Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
Catukka Nipata

Sutta 199

Tanhajalini

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


 

[1][pts][ati][bd] Tanham vo bhikkhave desissami||
jalinim saritam visatam visattikam,||
yaya ayam loko uddhasto pariyonaddho tantakulakajato||
gulagundikajato munjababba- [212] jabhuto||
apayam duggatim vinipatam samsaram nativattati.||
Tam sunatha sadhukam manasikarotha.||
Bhasissami'ti.|| ||

Evam bhante ti kho te bhikkhu Bhagavato paccassosum.|| ||

Bhagava etad avoca:|| ||

[2][pts][ati][bd] Katama ca bhikkhave tanha jalini||
sarita visata visattika,||
yaya ayam loko uddhasto pariyonaddho tantakulakajato||
gulagundikajato munjababbajabhuto||
apayam duggatim vinipatam samsaram nativattati?|| ||

Attharasa kho pan'imani bhikkhave tanhavicaritani ajjhattikassa upadaya,||
attharasa tanhavicaritani bahirassa upadaya.|| ||

[3][pts][ati][bd] Katamani attharasa tanhavicaritani ajjhattikassa upadaya?|| ||

Asmiti bhikkhave sati||
itthasmiti hoti,||
ev'asmiti hoti,||
annathasmiti hoti,||
asasmiti hoti,||
satasmiti hoti,||
santi hoti,||
ittham santi hoti,||
evam santi hoti,||
annatha santi hoti,||
api ha santi hoti,||
api ittham santi hoti,||
api evam santi hoti,||
api annatha santi hoti,||
bhavissanti hoti,||
ittham bhavissanti hoti,||
evam bhavissanti hoti,||
annatha bhavissanti hoti.|| ||

Imani attharasa tanhavicaritani ajjhattikassa upadaya.|| ||

[4][pts][ati][bd] Katamani attharasa tanhavicaritani bahirassa upadaya?|| ||

Imina asmiti bhikkhave sati,||
imina itthasmiti hoti,||
imina evasmiti hoti,||
imina annathasmiti hoti,||
imina asasmiti hoti,||
imina satasmiti hoti,||
imina santi hoti,||
imina ittham santi hoti,||
imina evam santi hoti,||
imina annatha santi hoti,||
imina api ha santi hoti,||
imina api ittham santi hoti,||
imina api evam santi hoti,||
imina api annatha santi hoti,||
imina bhavissanti hoti,||
imina ittham bhavissanti hoti,||
imina evam bhavissanti hoti,||
imina annatha bhavissanti hoti.|| ||

Imani attharasa tanhavicaritani bahirassa upadaya.|| ||

[5][pts][ati][bd] Iti attharasa tanhavicaritani ajjhattikassa upadaya
attharasa tanhavicaritani bahirassa upadaya.|| ||

Imani vuccanti bhikkhave chattimsa tanhavicaritani.|| ||

Iti evarupani atitani chattimsa tanhavicaritani,||
anagatani chattimsa tanhavica- [213] tani,||
paccuppannani chattimsa tanhavicaritani,||
evam attharasa tanhavicaritani satam hoti.|| ||

[6][pts][ati][bd] Ayam kho sa bhikkhave tanha jalini||
sarita visata visattika,||
yaya ayam loko uddhasto pariyonaddho tantakulakajato gu'agundikajato munjababbajabhuto||
apayam duggatim vinipatam samsaram nativattati ti.|| ||

 


Contact:
E-mail
Copyright Statement