Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttaranikayo
Catukkanipato
XXV: Appatti-bhaya Vagga

Sutta 243

Sikkhanisamsa Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


 

[1][pts] Evam me sutam:|| ||

Ekam samayam Bhagava bhikkhu amantesi:|| ||

"Bhikkhavo" ti.|| ||

"Bhadante" ti te bhikkhu Bhagavato paccassosum.|| ||

Bhagava etad avoca:|| ||

"Sikkhanisamsam idam bhikkhave brahmacariyam vussati,||
pannuttaram,||
vimuttisaram,||
satadhipateyyam.|| ||

 

§

 

Kathan ca bhikkhave sikkhanisamsam hoti?|| ||

Idha, bhikkhave, maya savakanam abhisamacarika sikkha pannatta appasannanam pasadaya,||
pasannanam bhiyyo-bhavaya||
yatha yatha bhikkhave maya savakanam abhisamacarika sikkha pannatta appasannanam pasadaya,||
pasannanam bhiyyo-bhavaya,||
tatha tatha so tassa sikkhaya akhandakari hoti||
acchiddakari asabalakari akammasakari samadaya sikkhati sikkhapadesu.|| ||

Puna ca param bhikkhave maya savakanam adibrahmacariyika sikkha pannatta sabbaso samma-dukkhakkhayaya||
yatha yatha bhikkhave maya savakanam adibrahmacariyika sikkha pannatta sabbaso samma dukkhakkhayaya||
tatha tatha so tassa sikkhaya akhndakari hoti||
acchiddakari asabalakari akammasakari samadaya sikkhati sikkhapadesu.|| ||

Evam kho bhikkhave sikkhanisamsam hoti.

 

§

 

Kathan ca bhikkhave pannuttaram hoti?|| ||

Idha, bhikkhave, maya savakanam dhamma desita sabbaso samma-dukkhakkhayaya,||
yatha yatha bhikkhave maya savakanam dhamma desita sabbaso samma-dukkhakkhayaya,||
tatha tatha'ssa te dhamma pannaya samavekkhita honti.|| ||

Evam kho bhikkhave pannuttaram hoti.|| ||

 

§

 

[244] Kathan ca bhikkhave vimuttisaram hoti?|| ||

Idha, bhikkhave, maya savakanam dhamma desita sabbaso samma-dukkhakkhayaya,||
yatha yatha bhikkhave maya savakanam dhamma desita sabbaso samma-dukkhakkhayaya,||
tatha tathassa te dhamma vimuttiya phassita honti.|| ||

Evam kho bhikkhave vimuttisaram hoti.|| ||

 

§

 

Kathan ca bhikkhave satadhipateyyam hoti?|| ||

Iti aparipuram va abhismacarikam sikkham paripuressami,||
paripuram va abhisamacarikam sikkham tattha tattha pannaya anuggahessami ti||
ajjhattam yeva sati supatthita hoti.|| ||

Iti aparipuram va adibrahmanacariyikam sikkham paripuressami,||
paripuram va adibrahmacariyikam sikkham tattha tattha pannaya anuggahessami ti||
ajjhattam yeva sati supatthita hoti.|| ||

Iti asamavekkhitam va dhammam pannaya samavekkhissami,||
samavekkhitam va dhammam tattha tattha pannaya anuggahesmami ti.||
ajjhattam yeva sati supatthita hoti.|| ||

Iti aphassitam va dhammam vimuttiya phassissamim,||
phassitam va dhammam tattha tattha pannaya anuggahessami ti||
ajjajhattam yeva sati supatthita hoti.|| ||

Evam kho bhikkhave satadhipateyyam hoti.|| ||

Sikkhanisamsamidam bhikkhave brahmacariyam vussati,||
pannuttaram,||
vimuttisaram,||
satadhipateyyanti.|| ||

Iti yam tam vuttam,,||
idam etam paticca vuttan" ti.|| ||

 


Contact:
E-mail
Copyright Statement