Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara-Nikaya
Pancaka-Nipata
IV. Sumana Vagga

Sutta 32

Cundi Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


[35]

[1][pts][bodh] Evam me sutam.|| ||

Ekam samayam Bhagava Rajagahe viharati Veluvane Kalandakanivape.|| ||

Atha kho Cundi rajakumari pancahi rathasatehi pancahi kumari satehi parivuta yena Bhagava ten'upasankami.

Upasankamitva Bhagavantam abhivadetva eka-m-antam nisidi.|| ||

Eka-m-antam nisinna kho cundi rajakumari Bhagavantam etad avoca:|| ||

2. Amhakam bhante bhata Cundo nama rajakumaro.|| ||

So evam aha:|| ||

"Yad'eva so hoti itthi va puriso va Buddham saranam gato,||
dhammam saranam gato,||
sadgham saranam gato,||
panatipata pativirato,||
adinnadana pativirato,||
kamesu micchacara pativirato,||
musa-vada pativirato,||
suramerayamajjapamadatthana pativirato,||
so kayassa bheda param marana sugatim yeva upapajjati, no duggatin' ti."|| ||

Saham bhante Bhagavantam pucchami:|| ||

'Kathamrupe nu kho bhante Satthari pasanno kayassa bheda param marana sugatim yeva upapajjati,||
no duggatim ti?|| ||

Saham bhante Bhagavantam pucchami:|| ||

'Kathamrape nu kho bhante dhamme pasanno kayassabheda param marana sugatim yeva upapajjati,||
no duggatim ti?|| ||

'Kathamrupe nu kho bhante sanghe pasanno kayassa bheda param marana sugatim yeva upapajjati,||
no duggatim ti?|| ||

'Kathamrupesu silesu paripurakari kayassa bheda param marana sugatim yeva uppajjati,||
no duggatim ti?|| ||

3. Yavata Cundi satta apada va dipada va catuppada va bahuppada va,||
rupino va arupino va,||
sannino va asannino va n'evasanninasannino va,||
Tathagato tesam aggam akkhayati araham samma sambuddho.|| ||

Ye kho Cundi Buddhe pasanna,||
agge te pasanna.|| ||

Agge kho pana pasannanam aggo vipako hoti.|| ||

Yavata Cundi dhamma samkhata va asamkhata va,||
virago tesam aggam akkhayati,||
yad idam madanimmadano pipasavinayo alayasamugghato vattupacchedo tanhakkhayo virago nirodho nibbanam.|| ||

Ye kho Cundi virage dhamme pasanna.|| ||

Agge te pasanna,||
agge kho pana pasannanam aggo vipako hoti.|| ||

Yavata Cundi sangha va gana va,||
Tathagatasavakasangho tesam aggam akkhayati,||
yad idam cattari purisayugani attha purisapuggala.|| ||

Esa Bhagavato savakasamgho ahuneyyo pahuneyyo dakkhineyyo anjalikaraniyo anuttaram punnakkhettam lokassa.|| ||

Ye kho Cundi samghe pasanna,||
agge te pasanna,||
agge kho pana pasannanam aggo vipako hoti.|| ||

Yavata Cundi silani,||
ariyakantani tesam aggam akkhayati,||
yad idam akhanandani acchiddani asabalani akammasani bhujissani vinnuppasatthani aparamatthani samadhi samvattanikani.|| ||

Ye kho Cundi ariya kantesu silesu paripurakarino,||
agge te paripurakarino.|| ||

Agge kho pana paripurakarinam aggo vipako hoti ti.|| ||

Aggato ve pasannanam aggam dhammam vijanatam||
Agge Buddhe pasannanam dakkhineyye anuttare,||
Agge dhamme pasannanam viragupasame sukhe||
Agge samghe pasannanam punnakkhette anuttare,||
Aggasmim danam dadatam aggam punnam pavaddhati||
Aggam ayuva vanno ca yaso kitti sukham balam||
Aggassa data medhavi aggadhammasamahito||
Devabhuto manusso va aggappatto pamodati ti.|| ||

 


Contact:
E-mail
Copyright Statement