Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ Mobile (āīūŋńñţđņļ) | IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttaranikayo
Catukkanipato
XX: Maha Vagga

Sutta 200

Pema Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


 

[1][pts][than] Evam me sutam:|| ||

Ekam samayam Bhagava bhikkhu amantesi:|| ||

"Bhikkhavo" ti.|| ||

"Bhadante" ti te bhikkhu Bhagavato paccassosum.|| ||

Bhagava etad avoca:|| ||

Cattar'imani bhikkhave jayanti.||
Katamani cattari?|| ||

Pema pemam jayati.||
Pema doso jayati.||
Dosa pemam jayati.||
Dosa doso jayati.|| ||

2. Kathan ca bhikkhave pema pemam jayati?|| ||

Idha, bhikkhave, puggalo puggalassa ittho hoti kanto manapo.||
Tam pare itthena kantena manapena samudacaranti.||
Tass'evam hoti:||
yo kho myayam puggalo ittho kanto manapo hoti||
tam pare itthena kantena manapena samudacaranti ti||
so tesu pemam janeti.|| ||

Evam kho bhikkhave pema pemam jayati.|| ||

3. Kathan ca bhikkhave pema doso jayati?|| ||

Idha, bhikkhave, puggalo puggalassa ittho hoti kanto manapo. Tam pare anitthena akantena amanapena samudacaranti. Tass'evam hoti: yo kho myayam puggalo ittho kanto manapo, tam pare anitthena akantena amanapena samudacarantiti.||
So tesu dosam janeti.|| ||

Evam kho bhikkhave pema doso jayati.|| ||

Kathan ca bhikkhave dosa pemam jayati?|| ||

Idha, bhikkhave, puggalo puggalassa anittho hoti akanto amanapo. Tam pare anitthena akantena amanapena samudacaranti. Tass'evam hoti: yo kho myayam puggalo anittho akanto amanapo, tam pare anitthena akantena amanapena samudacarantiti||
so tesu pemam janeti.|| ||

Evam kho bhikkhave dosa pemam jayati.|| ||

5. Kathan ca bhikkhave dosa doso jayati?|| ||

Idha, bhikkhave, puggalo puggalassa anittho hoti akanto [214] amanapo tam pare itthena kantena manapena samudacaranti. Tass'evam hoti: yo kho myayam puggalo anittho akanto amanapo, tam pare itthena kantena manapena samudacarantiti.||
So tesu dosam janeti.|| ||

Evam kho bhikkhave dosa doso jayati.|| ||

Imani kho bhikkhave cattari jayanti.|| ||

6. Yasmim bhikkhave samaye bhikkhu vivicc'eva kamehi vivicca akusalehi dhammehi savitakkam savicaram vivekajam piti-sukham pathamam-jhanam||
upasampajja viharati,||
yam pi'ssa pema pemam jayati,||
tam pi'ssa tasmim samaye na hoti.||
Yo pi'ssa pema doso jayati,||
so pi'ssa tasmim samaye na hoti.||
Yo pi'ssa pema doso jayati,||
so pi'ssa tasmim samaye na hoti.||
Yam pi'ssa dosa pemam jayati,||
tam pi'ssa tasmim samaye na hoti.||
Yo pi'ssa dosa doso jayati,||
so pi'ssa tasmim samaye na hoti.|| ||

7. Yasmim bhikkhave samaye bhikkhu vitakka vicaranam vupasama ajjhattam sampasadanam cetaso ekodi-bhavam avitakkam avicaram samadhijam piti-sukham dutiyam-jhanam||
upasampajja pemam viharati,||
yam pi'ssa pema pemam jayati.||
Tam pi'ssa tasmim samaye na hoti.||
Yo pi'ssa pema doso jayati,||
so pi'ssa tasmim samaye na hoti.||
Yam pi'ssa dosa pemam jayati,||
tam pi'ssa tasmim samaye na hoti.||
Yo pi'ssa dosa doso jayati,||
so pi'ssa tasmim samaye na hoti.|| ||

8. Yasmim bhikkhave samaye bhikkhu vitakka vicaranam vupasama ajjhattam sampasadanam cetaso ekodi-bhavam avitakkam avicaram samadhijam piti-sukham tatiyam-jhanam||
upasampajja pemam viharati,||
yam pi'ssa pema pemam jayati.||
Tam pi'ssa tasmim samaye na hoti.||
Yo pi'ssa pema doso jayati,||
so pi'ssa tasmim samaye na hoti.||
Yam pi'ssa dosa pemam jayati.||
tam pi'ssa tasmim samaye na hoti.||
Yo pi'ssa dosa doso jayati,||
so pi'ssa tasmim samaye na hoti.|| ||

Yasmim bhikkhave samaye bhikkhu vitakka vicaranam vupasama ajjhattam sampasadanam cetaso ekodi-bhavam avitakkam avicaram samadhijam piti-sukham catuttham-jhanam||
upasampajja pemam viharati,||
yam pi'ssa pema pemam jayati.||
Tam pi'ssa tasmim samaye na hoti.||
Yo pi'ssa pema doso jayati,||
so pi'ssa tasmim samaye na hoti.||
Yam pi'ssa dosa pemam jayati.||
tam pi'ssa tasmim samaye na hoti.||
Yo pi'ssa dosa doso jayati,||
so pi'ssa tasmim samaye na hoti.|| ||

Yasmim bhikkhave samaye bhikkhu asavanam khaya anasavam ceto-vimuttim panna-vimuttim ditthe va dhamme sayam abhinna sacchikatva||
upasampajja viharati,||
yam pi'ssa pema pemam jayati,||
tam pi'ssa pahinam hoti.||
Ucchinnamulam tala-vatthu-katam anabhavakatam ayatim anuppadadhammam.||
Yo pi'ssa pema doso jayati||
so pi'ssa pahino hoti,||
ucchinnamulo talavatthukato anabhavakato ayatim anuppadadhammo.||
Yam pi'ssa dosa pemam jayati,||
tam pi'ssa pahinam hoti,||
ucchinnamulam tala-vatthu-katam anabhavakatam anuppadadhammam.||
Yo pi'ssa dosa doso jayati,||
so pi'ssa pahino hoti ucchinnamulo talavatthukato anabhavakato ayatim anuppadadhammo.|| ||

Ayam vuccati bhikkhave bhikkhu nevusseneti nappatisseneti na dhupayani na pajjalati na apajjhayati.|| ||

9. Kathan ca bhikkhave bhikkhu usseneti?|| ||

Idha, bhikkhave, bhikkhu rupam attato samanupassati,||
rupavantam va attanam,||
attani va rupam,||
rupasmim va attanam.|| ||

Vedanam attato samanupassati,||
[215] vedanavantam va attanam||
attani va vedanam,||
vedanaya va attanam.|| ||

Sannam attato samanupassati,||
sannavantam va attanam,||
attani va sannam,||
sannaya va attanam.|| ||

Samkhare attato samanupassati,||
samkharavantam va attanam,||
attani va samkhare,||
samkharesu va attanam.|| ||

Vinnanam attato samanupassati,||
vinnanavantam va attanam,||
attani va vinnanam,||
vinnanasmim va attanam.|| ||

Evam kho bhikkhave bhikkhu usseneti.|| ||

10. Kathan ca bhikkhave bhikkhu na usseneti?|| ||

Idha, bhikkhave, bhikkhu na rupam attato samanupassati,||
na rupavantam va attanam,||
na attani va rupam,||
na rupasmim va attanam.|| ||

Na vedanam attato samanupassati,||
na vedanavantam va attanam,||
na attani va vedanam,||
na vedanaya va attanam.|| ||

Na sannam attato samanupassati,||
na sannavantam va attanam,||
na attani va sannam,||
na sannaya va attanam.|| ||

Na samkhare attato samanupassati,||
na samkaravantam va attanam,||
na attani va samkhare,||
na samkharesu va attanam.|| ||

Na vinnanam attato samanupassati,||
na vinnanavantam va attanam,||
na attani va vinnanam,||
na vinnanasmim va attanam.|| ||

Evam kho bhikkhave bhikkhu na usseneti.|| ||

11. Kathan ca bhikkhave bhikkhu patisseneti?|| ||

Idha, bhikkhave, bhikkhu akkosantam paccakkosati,||
rosantam patirosati,||
bhandantam patibhandati.|| ||

Evam kho bhikkhave bhikkhu patisseneti.|| ||

12. Kathan ca bhikkhave bhikkhu na patisseneti?|| ||

Idha, bhikkhave, bhikkhu akkosantam na paccakkosati,||
rosantam na patirosati,||
bhandantam na patibhandati.|| ||

Evam kho bhikkhave bhikkhu na patisseneti.|| ||

13. Kathan ca bhikkhave bhikkhu dhupayati?|| ||

Asmiti bhikkhave sati||
itthasmiti hoti,||
evasmiti hoti,||
annathasmiti hoti,||
asasmiti hoti,||
satasmiti hoti,||
santi hoti,||
ittham santi hoti,||
evam santi hoti,||
annatha santi hoti,||
api ha santi hoti,||
api ittham santi hoti,||
api evam santi hoti,||
api annatha santi hoti,||
bhavissanti hoti,||
ittham bhavissanti hoti,||
evam bhavissanti hoti,||
annatha bhavissanti hoti.|| ||

Evam kho bhikkhave bhijhu dhupayati.|| ||

14. Kathan ca bhikkhave bhikkhu na dhupayati?|| ||

Asmiti bhikkhave asati||
itthasmiti na hoti,||
annathasmiti na hoti,||
asasmiti na hoti,||
satasmiti na hoti,||
santi na hoti,||
ittham santi na hoti,||
evam santi na hoti,||
annatha santi na hoti,||
apiha santi na hoti,||
api ittham santi na hoti,||
api evam santi na hoti,||
api annatha [216] santi na hoti,||
bhavissanti na hoti,||
ittham bhavissanti na hoti,||
eva bhavissanti na hoti,||
annatha bhavissanti na hoti.|| ||

Evam kho bhikkhave bhikkhu na dhupayati.|| ||

15. Kathan ca bhikkhave bhikkhu pajjalati?|| ||

Imina asmiti bhikkhave sati||
imina itthasmiti hoti,||
imina evasmiti hoti||
imina annathasmiti hoti,||
imina asasmiti hoti,||
imina satasmiti hoti,||
imina santi hoti,||
imina ittham santi hoti,||
imina evam santi santi hoti,||
imina apiha santi hoti,||
imina annatha santi hoti,||
imina apiha santi hoti,||
imina api ittham santi hoti,||
imina api evam santi hoti,||
imina api annatha santi hoti,||
imina bhavissanti hoti,||
imina ittham bhavissanti hoti,||
imina evam bhavissanti hoti,||
imina annatha bhavissanti hoti.|| ||

Evam kho bhikkhave bhikkhu pajjalati.|| ||

16. Kathan ca bhikkhave bhikkhu na pajjalati?|| ||

Imina asmiti bhikkhave asati||
imina itsmiti na hoti,||
imina evasmiti na hoti,||
imina annathasmiti na hoti,||
imina asasmiti na hoti,||
imina satasmiti na hoti,||
imina santi na hoti,||
imina ittham santi na hoti,||
imina evam santi na hoti,||
imina annatha santi na hoti,||
imina apiha santi na hoti,||
imina api ittham santi na hoti,||
imina api evam santi na hoti,||
imina api annatha santi na hoti,||
imina bhavassanti na hoti,||
imina ittham bhavissanti na hoti,||
imina evam bhavissanti na hoti,||
imina annatha bhavissanti na hoti.|| ||

Evam kho bhikkhave bhikkhu na pajjalati.|| ||

17. Kathan ca bhikkhave bhikkhu pajjhayati?|| ||

Idha, bhikkhave, bhikkhuno asmimano pahino na hoti,||
ucchinnamulo talavatthukato anabhavakato ayatim uppadadhammo.|| ||

Evam bhikkhave bhikkhu pajjhayati.|| ||

Kathan ca bhikkhave bhikkhu na pajjhayati?|| ||

Idha, bhikkhave, bhikkhuno asmimano pahino hoti,||
ucchinnamulo talavatthukato anabhavakato ayatim anuppadadhammo.|| ||

Evam kho bhikkhave bhikkhu na pajjhayati ti.|| ||

MAHAVAGGO PANCAMO

 


Contact:
E-mail
Copyright Statement   Webmaster's Page