Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttaranikayo
Catukkanipato
XXIII: Sucarita Vagga

Sutta 225

Catuttha Bala-Pandita Suttam: Pathama Magga Suttam; Dutiya Magga Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


 

[1][pts] Evam me sutam:|| ||

Ekam samayam Bhagava Savatthiyam viharati.|| ||

Tatra kho Bhagava bhikkhu amantesi:|| ||

"Bhikkhavo" ti.|| ||

"Bhadante" ti te bhikkhu Bhagavato paccassosum.|| ||

Bhagava etad avoca:|| ||

"Catuhi bhikkhave dhammehi samannagato balo avyatto,||
asappuriso khatam upahatam attanam pariharati||
savajjo ca hoti||
sanuvajjo vinnunam||
bahun ca apunnam pasavati.|| ||

Katamehi catuhi?|| ||

Miccha-ditthiko hoti,
miccha-sankappo hoti,
miccha-vaco hoti,
miccha-kammanto hoti.|| ||

Imehi kho bhikkhave catuhi dhammehi samannagato balo avyatto||
asappuriso khatam upahatam attanam pariharati||
savajjo ca hoti||
sanuvajjo vinnunam||
bahun ca apunnam pasavati.|| ||

Catuhi bhikkhave dhammehi samannagato pandito vyatto||
sappuriso akkhatam anupahatam attanam pariharati||
anavajjo ca hoti||
ananuvajjo vinnunam||
bahunca punnam pasavati.|| ||

Katamehi catuhi?|| ||

Samma-ditthiko hoti,
samma-sankappo hoti,
samma-vaco hoti,
samma-kammanto hoti.|| ||

Imehi kho bhikkhave catuhi dhammehi samannagato pandito vyatto||
sappuriso akkhatam anupahatam attanam pariharati||
anavajjo ca hoti||
ananuvajjo vinnunam||
bahun ca punnam pasavati ti.|| ||

 


 

"Catuhi bhikkhave dhammehi samannagato balo avyatto,||
asappuriso khatam upahatam attanam pariharati||
savajjo ca hoti||
sanuvajjo vinnunam||
bahun ca apunnam pasavati.|| ||

Katamehi catuhi?|| ||

Miccha-ajivo hoti,||
miccha-vayamo hoti,||
miccha-sati hoti,||
miccha-samadhi hoti.|| ||

Imehi kho bhikkhave catuhi dhammehi samannagato balo avyatto||
asappuriso khatam upahatam attanam pariharati||
savajjo ca hoti||
sanuvajjo vinnunam||
bahun ca apunnam pasavati.|| ||

Catuhi bhikkhave dhammehi samannagato pandito vyatto||
sappuriso akkhatam anupahatam attanam pariharati||
anavajjo ca hoti||
ananuvajjo vinnunam||
bahunca punnam pasavati.|| ||

Katamehi catuhi?|| ||

Samma-ajivo hoti,||
samma-vayamo hoti,||
samma-sati hoti,||
samma-samadhi hoti.|| ||

Imehi kho bhikkhave catuhi dhammehi samannagato pandito vyatto||
sappuriso akkhatam anupahatam attanam pariharati||
anavajjo ca hoti||
ananuvajjo vinnunam||
bahun ca punnam pasavati ti.|| ||

 


Contact:
E-mail
Copyright Statement