Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttaranikayo
Catukkanipato
XX: Maha Vagga

Sutta 197

Mallika Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


[202]

[1][bit][pts] Evam me sutam:|| ||

Ekam samayam Bhagava Savatthiyam viharati Jetavane Anathapindikassa arame.|| ||

Atha kho Mallika devi yen'Bhagava ten'upasankami.|| ||

Upasankamitva Bhagavantam abhivadetva eka-m-antam nisidi.|| ||

Eka-m-antam nisinna kho Mallika devi Bhagavantam etad avoca:|| ||

[203] "Ko nu kho bhante hetu ko paccayo,||
yena-m-idh'ekacco matugamo dubbanno ca hoti durupa supapika dassanaya,||
daliddo ca hoti appassako appabhogo appesakkho ca?|| ||

Ko pana bhante hetu ko paccayo,||
yena-m-idh'ekacco matugamo dubbanno ca hoti durupa supapika dassanaya,||
addho ca hoti mahaddhano mahabhogo mahesakkho ca?|| ||

Ko nu kho bhante hetu ko paccayo,||
yena-m-idh'ekacco matugamo abhirupo hoti dassaniyo pasadiko paramaya vannapokkharataya samannagato,||
diliddo ca hoti appassako appabhogo appesakkho ca?|| ||

Ko pana bhante hetu ko paccayo,||
yena-m-idh'ekacco matugamo abhirupo ca hoti dassaniyo pasadiko paramaya vannapokkharataya samannagato,||
addha ca hoti mahaddhano mahabhogo mahesakkho ca" ti?|| ||

2. "Idha Mallike ekacco matugamo kodhano hoti upayasabahulo appam pi vutto samano abhisajjati kuppati vyapajjati patitthiyati||
kopan ca dosan ca appaccayan ca patukaroti.|| ||

Sa na data samanassa va brahmanassa va annam panam vattham yanam malam gandham vilepanam seyyavasathapadipeyyam,||
issamanika kho pana hoti,||
paralabhasakkara-garukaramananavandanapujanasu||
issati upadussati issam bandhati.|| ||

Sa ce tato cuta itthattam agacchati||
sa yattha yattha paccajayati,||
dubbanna ca hoti durupa supapika dassanaya,||
dalidda ca hoti appassaka appabhoga appesakkha ca.|| ||

3. Idha pana Mallike ekacco matugamo kodhana hoti upayasabahula appam pi vutto samana abhisajjati kuppati vyapajjati patitthiyati||
kopan ca dosan ca appaccayan ca patukaroti.|| ||

Sa data hoti samanassa va brahmanassa va annam panam vattham yanam malam gandham vilepanam seyyavasathapadipeyyam,||
anissamanika kho pana hoti,||
paralabhasakkara-garukaramananavandanapujanasu||
na issati na upadussati na issam bandhati.|| ||

Sa ce tato cuta itthattam agacchati,||
sa yattha [204] yattha paccajayati,||
dubbanna hoti durupa supapika dassanaya||
addha ca hoti mahaddhano mahabhogo mahesakkho ca.|| ||

4. Idha pana Mallike ekacco matugamo akkodhano hoti anupayasabahulo bahum pi vutta samano nabhisajjati na kuppati na vyapajjati na patitthiyati||
kopan ca dosan ca appaccayan ca na patukaroti.|| ||

Sa na data hoti samanassa va brahmanassa va annam panam vattham yanam malam gandham vilepanam seyyavasathapadipeyyam,||
issamanika kho pana hoti||
paralabhasakkara-garukaramananavandanapujanasu||
issati upadussati issam bandhati.|| ||

Sa ce tato cuta itthattam agacchati,||
sa yattha yattha paccajayati,||
abhirupa ca hoti dassaniya pasadika paramaya vannapokkharataya samannagata||
dalidda ca hoti appassaka appabhoga appesakkha ca.|| ||

5. Idha pana Mallike ekacco matugamo akkodhana hoti anupayasabahulo bahum pi vutta samano nabhisajjati na kuppati na vyapajjati na patitthiyati||
na kopan ca dosan ca appaccayan ca patukaroti.|| ||

Sa data hoti samanassa va brahmanassa va annam panam vattham yanam malam gandham vilepanam seyyavasathapadipeyyam,||
anissamanika kho pana hoti,||
paralabhasakkara-garukaramananavandanapujanasu||
na issati na upadussati na issam bandhati.|| ||

Sa ce tato cuta itthattam agacchati,||
sa yattha yattha paccajayati abhirupa ca hoti dassaniya pasadika paramaya vannapokkharataya samannagata||
addha ca hoti mahaddhana mahabhoga mahesakkha ca.|| ||

6. Ayam kho Mallike hetu ayam paccayo yena-m-idh'ekacco matugamo dubbanno ca hoti durupa supapika dassanaya,||
dalidda ca hoti appassaka appabhoga appesakkha ca.|| ||

Ayam pana Mallike hetu ayam paccayo yena-m-idh'ekacco matugamo dubbanno ca hoti durupa supapika dassanaya,||
addho ca hoti mahaddhano mahabhogo mahesakkho ca.|| ||

Ayam kho Mallike hetu ayam paccayo yena-m-idh'ekacco matugamo abhirupo hoti dassaniyo pasadiko paramaya vannapokkharataya samannagato,||
diliddo ca hoti appassako appabhogo appesakkho ca.|| ||

Ayam pana Mallike hetu ayam paccayo yena-m-idh'ekacco matugamo abhirupo ca hoti dassaniyo pasadiko paramaya vannapokkharataya samannagato,||
addha ca hoti mahaddhano mahabhogo mahesakkho ca" ti.|| ||

7. Evam vutte Mallika devi Bhagavantam etad avoca:|| ||

"Yan nunaham bhante annam jatim kodhana ahosim upayasabahula,||
appam pi vutta samana abhisajjim kuppim [205] vyapajjim patitthiyim,||
kopan ca dosan ca appaccayan ca patvakasim,||
sa'ham bhante etarahi dubbanna durupa supapika dassaniya.|| ||

Yan nunaham bhante annam jatim adasim samanassa va brahmanassa va annam panam vattham yanam malam gandham vilepanam seyyavasathapadipeyyam,||
sa'ham bhante etarahi addha ca mahaddhana mahabhoga.|| ||

Yan nunaham bhante annam jatim anissamanika ahosim paralabhasakkara-garukaramananavandanapujanasu,||
na issim na upadussim na issam bandhim,||
saham bhante etarahi mahesakkha.|| ||

Santi kho pana bhante,||
imasmim rajakule khattiyakanna pi brahmanakanna pi gahapatikanna pi,||
tasaham issaradhipaccam karemi||
esaham bhante ajjatagge akkodhana bhavissami anupayasabahula||
bahum pi vutta samana nabhisajjissami na kuppissami na vyapajjissami na patitthiyissami||
na kopan ca dosan ca appaccayan ca patukarissami,||
dassami samanassa brahmanassa annam panam vattham yanam malam gandham vilepanam seyyavasathapadipeyyam,||
anissamanika bhavissami paralabhasakkara-garukaramananavandanapujanasu,||
na ississami na upadussissami,||
na issam bandhissami.|| ||

Abhikkantam bhante!|| ||

Abhikkantam bhante!|| ||

Seyyatha pi bho bhante,||
nikkujjitam va ukkujjeyya,||
paticchannam va vivareyya,||
mulhassa va maggam acikkheyya,||
andhakare va telapajjotam dhareyya,||
cakkhumanto rupani dakkhintiti,||
evam evam bhante aneka-pariyayena dhammo pakasito.|| ||

Esaham Bhagavantam Gotamam saranam gacchami dhammam ca bhikkhu-sangham ca.|| ||

Upasikam mam bhante Bhagava dharetu ajjatagge panupetam saranam gatan" ti.|| ||

 


Contact:
E-mail
Copyright Statement