Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara-Nikaya
Pancaka-Nipata
IV. Sumana Vagga

Sutta 33

Uggaho Mendakanatta Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


[36]

[1][pts][bodh] Evam me sutam.|| ||

Ekam samayam Bhagava bhaddiye viharati Jatiya vane.|| ||

Atha kho Uggaho Mendakanatta yena Bhagava tenupankami.|| ||

Upasankamitva Bhagavannam abhivadetva eka-m-antam nisidi.|| ||

Eka-m-antam nisinno kho Uggaho Menanakanatta Bhagavantam etad avoca:|| ||

2. "Adhivasetu me bhante Bhagava svatanaya attacatuttho [37] bhattan" ti.|| ||

Adhivasesi Bhagava tunhibhavena.|| ||

Atha kho Uggaho Mendakanatta Bhagavato adhivasanam viditva utthay asana Bhagavantam abhivadetva padakkhinam katva pakkami.|| ||

Atha kho Bhagava tassa rattiya accayena pubbanhasamayam nivasetva pattacivaram adaya yena Uggahassa Mendakanattuno nivesanam ten'upasankami.|| ||

Upasankamitva pannatte asane nisidi.|| ||

Atha kho Uggaho Mendakanatta Bhagavannam panitena khadaniyena bhojaniyena sahattha santappesi sampavaresi.|| ||

Atha kho Uggaho Mendakanatta Bhagavantam bhuttavim onitapattapanim eka-m-antam nisidi.|| ||

Eka-m-antam nisinno kho Uggaho Mendakanatta Bhagavantam etad avoca:|| ||

"Ima me bhante kumariyo patikulani gamissanti.|| ||

Ovadatu tasam bhante Bhagava,||
anusasatu tasam bhante Bhagava,||
yam tasam assa digha-rattam hitaya sukhaya" ti.|| ||

Atha kho Bhagava ta kumariyo etad avoca:|| ||

3. Tasmat iha kumariyo evam sikkhitabbam:|| ||

'Yassa mata pitaro bhattuno dassanti atthakama hitesino anukampaka anukampam upadaya,||
tassa bhavissama pubbutthayiniyo pacchanipatiniyo kimkarapatissaviniyo manapacariniyo piyavadiniyo' ti.|| ||

Evam hi vo kumariyo sikkhitabbam.|| ||

Tasma ti ha kumariyo evam sikkhitabbam:|| ||

'Ye te bhattu garuno bhavissanti mata ti va pita ti va samana-brahmana ti va,||
te sakkarissama garukarissama,||
manissama,||
pujessama,||
abbhagate ca asanodakena patipujessama' ti.|| ||

Evam hi vo kumariyo sikkhitabbam.|| ||

Tasma ti ha kumariyo evam sikkhitabbam:|| ||

'Ye te bhattu abbhantara kammanta unna ti va kappasa ti va,||
tattha dakkha bhavissama analasa,||
tatrupayaya vimamsaya samannagata alam katum alam samvidhatun' ti.|| ||

Evam hi vo kumariyo sikkhitabbam.|| ||

Tasma ti ha kumariyo evam sikkhitabbam:|| ||

'Yo so bhantu abbhantaro antojano,||
dasa ti va pessa ti [38] va kammakara ti va,||
tesam katan ca katato janissama,||
akatan ca akatato janissama,||
gilanakanan ca balabalam janissama,||
khadaniyam bhojaniyam c'assa paccamsena vibhajissama' ti.|| ||

Evam hi vo kumariyo sikkhitabbam.|| ||

Tasmat iha kumariyo evam sikkhitabbam:|| ||

'Yam bhatta aharissati dhanam va dhannam va rajatam va jatarupam va,||
tam arakkhena guttiya sampadessama||
tattha ca bhavissama adhutti atheni asondi avinasikayo' ti.|| ||

Evam hi vo kumariyo sikkhitabbam.|| ||

Imehi kho kumariyo pancahi dhammehi samannagato matugamo kayassa bheda param marana manapakayikanam devanam sahavyatam uppajjati" ti.|| ||

Yo nam bharati sabbada niccam atapi ussuko||
Sabbakamaharam posam bhattaram natimanneti.|| ||

Na capi sotthi bhattaram issavadena rosaye||
Bhattu ca garuno sabbe patipujeti pandita.|| ||

Utthahika analasa samgahitaparijjana||
Bhattu manapam carati sambhatam anurakkhati.|| ||

Ya evam vattati nari bhattu chandavasanuga||
Manapa nama te deva yattha sa upapajjati ti.|| ||

 


Contact:
E-mail
Copyright Statement