Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
Pancaka Nipata
III: Pancangika Vagga

Sutta 28

Panc'angika Samadhi Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


[25]

[1][pts][than][bodh]Evam me sutam:|| ||

Ekam samayam Bhagava Savatthiyam viharati.|| ||

Tatra kho Bhagava bhikkhu amantesi:|| ||

"Bhikkhavo" ti.|| ||

"Bhadante" ti te bhikkhu Bhagavato paccassosum.|| ||

Bhagava etad avoca:|| ||

"Ariyassa bhikkhave pancangikassa samma samadhissa bhavanam desissami.|| ||

Tam sunatha sadhukam manasikarotha||
bhasissami" ti.|| ||

"Evam bhante" ti kho te bhikkhu Bhagavato paccassosum.|| ||

Bhagava etad avoca:

"Katama ca bhikkhave ariyassa pancangikassa sammasamadhissa bhavana?

2. Idha, bhikkhave, bhikkhu vivicc'eva kamehi:|| ||

Vivicca akusalehi dhammehi||
savitakkam,||
savicaram vivekajam piti-sukham||
pathamam-jhanam upasampajja viharati.|| ||

So imam eva kayam vivekajena piti-sukhena||
abhisandeti||
parisandeti||
paripureti||
parippharati,||
nassa kinci sabbavato kayassa||
vivekajena pitisukhena apaphutam hoti.|| ||

3. Seyyatha pi, bhikkhave, dakkho nahapako va||
nahapakantevasi va||
kamsathale nahaniyacunnani akiritva udakena paripphosakam paripphosakam sanneyya||
sa'ssa nahaniyapindi snehanugata snehapareta santarabahira phuta snehena na ca paggharati,||
evam eva kho, bhikkhave, bhikkhu imam eva kayam vivekajena pitisukhena||
abhisandeti||
parisandeti||
paripureti||
parippharati,||
nassa kinci sabbavato kayassa||
vivekajena pitisukhena apthutam hoti.|| ||

Ariyassa bhikkhave pancangikassa samma-samadhissa ayam pathama bhavana.|| ||

4. Puna ca param bhikkhave bhikkhu||
vitakka-vicaranam vupasama||
ajjhattam sampasadanam||
cetaso ekodi-bhavam||
avitakkam||
avicaram||
samadhijam piti-sukham||
dutiyam-jhanam upasampajja viharati.|| ||

So imam eva kayam||
samadhijena pitisukhena||
abhisandeti||
parisandeti||
paripureti||
parippharati,||
nassa kinci sabbavato kayassa||
samadhijena pitisukhena apphutam hoti.|| ||

5. Seyyatha pi, bhikkhave, udakarahado ubbhidodako,||
tassa nev'assa puratthimaya disaya udakassa ayamukham||
na pacchimaya disaya udakassa ayamukham||
na uttaraya [26] disaya udakassa ayamukham||
na dakkhinaya disaya udakassa ayamukham||
devo ca na kalena kalam samma-dharam anuppaveccheyya||
atha kho tambha ca udakarahada sita varidhara ubbhijjitva tam eva udakarahadam sitena varina||
abhisandeyya||
parisandeyya||
paripureyya||
paripphareyya||
nassa kinci sabbavato udakarahadassa sitena varina apphutam assa.|| ||

Evam eva kho bhikkhave bhikkhu imeva kayam samadhijena pitisukhena||
abhisandeti||
parisandeti||
paripureti||
parippharati,||
nassa kinci sabbavato kayassa samadhijena pitisukhena apphutam hoti.|| ||

Ariyassa bhikkhave pancangikassa sammasamadhissa ayam dutiya bhavana.

6. Puna ca param bhikkhave bhikkhu pitiya ca viraga upekkhako ca viharati sato ca sampajano sukhan ca kayena patisanvedeti||
yam tam ariya acikkhanti|| ||

'Upekkhako satima sukha-vihari' ti|| ||

tatiyam-jhanam upasampajja viharati.|| ||

So imam eva kayam nippitikena sukhena||
abhisandeti||
parisandeti||
paripureti||
parippharati,||
nassa kinci sabbavato kayassa||
nippitikena apphutam hoti.|| ||

7. Seyyatha pi, bhikkhave, uppaliniyam va paduminiyam va pundarikiniyam va app ekaccani uppalani va padumani va pundarikani va udake jatani udake samvaddhani udakanuggatani anto nimuggaposini||
tani yavagga yava mula sitena varina||
abhisannani||
parisannani||
paripurani||
paripphutani,||
nassa kinci sabbavatam uppalanam va padumanam va pundarikanam va sitena varina apphutam assa.|| ||

Evam eva kho bhikkhave bhikkhu imam eva kayam nippitikena sukhena||
abhisandeti||
parisandeti||
paripureti||
parippharati,||
nassa kinci sabbavato kayassa nippitikena sukhena apphutam hoti.|| ||

Ariyassa bhikkhave pancangikassa sammasamadhissa ayam tatiya bhavana.|| ||

8. Puna ca param bhikkhave bhikkhu||
sukhassa ca pa- [27] hana||
dukkhassa ca pahana||
pubb'eva somanassa-domanassanam atthangama||
adukkham-asukham||
upekkha-sati-parisuddhim||
catuttham-jhanam upasampajja viharati.|| ||

So imam eva kayam parisuddhena cetasa||
pariyodaneta||
pharitva||
pharitva nisinno hoti||
nassa kinci sabbavato kayassa||
parisuddhena cetasa||
pariyodatena apphutam hoti.|| ||

9. Seyyatha pi, bhikkhave, puriso odateka vatthena sasisam parupitva nisinno assa,||
nassa kinci sabbavato kayassa odatena vatthena apphutam assa.|| ||

Evam eva kho bhikkhave bhikkhu imam eva kayam parisuddhena cetasa||
pariyodatena||
pharitva nisinno hoti||
nassa kinci sabbavato kayassa||
parisuddhena cetasa||
pariyodatena apphutam hoti.|| ||

Ariyassa bhikkhave pancangikassa sammasamadhissa ayam catuttha bhavana.|| ||

10. Puna ca param bhikkhave bhikkhuno paccavekkhana-nimittam suggahitam hoti||
sumanasikatam||
supadharitam||
suppatividdham pannaya.|| ||

11. Seyyatha pi, bhikkhave, anno'va annam paccavekkheyya||
thito va nisinnam paccavekkheyya||
nisinno va nipannam paccavekkheyya||
evam eva kho, bhikkhave,||
bhikkhuno paccavekkhana-nimittam suggahitam hoti||
sumanasikatam||
supadharitam||
suppatividdham pannaya.|| ||

Ariyassa bhikkhave pancangikassa sammasamadhissa ayam pancami bhavana

Evam bhavite kho bhikkhave bhikkhu ariye pancangike samma-samadhimhi evam bahulikate yassa yassa abhinna sacachikaraniyassa Dhammassa cittam abhininnameti abhinna sacchikiriyaya||
tatra tatr'eva sakkhibhabbatam papunati sati sati ayatane.

12. Seyyatha pi, bhikkhave, udakamaniko adhare thapito puro udakassa samatittiko kakapeyyo||
tam enam balava puriso yato yato avajjeyya||
agaccheyya udakan" ti?|| ||

"Evam [28] bhante".|| ||

"Evam'eva kho bhikkhave bhikkhu evam bhavite ariye pancangike samma-samadhimhi evam bahulikate yassa yassa abhinna sacchikaraniyassa Dhammassa cittam abhininnameni abhinna sacchikiriyaya||
tatra tatr'eva sakkhibhabbatam papunani sati sati ayatane.

13. Seyyatha pi, bhikkhave, same bhumibhage pokkharani caturassa alibaddha pura udakassa samatittika kakapeyya,||
tam enam balava puriso yato yato alim munceyya||
agaccheyya udakan" ti?.|| ||

"Evam bhante".|| ||

"Evam eva kho bhikkhave bhikkhu evam bhavite ariye pancangike samma-samadhimahi evam bahulikate yassa yassa abhinna sacchikaraniyassa Dhammassa cittam abhinitnameti abhinna sacchikiriyaya||
tatra tatr'eva sakkhibhabbatam papunati sati sati ayatane.|| ||

14. Seyyatha pi, bhikkhave, subhumiyam catummahapathe ajannaratho yutto assa thito odhastapatodo||
tam enam dakkho yoggacariyo assadammasarathi abhiruhitva vamena hatthena rasmiyo gahetva dakkhinena hatthena patodam gahetva yen'icchakam yad icchakam sareyya pi paccasareyya pi.|| ||

Evam eva kho bhikkhave bhikkhu evam bhavite

"Evam eva kho bhikkhave bhikkhu evam bhavite ariye pancangike samma-samadhimahi evam bahulikate yassa yassa abhinna sacchikaraniyassa Dhammassa cittam abhinitnameti abhinna sacchikiriyaya||
tatra tatr'eva sakkhibhabbatam papunati sati sati ayatane.|| ||

So sace akankhati:|| ||

"Aneka-vihitam iddhividham [29] paccanubhaveyyam:||
eko pi hutva bahudha assam bahudha pi hutva eko hoti,||
avibhavam tirobhavam tirokuddam tiropakaram tiropabbatam asajjamano gacchati seyyatha pi akase,||
pathaviya'pi ummujjanimujjam karoti seyyatha pi udake,||
udake'pi abhijjamane gacchati seyyatha pi pathaviyam,||
akase'pi pallankena kamati seyyatha'pi pakkhi sakuno.|| ||

Ime'pi candimasuriye evammahanubhave panina paramasati parimajjati.|| ||

Yava brahmaloka pi kayena va samvatteyyan ti."|| ||

Tatra tatr'eva sakkhibhabbatam papunati sati sati ayatane.|| ||

So sace akankhati:|| ||

"Dibbaya sotadhatuya visuddhaya atikkantamanusikaya ubho sadde suneyyam dibbe ca manuse ca ye dure ye santike ca" ti.|| ||

Tatra tatr'eva sakkhibhabbatam papunati sati sati ayatane.|| ||

So sace akankhati|| ||

"Parasattanam parapuggalanam cetasa ceto paricca pajaneyyam:||
saragam va cittam 'Saragam cittan' ti pajaneyyam||
vitaragam va cittam 'Vitaragam cittan' ti pajanati;||
sadosam va cittam 'Sadosam cittan' ti pajanati;||
vitadosam va cittam 'Vitadosam cittan' ti pajanati;||
samoham va cittam 'Samoham cittan' ti pajanati;||
vitamoham va cittam 'Vitamoham cittan' ti pajanati;||
sankhittam va cittam 'Sankhittam cittan' ti pajanati;,||
vikkhittam va cittam 'Vikkhittam cittan' ti pajanati;||
mahaggatam va cittam 'Mahaggatam cittam' ti pajanati;||
amahaggatam va cittam 'Amahaggatam cittam' ti pajanati;||
sa-uttaram va cittam 'Sa-uttaram cittam' ti pajanati;||
anuttaram va cittam 'Anuttaram cittan' ti pajanati;||
samahitam va cittam 'Samahitam cittan' ti pajanati;||
asamahitam va cittam 'Asamahitam cittan' ti pajanati;||
vimuttam va cittam 'Vimuttam cittan' ti pajanati;||
avimuttam va cittam 'Avimuttam cittan' ti pajanati.|| ||

Tatra tatr'eva sakkhibhahabbatam papunati sati sati ayatane.|| ||

So sace akankhati|| ||

"Aneka-vihitam pubbenivasam anussareyyam seyyathidam:||
ekam pi jatim dve pi jatiyo tisso pi jatiyo catasso pi jatiyo panca pi jatiyo||
dasa pi jatiyo visam pi jatiyo timsam pi jatiyo cattarisam pi jatiyo pannasam pi jatiyo||
jati-satam pi jati-sahassam pi jati-sata-sahassam pi||
aneke pi samvattakappe aneke pi vivattakappe aneke pi samvatta-vivattakappe amutrasim evamnamo evamgotto evam-vanno evam-aharo evam-sukha-dukkha-patisanvedi evam-ayu-pariyanto.|| ||

So tato cuto amutra upapadim tatrapasim evamnamo evamgotto evam-vanno evam-aharo evam-sukha-dukkha-patisanvedi evam-ayu-pariyanto.|| ||

So tato cuto idhupapanno' ti.|| ||

Iti sakaram sa uddesam aneka-vihitam pubbenivasam anussareyyan" ti.|| ||

Tatra tatr'eva sakkhibhabbatam papunati sati sati ayatane.|| ||

[19]So sace akankhati|| ||

"Dibbena cakkhuna visuddhena atikkantamanusakena satte passati cavamane uppajjamane hine panite suvanne dubbanena sugate duggate yathakammupage satte pajaneti ime vata bhonto satta kayaduccaritena samannagata,||
vaci duccaritena samannagata manoduccaritena samannagata ariyanam upavadaka micchaditithika micchaditthikammasamadana.|| ||

Te kayassa bheda param marana apayam duggatim vinipatam Nirayam upapanna.|| ||

Ime va pana bhonto satta kayasucaritena samannagata vaci sucaritena samannagata manosucaritena samannagata ariyanam anupavadaka sammaditthika sammaditthikammasamadana.|| ||

Te kayassa bheda param marana sugatim saggam lokam uppannati iti dibbena cakkhuna visuddhena atikkantamanusakena satte passati cavamane uppajjamane hine panite suvanena dubbanena sugate duggate yathakammupage satte pajaneyyan" ti.|| ||

Tatra tatr'eva sakkhibhabbatam papunati sati sati ayatane.|| ||

So sace akankhati|| ||

"Asavanam khaya (anasavam ceto-vimuttim panna-vimuttim) ditthe va dhamme sayam abhinna sacchikatva upasampajja vihareyyan" ti.|| ||

Tatra tatr'eva sakkhibhabbatam papunani sati sati ayataneti.|| ||

 


Contact:
E-mail
Copyright Statement