Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttaranikayo
Catukkanipato
XXIV: Kamma Vagga

Sutta 233

Tatiya Kamma Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


[232]

[1][pts] Evam me sutam:|| ||

Ekam samayam Bhagava Savatthiyam viharati.|| ||

Atha kho Sikha Moggallano brahmano yena Bhagava ten'upasankami.|| ||

Upasankamitva Bhagavata saddhim sammodi.|| ||

Sammodaniyam katham saraniyam vitisaretva eka-m-antam nisidi.|| ||

Eka-m-antam nisinno kho Sikha Moggallano brahmano Bhagavantam etad avoca:|| ||

"Purimani bho Gotama divasani purimatarani Sonakayano manavo yenaham ten'upasankami.|| ||

Upasankamitva mam etad avoca:|| ||

'Samano Gotamo sabbakammanam akiriyam pannapeti||
sabbakammanam kho pana akiriyam pannapento ucchedam aha lokassa||
kammasaccayam bho loko,||
kammasamarambhatthayi' ti.|| ||

"Dassanam pi kho aham brahmana Sonakayanassa manavassa nabhijanami,||
kuto pan'evarupo kathasallapo?|| ||

Cattar'imani brahmana kammani maya sayam abhinna sacchikatva paveditani.|| ||

Katamani cattari?|| ||

Atthi brahmana kammam kanham kanhavipakam.|| ||

Atthi brahmana kammam sukkam sukkavipakam.|| ||

Atthi brahmana khave kammam kanhasukkam kanhasukkavipakam.|| ||

Atthi brahmana kammam akanham asukkam akanha-asukkavipakam kammam kammakkhayaya samvattati.|| ||

 


 

2. Kataman ca brahmana kammam kanham kanhavipakam?|| ||

Idha, brahmana, ekacco||
savyapajjham kayasankharam abhisankharoti,||
savyapajjham vacisankharam abhisankharoti,||
savyapajjham manosankharam abhisankharoti.|| ||

So savyapajjham kayasankharam abhisankharitva||
savyapajjham vacisankharam abhisankharitva||
savyapajjham manosankharam abhisankharitva||
savyapajjham lokam upapajjati.|| ||

Tam enam savyapajjham lokam upapannam||
samanam savyapajjha phassa phusanti.|| ||

So savyapajjhehi phassehi phuttho||
samano savyapajjham vedanam vediyati ekantadukkham||
seyyatha pi satta Nerayika.|| ||

Idam vuccati brahmana kammam kanham kanhavipakam.|| ||

 

§

 

3. . Kataman ca brahmana kammam sukkam sukkavipakam?|| ||

Idha, brahmana, ekacco||
avyapajjham kayasankharam abhisankharoti,||
avyapajjham vacisankharam abhisankharoti,||
avyapajjham manosankharam abhisankharoti.|| ||

So avyapajjham kayasankharam abhisankharitva||
avyapajjham vacisankharam abhisankharitva||
avyapajjham manosankharam abhisankaritva||
avyapajjham lokam upapajjati.|| ||

Tam enam avyapajjham lokam upapannam||
phassa phusanti so akhyapajjhahi||
samanam avyapajjha phassa phusanti.|| ||

So avyapajjhehi phassehi phuttho||
samano avyapajjham vedanam vediyati ekantasukham||
seyyatha pi deva Subhakinna.|| ||

Idam vuccati brahmana kammam sukkam sukkavipakam.|| ||

 

§

 

4. Kataman ca brahmana kammam kanhasukkam kanhasukkavipakam?|| ||

Idha, brahmana, ekacco||
savyapajjham pi avyapajjham pi kayasankharam abhisankharoti,||
savyapajjham pi avyapajjham pi vacisankharam abhisankharoti,||
savyapajjham pi avyapajjham pi manosankharam abhisankharoti.|| ||

So savyapajjham pi avyapajjham pi kayasankharam abhisankharitva||
savyapajjham pi avyapajjham pi vacisankharam abhisankharitva||
savyapajjham pi avyapajjham pi manosankharam abhisankharitva||
savyapajjham pi avyapajjham pi lokam upapajjati.|| ||

Tam enam savyapajjham pi avyapajjham pi lokam upapannam||
samanam savyapajjha pi avyapajjha pi phassa phusanti.|| ||

So savyapajjhehi pi avyapajjhehi pi phassehi phuttho||
samano savyapajjham pi avyapajjham pi vedanam vediyati vokinnasukhadukkham||
seyyatha pi manussa ekacce ca deva ekacce ca vinipatika.|| ||

Idam vuccati brahmana kammam kanhasukkam kanhasukkavipakam.|| ||

 

§

 

5. Kataman ca brahmana kammam akanham asukkam akanha-asukkavipakam kammam kammakkhayaya samvattati?|| ||

Tatra, brahmana,||
yam idam kammam kanham kanhavipakam tassa pahanaya ya cetana,||
yam p'idam kammam sukkam sukkavipakam tassa pahanaya ya cetana,||
yam p'idam kammam kanhasukkam kanhasukkavipakam tassa pahanaya ya cetana,||
idam vuccati brahmana kammam akanham asukkam akanha asukkavipakam kammam kammakkhayaya samvattati.|| ||

Imani kho brahmana cattari kammani maya sayam abhinna sacachikatva paveditani" ti.|| ||

 


Contact:
E-mail
Copyright Statement