ||

'Samatta bhante samadinna ahitaya dukkhaya samvattanti.|| ||

Evam no ettha hoti' ti.|| ||

8. Iti kho Bhaddiya, yam tam avocumha:||
etha tumhe Bhaddiya,||
ma anussavena||
ma paramparaya,||
ma itikiraya,||
[192] ma pitakasampadanena,||
ma takkahetu,||
ma nayahetu,||
ma akaraparivitakkena,||
ma ditthinijjhanakkhantiya,||
ma bhabbarupataya,||
ma samano no garuti.|| ||

Yada tumhe Bhaddiya attana va janeyyatha,||
ime dhamma akusala,||
ime dhamma savajja,||
ime dhamma vinnugarahita,||
ime dhamma samatta samadinna ahitaya dukkhaya samvattanti.|| ||

Atha tumhe Bhaddiya, pajaheyyathati||
iti yam tam vuttam,||
idam etam paticca vuttam.|| ||

9. Etha tumhe Bhaddiya,||
ma anassavena||
ma paramparaya||
ma itikiraya||
ma pitakasampadanena||
ma takkahetu||
ma nayahetu||
ma akaraparivitakkena||
ma ditthinijjhanakkhantiya||
ma bhabbarupataya||
ma samano no garuti.|| ||

Yada tumhe Bhaddiya, attana va janeyyatha:||
ime dhamma kusala,||
ime dhamma anavajja,||
ime dhamma vinnuppasattha,||
ime dhamma samatta samadinna hitaya sukhaya samvattanti ti.|| ||

Atha tumhe Bhaddiya, upasampajja vihareyyatha.|| ||

9. Tam kim mannatha Bhaddiya?|| ||

Alobho purisassa ajjhattam uppajjamano uppajjati hitaya va ahitaya vati?|| ||

'Hitaya bhante'.|| ||

Aluddho panayam Bhaddiya, purisapuggalo lobhena anabhibhuto apariyadinnacitto n'eva panam hanti.|| ||

Na adinnam adiyati.|| ||

Na paradaram gacchati.|| ||

Na musa bhanati.|| ||

Param pi tathattaya samadapeti.|| ||

Yam sa hoti digha-rattam hitaya sukhayati?|| ||

'Evam bhante.'|| ||

10. Kam kim mannatha Bhaddiya?|| ||

Adoso purisassa ajjhattam uppajjamano uppajjati hitaya va ahitaya vati?|| ||

'Hitaya bhante.'|| ||

Aduttho panayam Bhaddiya, purisapuggalo dosena anabhibhuto apariyadinnacitto n'eva panam hanti.|| ||

Na adinnam adiyati.|| ||

Na paradaram gacchati.|| ||

Na musa bhanati.|| ||

Param pi tathattaya samadapeti.|| ||

Yam sa hoti digha-rattam hitaya sukhayati?|| ||

'Evam bhante.'|| ||

11. Kam kim mannatha Bhaddiya?|| ||

Amoho purisassa ajjhattam uppajjamano uppajjati hitaya va ahitaya vati?|| ||

'Hitaya bhante.'|| ||

Amulho panayam Bhaddiya, purisapuggalo mohena anabhibhuto apariyadinnacitto n'eva panam hanti.|| ||

Na adinnam adiyati.|| ||

Na paradaram gacchati.|| ||

Na musa bhanati.|| ||

Param pi tathattaya samadapeti.|| ||

Yam sa hoti digha-rattam hitaya sukhayati?|| ||

'Evam bhante.'|| ||

12. Kam kim mannatha Bhaddiya?|| ||

Asarambho purisassa ajjhattam uppajjamano uppajjati hitaya va ahitaya vati?|| ||

'Hitaya bhante.'|| ||

Asaraddho panayam Bhaddiya, purisapuggalo asarambhena ananabhibhuto apariyadinnacitto n'eva panam hanti.|| ||

Na adinnam adiyi.|| ||

Na paradaram gacchati.|| ||

Na musa bhanati.|| ||

Parampi tathattaya samadapeti.|| ||

Yam sa hoti digha-rattam hitaya sukhaya samvattatiti?|| ||

'Evam bhante'|| ||

13. Tam kim mannatha Bhaddiya?|| ||

Ime dhamma kusala va akusala vati?|| ||

'Kusala bhante'|| ||

Savajja va anavajja vati?|| ||

'Anavajja bhante'.|| ||

Vinnugarakahita va vinnuppasattha vati?|| ||

'Vinnappasattha bhante'|| ||

[193] Samatta samadinna hitaya sukhaya samvattanti,||
no va katham va ettha hoti ti?|| ||

'Samatta bhante samadinna hitaya sukhaya samvattanti.|| ||

Evam no ettha hoti' ti.|| ||

14. Iti kho Bhaddiya, yam tam avocumha:|| ||

"Etha tumhe Bhaddiya,||
ma anussavena||
ma paramparaya||
ma itikiraya||
ma pitakasampadanena||
ma takkahetu||
ma nayahetu||
ma akaraparivitakkena||
ma ditthinijjhanakkhantiya||
ma bhabbarupataya||
ma samano no garuti."|| ||

Yada tumhe Bhaddiya,||
"attana va janeyyatha||
ime dhamma anavajja||
ime dhamma vinnuppasattha||
ime dhamma samatta samadinna hitaya sukhaya samvattanti ti".|| ||

Atha tumhe Bhaddiya, upasampajja vihareyyathati.|| ||

Iti yam tam vuttam idam etam paticca vuttam.|| ||

15. Ye kho te Bhaddiya, loke santo sappurisa,||
te savakam evam samadapenti:|| ||

Ehi tvam amho purisa,||
lobham vineyya vineyya viharahi,||
lobham vineyya vineyya viharanto||
na lobhajam kammam karissasi,||
kayena vaca manasa.|| ||

Dosam vineyya vineyya viharahi,||
dosam vineyya vineyya viharanto||
na dosajam kammam karissasi,||
kayena vaca manasa.|| ||

Moham vineyya vineyya viharahi,||
moham vineyya vineyya viharanto||
na mohajam kammam karissasi,||
kayena vaca manasa.|| ||

Sarambham vineyya vineyya viharatabhi,||
saramham vineyya vineyya viharanto||
na sarambhajam kammam karissasi||
kayena vaca manasa ti.|| ||

16. Evam vutte bhaddiyo Licchavi Bhagavantam etad avoca:|| ||

Abhikkantam bhante, seyyatha pi bhante,||
nikkujjitam va ukkujjeyya,||
paticchannam va vivareyya,||
mulhassa va maggam acikkheyya,||
andhakare va telapajjotam dhareyya cakkhumanto rupani dakkhintiti,||
evam eva bhota bhante aneka-pariyayena dhammo pakasito.|| ||

Esaham Bhagavantam Gotamam saranam gacchami.|| ||

Dhammam ca bhikkhusangam ca.|| ||

Upasakam mam bhante Bhagava dharetu ajjatagge panupetam saranam gatanti.|| ||

Api nu taham Bhaddiya, evam avacam:|| ||

"Ehi me tvam Bhaddiya savako hohi aham sattha bhavissami" ti?|| ||

'No h'etam bhante'.|| ||

Evam vadim kho mam Bhaddiya evam akkhayim eke samana-brahmana asata tuccha musa abhutena abbhavikkhanti:|| ||

Mayavi Samano Gotamo avattanimayam janati yaya annatitthiyanam savake avatteti ti.|| ||

[194] Bhaddika bhante avattanimaya.|| ||

Kalyani bhante avattanimaya.|| ||

Piya me bhante natisalohita imaya avattaniya avatteyyum.|| ||

Piyanam pi me assa natisalohitanam digha-rattam hitaya sukhaya.|| ||

Sabbe ce pi bhante khattiya imaya avattaniya avatteyyum,||
sabbesampassa khattiyanam digha-rattam hitaya sukhaya.|| ||

Sabbe ce pi bhante brahmana imaya avatteyyum,||
sabbesampassa brahmananam digha-rattam hitaya sukhaya.|| ||

Sabbe ce pi bhante vessa imaya avatteyyum,||
sabbesampassa vessanam digha-rattam hitaya sukhaya.|| ||

Sabbe ce pi bhante sudda imaya avatteyyum,||
sabbesampapassa suddanam digha-rattam hitaya sukhayati.|| ||

Evam etam Bhaddiya,||
evam etam Bhaddiya.|| ||

Sabbe ce pi Bhaddiya, khattiya avatteyyum akusaladhammappahanaya kusaladhammupasampadaya,||
sabbesam p'assa khattiyanam digha-rattam hitaya sukhaya.|| ||

Sabbe ce pi Bhaddiya brahmana avatteyyum akusaladhammappahanaya kusaladhammupasampadaya,||
sabbesampassa brahmananam digha-rattam hitaya sukhaya.|| ||

Sabbe ce pi Bhaddiya vessa avatteyyum akusaladhammappahanaya kusaladhammupasampadaya,||
sabbesampassa vessanam digha-rattam hitaya sukhaya.|| ||

Sabbe ce pi sudda avatteyyum akusaladhammappahanaya kusaladhammupasampadaya,||
sabbesampassa suddanam digha-rattam hitaya sukhaya.|| ||

Sadevako ce pi Bhaddiya loko samarako sabrahamko, sassamanabrahmani paja sadeva-manussa avatteyyum akusaladhammappahanaya kusaladhammupasampadaya,||
sadevakassa lokassa samarakassa sabrahmakassa sassamanabrahmaniya pajaya sadeva-manussaya digha-rattam hitaya sukhaya.|| ||

Ime ce pi Bhaddiya mahasala imaya avattaniya avatteyyum akusaladhammappahanaya kusaladhammupasampadaya.|| ||

Imesam p'assa mahasalanam digha-rattam hitaya sukhaya.|| ||

Sace ceteyyum ko pana vado manussabhutassati.|| ||

 


Contact:
E-mail
Copyright Statement