Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttaranikayo
Catukkanipato
XXV: Appatti-bhaya Vagga

Sutta 244

Seyya Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


 

[1][pts] Evam me sutam:|| ||

Ekam samayam Bhagava bhikkhu amantesi:|| ||

"Bhikkhavo" ti.|| ||

"Bhadante" ti te bhikkhu Bhagavato paccassosum.|| ||

Bhagava etad avoca:|| ||

Catasso ima bhikkhave seyya.|| ||

Katama catasso?|| ||

Petaseyya, kamabhogiseyya, sihaseyya, Tathagataseyya.|| ||

Katama ca bhikkhave petaseyya? Yebhuyyena bhikkhave peta uttana senti.|| ||

Ayam vuccati bhikkhave petaseyya.|| ||

Katama ca bhikkhave kamabhogiseyya?|| ||

Yebhuyyena bhikkhave kamabhogi vamena passena senti.|| ||

Ayam vuccati bhikkhave kamabhogiseyya.|| ||

Katama ca bhikkhave sihaseyya?|| ||

[245] Siho bhikkhave migaraja dakkhinena passena seyyam kappeti pade padam accadhaya, antara satthinam nanguttham anukkhipitva.|| ||

So patibujjhitva purimam kayam abbhunnametva pacchimam kayam anuviloketi.|| ||

Sace bhikkhave siho migaraja kinci passati kayassa vikkhittam va visatam va, tena bhikkhave siho migaraja anattamano hoti.|| ||

Sace pana bhikkhave siho migaraja na kinci passati kayassa vikkhittam va visatam va, tena bhikkhave siho migaraja attamano hoti.|| ||

Ayam vuccati bhikkhave sihaseyya.|| ||

Katama ca bhikkhave Tathagataseyya?|| ||

Idha, bhikkhave, Tathagato vivicc'eva kamehi vivicca akusalehi dhammehi savitakkam savicaram vivekajam piti-sukham pathamam-jhanam upasampajja viharati.|| ||

Idha, bhikkhave, Tathagato vivicc'eva kamehi vivicca akusalehi dhammehi savitakkam savicaram vivekajam piti-sukham dutiyam-jhanam upasampajja viharati.|| ||

Idha, bhikkhave, Tathagato vivicc'eva kamehi vivicca akusalehi dhammehi savitakkam savicaram vivekajam piti-sukham tatiyam-jhanam upasampajja viharati.|| ||

Idha, bhikkhave, Tathagato vivicc'eva kamehi vivicca akusalehi dhammehi savitakkam savicaram vivekajam piti-sukham catuttham-jhanam upasampajja viharati.|| ||

Ayam vuccati bhikkhave Tathagataseyya.|| ||

Ima kho bhikkhave catasso seyya ti.|| ||

 


Contact:
E-mail
Copyright Statement