Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
Pancaka Nipata
I: Sekha-Bala Vagga

Sutta 6

Akusala-Samapatti Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


[5]

[1][pts][bodh][olds] "Na tava bhikkhave akusalassa samapatti hoti,||
yava saddha paccupatthita hoti kusalesu dhammesu.|| ||

Yato ca kho bhikkhave saddha antarahita hoti,||
assaddhiyam pariyutthaya titthati,||
atha akusalassa samapatti hoti.|| ||

Na tava bhikkhave akusalassa samapatti hoti,||
yava hiri paccupatthita hoti kusalesu dhammesu.|| ||

Yato ca kho bhikkhave hiri antarahita hoti,||
ahirikam pariyutthaya titthati,||
atha akusalassa samapatti hoti.|| ||

Na tava bhikkhave akusalassa samapatti hoti,||
yava ottappam paccupatthitam hoti kusalesu dhammesu.|| ||

Yato ca kho bhikkhave ottappam annarahitam hoti.||
Anottappam pariyutthaya titthati,||
atha akusalassa samapatti hoti.

Na tava bhikkhave akusalassa samapatti hoti,||
yava viriyam paccupatthitam hoti kusalesu dhammesu.|| ||

Yato ca kho bhikkhave viriyam antarahitam hoti,||
kosajjam pariyutthaya titthati,||
atha akusalassa samapatti hoti.

Na tava bhikkhave akusalassa samapatti hoti,||
yava panna paccupatthita hoti kusalesu dhammesu.|| ||

Yato ca kho bhikkhave panna antarahita hoti,||
duppanna pariyutthaya titthati,||
atha akusalassa samapatti hoti" ti.|| ||

 


Contact:
E-mail
Copyright Statement