Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttaranikayo
Catukkanipato
XXIV: Kamma Vagga

Sutta 234

Catuttha- Pancama Kamma Suttam
aka
Sikkhapada Suttam (1 and 2)

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


 

[1][pts] Evam me sutam:|| ||

Ekam samayam Bhagava Savatthiyam viharati.|| ||

Tatra kho Bhagava bhikkhu amantesi:|| ||

"Bhikkhavo" ti.|| ||

"Bhadante" ti te bhikkhu Bhagavato paccassosum.|| ||

Bhagava etad avoca:|| ||

"Cattar'imani bhikkhave kammani maya sayam abhinna sacchikatva paveditani.|| ||

Katamani cattari?|| ||

Atthi bhikkhave kammam kanham kanhavipakam.|| ||

Atthi bhikkhave kammam sukkam sukkavipakam.|| ||

Atthi bhikkhave kammam kanhasukkam kanhasukkavipakam.|| ||

Atthi bhikkhave kammam akanham asukkam akanha-asukkavipakam kammam kammakkhayaya samvattati.|| ||

 

§

 

Kataman ca bhikkhave kammam kanham kanhavipakam?|| ||

Idha, bhikkhave, ekacco||
panatipati hoti,||
adinnadayi hoti,||
kamesu micchacari hoti,||
musavadi hoti,||
suramerayamajjapamadatthayi hoti.|| ||

[235] Idam vuccati bhikkhave kammam kanham kanhavipakam.|| ||

 

§

 

Kataman ca bhikkhave kammam sukkam sukkavipakam?|| ||

Idha, bhikkhave, ekacco||
panatipata pativirato hoti,||
adinnadana pativirato hoti,||
kamesu micchacara pativirato hoti,||
musa-vada pativirato hoti,||
suramerayamajjapamadatthana pativirato hoti.|| ||

Idam vuccati bhikkhave kammam sukkam sukkavipakam.|| ||

 

§

 

Kataman ca bhikkhave kammam kanhasukkam kanhasukkavipakam?|| ||

Idha, bhikkhave, ekacco||
savyapajjham pi avyapajjham pi kayasankharam abhisankharoti,||
savyapajjham pi avyapajjham pi vacisankharam abhisankharoti,||
savyapajjham pi avyapajjham pi manosankharam abhisankharoti.|| ||

So savyapajjham pi avyapajjham pi kayasankharam abhisankharitva||
savyapajjham pi avyapajjham pi vacisankharam abhisankharitva||
savyapajjham pi avyapajjham pi manosankharam abhisankharitva||
savyapajjham pi avyapajjham pi lokam upapajjati.|| ||

Tam enam savyapajjham pi avyapajjham [231] pi lokam upapannam||
samanam savyapajjha pi avyapajjha pi phassa phusanti.|| ||

So savyapajjhehi pi avyapajjhehi pi phassehi phuttho||
samano savyapajjham pi avyapajjham pi vedanam vediyati vokinnasukhadukkham||
seyyatha pi manussa ekacce ca deva ekacce ca vinipatika.|| ||

Idam vuccati bhikkhave kammam kanhasukkam kanhasukkavipakam.|| ||

 

§

 

5. Kataman ca bhikkhave kammam akanham asukkam akanha-asukkavipakam kammam kammakkhayaya samvattati?|| ||

Tatra, bhikkhave,||
yam idam kammam kanham kanhavipakam tassa pahanaya ya cetana,||
yam p'idam kammam sukkam sukkavipakam tassa pahanaya ya cetana,||
yam p'idam kammam kanhasukkam kanhasukkavipakam tassa pahanaya ya cetana,||
idam vuccati bhikkhave kammam akanham asukkam akanha asukkavipakam kammam kammakkhayaya samvattati.|| ||

Imani kho bhikkhave cattari kammani maya sayam abhinna sacachikatva paveditani" ti.|| ||

 


 

"Cattar'imani bhikkhave kammani maya sayam abhinna sacchikatva paveditani.|| ||

Katamani cattari?|| ||

Atthi bhikkhave kammam kanham kanhavipakam.|| ||

Atthi bhikkhave kammam sukkam sukkavipakam.|| ||

Atthi bhikkhave kammam kanhasukkam kanhasukkavipakam.|| ||

Atthi bhikkhave kammam akanham asukkam akanha-asukkavipakam kammam kammakkhayaya samvattati.|| ||

 

§

 

Kataman ca bhikkhave kammam kanham kanhavipakam?|| ||

Idha, bhikkhave, ekaccena||
mata-jivita voropita hoti,||
pita-jivita voropito hoti,||
araham-jivita voropito hoti,||
Tathagatassa padutthena cittena lohitam uppadita hoti,||
sangho pi bhinno hoti.|| ||

Idam vuccati bhikkhave kammam kanham kanhavipakam.

 

§

 

Kataman ca bhikkhave kammam sukkam sukkavipakam?|| ||

[236] idha bhikkhave ekacco||
panatipata pativirato hoti,||
adinnadana pativirato hoti,||
kamesu micchacara pativirato hoti,||
adinnadana pativirato hoti,||
kamesumicchacara pativirato hoti,||
musa-vada pativirato hoti,||
pisunavaca pativirato hoti,||
pharusavaca pativirato hoti,||
samphappalapa pativirato hoti,||
anabhijjhalu hoti,||
abyapannacitto hoti,||
samma-ditthiko hoti.|| ||

Idam vuccati bhikkhave kammam sukkam sukkavipakam.|| ||

 

§

 

Kataman ca bhikkhave kammam kanhasukkam kanhasukkavipakam?|| ||

Idha, bhikkhave, ekacco||
savyapajjham pi avyapajjham pi kayasankharam abhisankharoti,||
savyapajjham pi avyapajjham pi vacisankharam abhisankharoti,||
savyapajjham pi avyapajjham pi manosankharam abhisankharoti.|| ||

So savyapajjham pi avyapajjham pi kayasankharam abhisankharitva||
savyapajjham pi avyapajjham pi vacisankharam abhisankharitva||
savyapajjham pi avyapajjham pi manosankharam abhisankharitva||
savyapajjham pi avyapajjham pi lokam upapajjati.|| ||

Tam enam savyapajjham pi avyapajjham pi lokam upapannam||
samanam savyapajjha pi avyapajjha pi phassa phusanti.|| ||

So savyapajjhehi pi avyapajjhehi pi phassehi phuttho||
samano savyapajjham pi avyapajjham pi vedanam vediyati vokinnasukhadukkham||
seyyatha pi manussa ekacce ca deva ekacce ca vinipatika.|| ||

Idam vuccati bhikkhave kammam kanhasukkam kanhasukkavipakam.|| ||

 

§

 

5. Kataman ca bhikkhave kammam akanham asukkam akanha-asukkavipakam kammam kammakkhayaya samvattati?|| ||

Tatra, bhikkhave,||
yam idam kammam kanham kanhavipakam tassa pahanaya ya cetana,||
yam p'idam kammam sukkam sukkavipakam tassa pahanaya ya cetana,||
yam p'idam kammam kanhasukkam kanhasukkavipakam tassa pahanaya ya cetana,||
idam vuccati bhikkhave kammam akanham asukkam akanha asukkavipakam kammam kammakkhayaya samvattati.|| ||

Imani kho bhikkhave cattari kammani maya sayam abhinna sacachikatva paveditani" ti.|| ||

 


Contact:
E-mail
Copyright Statement