Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
Pancaka Nipata
III: Pancangika Vagga

Sutta 26

Vimuttayatana Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


[21]

[1][pts][bodh][olds]Evam me sutam:|| ||

Ekam samayam Bhagava Savatthiyam viharati.|| ||

Tatra kho Bhagava bhikkhu amantesi:|| ||

"Bhikkhavo" ti.|| ||

"Bhadante" ti te bhikkhu Bhagavato paccassosum.|| ||

Bhagava etad avoca:|| ||

"Panc'imani bhikkhave vimuttayatanani,||
yattha bhikkhuno appamattassa atapino pahitattassa viharato||
avimuttam va cittam vimuccati,||
aparikkhina va asava parikkhayam gacchanti,||
ananuppattam va anuttaram yogakkhemam anupapunati.|| ||

Katamani panca?|| ||

Idha, bhikkhave, bhikkhuno Sattha dhammam deseti annataro va garutthaniyo sabrahmacari.|| ||

Yatha yatha bhikkhave tassa bhikkhuno Sattha dhammam deseti,||
annataro va garutthaniyo sabrahmacari,
tatha tatha so tasmim dhamme attha-patisanvedi ca hoti,||
dhamma-patisanvedi ca||
tassa attha-patisanvedino dhamma-patisanvedino pamujjam jayati,||
pamuditassa piti jayati,||
pitimanassa kayo passambhati,||
passaddhakayo sukham vedeti,||
sukhino cittam samadhiyati.|| ||

Idam, bhikkhave, pathamam vimuttayatanam,||
yattha bhikkhuno appamattassa atapino pahitattassa viharato||
avimuttam va cittam vimuccati,||
aparikkhina va asava parikkhayam gacchanti,||
ananuppattam va anuttaram yogakkhemam anupapunati.|| ||

 

§

 

Puna ca param bhikkhave bhikkhuno na h'eva kho Sattha dhammam deseti,||
annataro va garutthaniyo sabrahmavari,||
api ca kho yatha-sutam yatha-pariyattam dhammam vittharena paresam deseti.|| ||

Yatha yatha bhikkhave bhikkhu [22] yatha-sutam yatha-pariyattam dhamimam vittharena paresam deseti,||
tatha tatha so tasmim dhamme attha-patisanvedi ca hoti,||
dhamma-patisanvedi ca||
tassa attha-patisanvedino dhamma-patisanvedino pamujjam jayati,||
pamuditassa piti jayati,||
pitimanassa kayo passambhati,||
passaddhakayo sukham vedeti,||
sukhino cittam samadhiyati.|| ||

Idam, bhikkhave, dutiyam vimuttayatanam,||
yattha bhikkhuno appamattassa atapino pahitattassa viharato||
avimuttam va cittam vimuccati,||
aparikkhina va asava parikkhayam gacchanti,||
ananuppattam va anuttaram yogakkhemam anupapunati.|| ||

 

§

 

Puna ca param bhikkhave bhikkhuno na h'eva kho Sattha dhammam deseti,||
annataro va garutthaniyo sabrahmacari,||
na pi yatha-sutam yatha-pariyattam dhammam vittharena paresam deseti,||
api ca kho yatha-sutam yatha-pariyattam dhammam vittharena sajjhayam karoti.|| ||

Yatha yatha bhikkhave bhikkhu yatha-sutam yatha-pariyattam dhammam vittharena sajjhayam karoti,||
tatha tatha so tasmim dhamme attha-patisanvedi ca hoti,||
dhammapatissamvedi ca||
tassa attha-patisanvedino dhamma-patisanvedino pamujjam jayati,||
pamuditassa piti jayati,||
pitimanassa kayo passambhati,||
passaddhakayo sukham vedeti,||
sukhino cittam samadhiyati.|| ||

Idam, bhikkhave, tatiyam vimuttayatanam,||
yattha bhikkhuno appamattassa atapino pahitattassa viharato||
avimuttam va cittam vimuccati,||
aparikkhina va asava parikkhayam gacchanti,||
ananuppattam va anuttaram yogakkhemam anupapunati.|| ||

 

§

 

Puna ca param bhikkhave bhikkhuno na h'eva kho sattha dhammam deseti,||
annataro va garutthaniyo sabrahmacari,||
na pi yatha-sutam yatha-pariyattam dhammam vittharena paresam deseti,||
na pi yatha-sutam yatha-pariyattam dhammam vittharena sajjhayam karoti,||
api ca kho yatha-sutam yatha-pariyattam dhammam cetasa anuvitakketi [23] anuvicareti manasanupekkhati.|| ||

Yatha yatha bhikkhave bhikkhu yatha-sutam yatha-pariyattam dhammam cetasa anuvitakketi anuvicareti manasanupekkhati,||
tatha tatha so tasmim dhamme attha-patisanvedi ca hoti,||
dhammapatisanvedi ca||
Tassa attha-patisanvedino dhamma-patisanvedino pamujjam jayati,||
pamuditassa piti jayati,||
pitimanassa kayo passambhati,||
passaddhakayo sukham vedeti,||
sukhino cittam samadhiyati.|| ||

Idam, bhikkhave, catuttham vimuttayatanam,||
yattha bhikkhuno appamattassa atapino pahitattassa viharato||
avimuttam va cittam vimuccati,||
aparikkhina va asava parikkhayam gacchanti,||
ananuppattam va anuttaram yogakkhemam anupapunati.|| ||

 

§

 

Puna ca param bhikkhave bhikkhuno na h'eva kho sattha dhammam deseti,||
annataro va garutthaniyo sabrahmacari,||
na pi yatha-sutam yatha-pariyattam dhammam vittharena paresam deseti,,||
napi yatha-sutam yatha-pariyattam dhammam vittharena sajjhayam karoti,,||
na pi yatha-sutam yatha-pariyattam dhammam cetasa anuvitakketi anuvicareti manasanupekkhati,||
api ca khavassa annataram samadhi-nimittam suggahitam hoti,||
sumana-sikatam supadharitam suppati-viddham pannaya.|| ||

Yatha yatha bhikkhave bhikkhuno annataram samadhi-nimittam suggahitam hoti sumanasikata supadharitam suppati-viddham pannaya,||
tatha tatha so tasmim dhamme attha-patisanvedi ca hoti,||
dhamma-patisanvedi ca.|| ||

Tassa attha-patisanvedino dhamma-patisanvedino pamujjam jayati,||
pamuditassa piti jayati,||
pitimanassa kayo passambhati,||
passaddhakayo sukham vedeti,||
sukhino cittam samadhiyati.|| ||

Idam, bhikkhave, pancamam vimuttayatanam,||
yattha bhikkhuno appamattassa atapino pahitattassa [24] viharato||
avimuttam va cittam vimuccati,||
aparikkhina va asava parikkhayam gacchanti,||
ananuppattam va anuttaram yogakkhemam anupapunati.|| ||

Imani kho bhikkhave panca vimuttayatanani.|| ||

Yattha bhikkhuno appamattassa atapino pahitattassa viharato||
avimuttam va cittam vimuccati,||
aparikkhina va asava parikkhayam gacchanti,||
ananuppattam va anuttaram yogakkhemam anupapunati.|| ||

 


Contact:
E-mail
Copyright Statement