Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttaranikayo
Catukkanipato
XX: Maha Vagga

Sutta 194

Sapugiya Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


 

[1][pts] Evam me sutam:|| ||

Ekam samayam ayasma Anando Koliyesu viharati Sapugannama Koliyanam nigame.|| ||

Atha kho sambahula Sapugiya Koliyaputta yen'ayasma Anando ten'upasankamimsu.|| ||

Upasankamitva ayasmantam Anandam abhivadetva eka-m-antam nisidimsu.|| ||

Eka-m-antam nisinne kho Sapugiye Koliyaputte ayasma Anando etad avoca:|| ||

"Cattar'imani Vyagghapajja parisuddhi-padhaniyangani tena Bhagavata janata passata arahatasammasamabud- [195] dhena sammad akkhatani sattanam visuddhiya sokapariddavanam samitikkamaya dukkhadomanassanam atthagamaya nayassa adhigamaya nibbanassa sacchikiriyaya.|| ||

Katamani cattari?|| ||

Sila-parisuddhi-padhaniyangam||
citta-parisuddhi-padhaniyangam||
ditthi-parisuddhi-padhaniyangam||
vimutti-parisuddhi-padhaniyangam.|| ||

2. Katamana ca Vyagghapajja sila-parisuddhi-padhaniyangam?|| ||

Idha Vyagghapajja bhikkhu silava hoti sikkhati sikkhapadesu.|| ||

Ayam vuccati Vyagghapajja sila-parisuddhi.|| ||

Iti evarupim sila-parisuddhim aparipurim va paripuressami,||
paripurim va tattha tattha pannaya anuggahessamiti.|| ||

Yo tattha chando ca||
vayamo ca||
ussaho ca||
ussolhi ca||
appativani ca||
sati ca||
sampajannam ca,||
idam vuccati Vyagghapajja||
sila-parisuddhi-padhaniyangam.|| ||

 

§

 

3. Kataman ca Vyagghapajja citta-parisuddhi-padhaniyangam?|| ||

Idha Vyagghapajja bhikkhu vivicc'eva kamehi vivicca akusalehi dhamamehi savitakkam savicaram vivekajam piti-sukham pathamam jajhanam upasampajja viharati.|| ||

Vitakkavicaranam vupasama ajjhattam sampasadanam cetaso ekodi-bhavam avitakkam avicaram samadhijam piti-sukham dutiyam jjhanam upasampajja viharati.|| ||

Pitiya ca viraga upekkhako ca viharati||
sato ca sampajano,||
sukhan ca kayena patisanvedeti yam tam ariya avikkhanti|| ||

'upekkhako satima sukhavihari'|| ||

ti tatiyajjhanam upasampajja viharati.|| ||

Sukhassa ca pahana dukkhassa ca pahana pubb'eva somanassa-domanassanam attha-gama adukkham-asukham upekkha-sati-parisuddhim catutthajjhanam upasampajja viharati.|| ||

Ayam vuccati Vyagghapajja citta-parisuddhi.|| ||

Iti evarupim citta-parisuddhim aparipurim va paripuressami,||
paripurim va tattha tattha pannaya anuggahessamiti.|| ||

Yo tattha chando ca||
vayamo ca||
ussaho ca||
ussolhi ca||
appativani ca||
sati ca||
sampajannam ca,||
idam vuccati Vyagghapajja||
citta-parisuddhi-padhaniyangam.|| ||

 

§

 

4. Kataman ca Vyagghapajja ditthi-parisuddhi-padhaniyangam?|| ||

Idha Vyagghapajja bhikkhu|| ||

'Idam dukkhan' ti yathabhutam pajanati.|| ||

'Ayam dukkhasamudayo' ti yathabhutam pajanati.|| ||

'Ayam dukkhanirodho' ti yathabhutam pajanati.|| ||

'Ayam dukkhanirodhagamini patipada' ti yathabhutam pajanati.|| ||

Ayam vuccanati Vyagghapajja ditthi-parisuddhi.|| ||

Iti evarupim ditthi-parisuddhim aparipurim va paripuressami paripurim va tattha tattha pannaya anuggahessamiti.|| ||

Yo tattha chando ca||
vayamo ca||
ussaho ca||
ussolhi ca||
appativani ca||
sati ca||
sampajannam ca,||
idam vuccati Vyagghapajja||
ditthi-parisuddhi-padhaniyangam.|| ||

 

§

 

5. Kataman ca Vyagghapajja vimutti-parisuddhi-padhaniyangam?|| ||

Sa kho so Vyagghapajja ariyasavako||
imina ca sila-parisuddhipadhaniyangena samannagato||
imina cacitta-pari- [196] suddhipadhaniyangena samannagato||
imina ca ditthi-parisuddhipadhaniyangena samannagato||
rajaniyesu dhammesu cittam virajeti,||
vimocaniyesu dhammesu cittam vimoceti.|| ||

So rajaniyesu dhammesu cittam virajetva vimocaniyesu dhammesu cittam vimocetva samma vimuttam phusati.|| ||

Ayam vuccati Vyagghapajja vimutti-parisuddhi.|| ||

Iti evarupim vimutti-parisuddhim aparipurim va paripuressami paripurim va tattha tattha pannaya anuggahessamiti.|| ||

Yo tattha chando ca||
vayamo ca||
ussaho ca||
ussolhi ca||
appativani ca||
sati ca||
sampajannam ca,||
idam vuccati Vyagghapajja||
vimutti-parisuddhi-padhaniyangam.|| ||

Imani kho Vyagghapajja cattari parisuddhi-padhaniyangani,||
tena Bhagavata janata passata arahata samma-sambuddhena sammad akkhatani sattanam visuddhiya sokapariddavanam samitikkamaya dukkhadomanassanam atthagamaya nayassa adhigamaya nibbanassa sacchikiriyaya" ti.|| ||

 


Contact:
E-mail
Copyright Statement