Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttaranikayo
Catukkanipato
XXIV: Kamma Vagga

Sutta 239

Samana Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


 

[1][pts] Evam me sutam:|| ||

Ekam samayam Bhagava Savatthiyam viharati.|| ||

Tatra kho Bhagava bhikkhu amantesi:|| ||

"Bhikkhavo" ti.|| ||

"Bhadante" ti te bhikkhu Bhagavato paccassosum.|| ||

Bhagava etad avoca:|| ||

"'Idh'eva bhikkhave samano,||
idha dutiyo samano,||
idha tatiyo samano,||
idha catuttho samano.|| ||

Sunna parappavada samanehi anne' ti.|| ||

Evam etam bhikkhave samma sihanadam nadatha.|| ||

Katamo ca bhikkhave samano?|| ||

Idha, bhikkhave, bhikkhu tinnam samyojananam parikkhaya sotapanno hoti avinipatadhammo niyato sambodhiparayano.|| ||

Ayam bhikkhave samano.|| ||

Katamo ca bhikkhave dutiyo samano?|| ||

Idha, bhikkhave, bhikkhu tinnam samyojananam parikkhaya ragadosamohanam tanutta sakadagami hoti, sakideva imam lokam agantva dukkhassantam karoti.|| ||

Ayam bhikkhave dutiyo samano.|| ||

Katamo ca bhikkhave tatiyo samano?|| ||

Idha, bhikkhave, bhikkhu pancannam orambhagiyanam samyojananam parikkhaya opapatiko hoti tattha parinibbayi anavattidhammo tasma loka ayam bhikkhave tatiyo samano.|| ||

Katamo ca bhikkhave catuttho samano?|| ||

Idha, bhikkhave, asavanam khaya anasavam ceto-vimuttim panna-vimuttim ditthe va dhamme sayam abhinna sacchikatva upasampajja viharati.|| ||

Ayam bhikkhave catuttho samano.|| ||

'Idh'eva bhikkhave samano,||
idha dutiyo samano,||
idha tatiyo samano,||
idha catuttho samano.|| ||

Sunna parappavada samanehi anne' ti.|| ||

Evam etam bhikkhave samma sihanadam nadatha" ti.|| ||

 


Contact:
E-mail
Copyright Statement