Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
Pancaka Nipata
III: Pancangika Vagga

Sutta 30

Nagita Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


[30]

[1][pts][than][bodh] Evam me sutam:|| ||

Ekam samayam Bhagava Kosalesu carikam caramano mahata bhikkhu-sanghena saddhim yena Icchanangalam nama Kosalanam brahmanagamo tad avasari.|| ||

Tatra sudam Bhagava Icchanangale viharati Icchanangala-vanasande.|| ||

Assosum kho Icchanangalaka brahmanagahapatika:|| ||

"Samano khalu bho Gotamo Sakyaputto Sakyakula pabbajito Icchanangalam anuppatto Icchanangale viharati Icchanangala-vanasande.|| ||

Tam kho pana bhavantam Gotamam evam kalyano kittisaddo abbhuggato:|| ||

'Iti pi so Bhagava araham Samma-sambuddho vijjacarana-sampanno sugato loka-vidu anuttaro purisa-damma-sarathi Sattha dvemanussanam buddho Bhagava' ti.|| ||

So imam lokam sadevakam samarakam sabrahmakam sassamana-brahmanim pajam sadeva-manussam sayam abhinna sacjikatva pavedeti.|| ||

So dhammam deseti adikalyanam majjhe kalyanam pariyosana-kalyanam sattham savyanjanam kevala-paripunnam parisuddham,||
brahmacariyam pakaseti.|| ||

Sadhu kho pana tatharupanam arahatam dassanam hoti" ti.|| ||

Atha kho Icchanangalaka brahmanagahapatika tassa rattiya accayena pahutam khadaniyam bhojaniyam adaya yena Icchanangalavanasando ten'upasankamimsu.|| ||

Upasankamitva bahidvarakotthake atthamsu uccasadda mahasadda.|| ||

[31] 2. Tena kho pana samayena ayasma Nagito Bhagavato upatthako hoti.|| ||

Atha kho Bhagava ayasmantam Nagitam amantesi:|| ||

"Ke panete Nagita uccasadda mahasadda,||
kevatta manne macche vilopen" ti?|| ||

"Ete bhante Icchanamgalaka brahmanagahapatika pahutam khadaniyam bhojaniyam adaya babhidvarakotthake thita Bhagavantam yeva uddissa bhikkhu-sanghan ca" ti.|| ||

"Maham Nagita yasena samagamam,||
ma ca maya yaso.|| ||

Yo kho Nagita na-y-imassa nekkhammasukhassa pavivekasukhassa upasamasukhassa samkhodhasukhassa nikamalabhi assa akicchalabhi akasiralabhi,||
yassaham nekkhammasukhassa pavivekasukhassa upasamasukhassa sambodhasukhassa nikamalabhi akicchalabhi akasiralabhi,||
so tam milhasukham middhasukham labha-sakkara-siloka-sukham sadiyeyya" ti.|| ||

"Adhivastetu dani bhanne Bhagava, adhivasetu sugato.|| ||

Adhivasanakalo dani bhante Bhagavato.|| ||

Yena yen'eva dani bhante Bhagava gamissati,||
tanninna'va bhavissanti brahmana gahapatika negama c'eva janapada ca.|| ||

Seyyatha pi bhante thullaphusitake deve vassante yathaninnam udakani pavattanti,||
evam eva kho bhante yena yen'eva dani Bhagava gamissati,||
tanninna'va bhavissanti brahmanagahapatika negama c'eva janapada ca.|| ||

Tam kissa hetu?|| ||

Tathahi bhante Bhagavato silapannanan" ti.|| ||

Maham Nagita yasena samagamo,||
ma ca maya yaso.|| ||

Yo kho Nagita na-y-imassa nekkhammasukhassa pavivekasukhassa upasamasukhassa samkhodhasukhassa nikamalabhi assa akicchalabhi akasiralabhi,||
yassaham nekkhammasukhassa pavivekasukhassa upasamasukhassa sambodhasukhassa nikamalabhi akicchalabhi akasiralabhi,||
so tam milhasukham middhasukham labha-sakkara-siloka-sukham sadiyeyya.|| ||

[32] Asitapitakhayitasayitassa kho Nagita uccarapassavo.|| ||

Eso tassa nissando.|| ||

Piyanam kho Nagita viparinamannathabhava uppajjanti sokaparideva-dukkhadomanassupayasa.|| ||

Eso tassa nissando.|| ||

Asubha-nimittanuyogam anuyuttassa kho Nagita subhanimitte patikkulyata santhati.|| ||

Eso tassa nissando.|| ||

Chassu kho Nagita phassayatanesu aniccanupassino viharato phasse patikkulyata santhati.|| ||

Eso tassa nissando.|| ||

Pancasu kho Nagita upadanakkhandhesu udayabbayanupassino viharato upadane patikkulyata santhati.|| ||

Eso tassa nissando" ti.|| ||

Pancangikavaggo tatiyo.

 


Contact:
E-mail
Copyright Statement