Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttaranikayo
Catukkanipato
XXI: Sappurisa Vagga

Sutta 201

Sappurisa Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


 

[1][pts] Evam me sutam:|| ||

Ekam samayam Bhagava Savatthiyam viharati.|| ||

Tatra kho Bhagava bhikkhu amantesi:|| ||

"Bhikkhavo" ti.|| ||

"Bhadante" ti te bhikkhu Bhagavato paccassosum.|| ||

Bhagava etad avoca:|| ||

'Asappurisan ca vo bhikkhave desissami||
asappurisena asappurisataran ca,||
sappurisan ca||
sappurisena sappurisataran ca.|| ||

Tam sunatha sadhukam manasi karotha bhasissami ti.'|| ||

'Evam bhante' ti kho te bhikkhu Bhagavato paccassosum.|| ||

Bhagava etad avoca:|| ||

Katamo ca bhikkhave asappuriso?|| ||

Idha, bhikkhave, ekacco panatipati hoti,||
adinnadayi hoti,||
kamesu micchacari hoti,||
musavadi hoti,||
suramerayamajjapamadatthayi hoti.|| ||

Ayam vuccati bhikkhave asappuriso.|| ||

Katamo ca bhikkhave asappurisena asappurisataro?|| ||

Idha, bhikkhave, ekacco attana ca panatipati hoti,||
paran ca panatipate samadapeti.|| ||

Attanana ca adinnadayi hoti,||
paran ca adinnadane samadapeti.|| ||

Attana ca kamesu micchacari hoti,||
paran ca kamesu micchacare samadapeti.|| ||

Attana musavadi hoti,||
paran ca musavade samadapeti.|| ||

Attana ca suramerayamajjapamadatthayi hoti,||
paran ca suramerayamajjapamadatthane samadapeti.|| ||

Ayam vuccati bhikkhave asappurisena asappurisataro:|| ||

Katamo ca bhikkhave sappuriso?|| ||

Idha, bhikkhave, ekacco panatipata pativirato hoti,||
adinnadana pativirato hoti,||
kamesu micchacara pativirato hoti,||
musa-vada pativirato hoti,||
suramerayamajjapamadatthana pativirato hoti.|| ||

Ayam vuccati bhikkhave sappuriso.|| ||

Katamo ca bhikkhave sappurisena sappurisataro?|| ||

Idha, bhikkhave, ekacco attana ca panatipata pativirato hoti,||
paranca panatipata veramaniya samadapeti.|| ||

Attana ca adinnadana pativirato hoti,||
paranca adinnadana veramaniya samadapeti.|| ||

Attana ca kamesu micchacara pativirato hoti,||
paranca kamesu micchacara veramaniya samadapeti.|| ||

Attana ca musa-vada pativirato hoti,||
paranca musa-vada veramaniya samadapeti.|| ||

Attana ca suramerayamajjapamadatthana pativirato hoti,||
paranca suramerayamajjapamadatthana veramaniya samadapeti.|| ||

Ayam vuccati bhikkhave sappurisena sappurisataroti.

 


Contact:
E-mail
Copyright Statement