Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttaranikayo
Catukkanipato
XXV: Appatti-bhaya Vagga

Sutta 241

Sanghabhedaka Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


 

[1][pts] Evam me sutam:|| ||

Ekam samayam Bhagava Kosambiyam viharati Ghositarame.|| ||

Atha kho ayasma Anando yena Bhagava ten'upasankami,||
upasankamitva Bhagavantam abhivadetva eka-m-antam nisidi.|| ||

Eka-m-antam nisinnam kho ayasmantam Anandam Bhagava etad avoca:|| ||

"Api nu tam Ananda adhikaranam vupasantan" ti?|| ||

"Kuto tam bhante adhikaranam vupasamissa ti?|| ||

Ayasmato bhante Anuruddhassa Bahiyo nama saddhivihari kevalakappam sanghabhedaya thito.|| ||

Tatthayasma Anuruddho na ekavacikam pi bhanitabbam mannati" ti.|| ||

"Kada pan'Ananda Anuruddho sanghamajjhe adhikaranesu voyunjati?|| ||

Na nu Ananda yani kanici adhikaranani uppajjanti sabbani tani tumhe c'eva vupasametha Sariputta-Moggallana ca.|| ||

 


 

Cattaro'me Ananda atthavase sampassamano papabhikkhu sanghabhedena nandati.|| ||

Katame cattaro?|| ||

Idh'Ananda papabhikkhu dussilo hoti papadhammo asuci sankassara-samacaro paticchannakammanto assamano samanapatinno abrahmacari brahmacaripatinno [240] antoputi avassuto kasambujato.|| ||

Tass'evam hoti:|| ||

'Sace kho mam bhikkhu janissanti||
"Dususilo papadhammo asuci samkassara-samacaro paticchannakammanto assamano samanapatinno abrahmacari brahmacaripatinno antoputi avassuto kasambujato" ti,||
samagga mam santa nasissanti,||
vagga pana mam na nasissanti' ti.|| ||

Idam Ananda pathamam atthavasam sampassamano papabhikkhu sanghabhedena nandati.|| ||

 

§

 

Puna ca param Ananda papabhikkhu micchaditthiko hoti antagahikaya ditthiya samannagato.|| ||

Tass'evam hoti:|| ||

'Sace kho mam bhikkhu janissanti||
"micchaditthiko antaggahikaya ditthiya samannagato" ti,||
samagga mam santa nasissanti,||
vagga pana mam na nasissanti' ti.|| ||

Idam Ananda dutiyam atthavasam sampassamano papabhikkhu sanghabhedena nandati.|| ||

 

§

 

Puna ca param Ananda papabhikkhu micchaajivo hoti,||
micchajivena jivitam kappeti.|| ||

Tass'evam hoti:|| ||

'Sace kho mam bhikkhu janissanti:||
"micchaajivo,||
micchaajivena jivikam kappeti" ti,||
samagga pana mam nasissanti,||
vagga pana mam na nasissanti' ti.|| ||

Idam Ananda tatiyam atthavasam sampassamano papabhikkhu sanghabhedena nandati.

 

§

 

Puna ca param Ananda, papabhikkhu labhakamo hoti sakkarakamo anavannattikamo.|| ||

Tassa evam hoti:|| ||

'Sace kho mam bhikkhu janissanti:||
"labhakamo sakkarakamo anavannattikamo" ti,||
samagga mam santa na sakkarissanti||
na garukarissanti na manessanti na pujessanti,||
vagga pana mam sakkarissanti garukarissanti manessanti pujessanti' ti.|| ||

Idam, Ananda, catuttham atthavasa sampassamano papabhikkhu sanghabhedena nandati.|| ||

Ime kho Ananda cattaro atthavase sampassamano papabhikkhu sanghabhedena nandati" ti.|| ||

 


Contact:
E-mail
Copyright Statement