Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttaranikayo
Catukkanipato
XXI: Sappurisa Vagga

Sutta 202

Dutiya Sappurisa Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


 

[1][pts] Evam me sutam:|| ||

Ekam samayam Bhagava Savatthiyam viharati.|| ||

Tatra kho Bhagava bhikkhu amantesi:|| ||

"Bhikkhavo" ti.|| ||

"Bhadante" ti te bhikkhu Bhagavato paccassosum.|| ||

Bhagava etad avoca:|| ||

'Asappurisan ca vo bhikkhave desissami||
asappurisena asappurisataran ca,||
sappurisan ca||
sappurisena sappurisataran ca.|| ||

Tam sunatha sadhukam manasi karotha bhasissami ti.'|| ||

'Evam bhante' ti kho te bhikkhu Bhagavato paccassosum.|| ||

Bhagava etad avoca:|| ||

2. Katamo ca bhikkhave asappuriso?|| ||

Idha, bhikkhave, ekacco assaddho hoti,||
ahiriko hoti,||
anottappi hoti,||
appassuto hoti,||
kusito hoti,||
mutthassati hoti,||
duppanno hoti.|| ||

Ayam vuccati bhikkhave asappuriso.|| ||

3. Katamo ca bhikkhave asappurisena asappurisataro?|| ||

Idha, bhikkhave, ekacco attana ca assaddho hoti,||
paran ca assaddhaya samadapeti.|| ||

Attana ca ahiriko hoti,||
paran ca ahirikaya samadapeti.|| ||

Attana ca anottapi hoti,||
paran ca anottapitaya samadapeti.|| ||

Attana ca appassuto hoti,||
paran ca appassute samadapeti.|| ||

Attana ca kusito hoti,||
paran ca kosajje samadapeti.|| ||

Attana ca mutthassati hoti,||
paran ca mutthasacce samadapeti.|| ||

Attana ca duppanno hoti,||
paran ca duppannataya samadapeti.|| ||

Ayam vuccati bhikkhave asappurisena asappurisataro.|| ||

4. Katamo ca bhikkhave sappuriso?|| ||

Idha, bhikkhave, ekacco saddho hoti,||
hirima hoti,||
ottappi hoti,||
bahussuto hoti,||
araddhaviyo hoti,||
satima hoti,||
pannava hoti.|| ||

Ayam vuccati bhikkhave sappuriso.|| ||

5. Katamo ca bhikkhave sappurisena sappurisataro?|| ||

Idha, bhikkhave, ekacco attana ca saddhasampanno hoti,||
paran ca saddhasampadaya samadapeti.|| ||

Attana ca hirima hoti,||
paran ca hirimante samadapeti.|| ||

Attana ca ottappi hoti,||
paran ca ottape samadapeti.|| ||

Attana ca bahussuto hoti,||
paran ca bahusacce samdapeti.|| ||

Attana ca araddhaviriyo hoti,||
paran ca viriyaramhe samadapeti.|| ||

Attana ca upatthitasati hoti,||
paran ca satipatthane samadapeti.|| ||

Attana ca pannasampanno hoti,||
paran ca pannasampadaya samadapeti.|| ||

Ayam vuccati bhikkhave sappurisena sappurisataro" ti.

 


Contact:
E-mail
Copyright Statement