Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara-Nikaya
Pancaka-Nipata
IV. Sumana Vagga

Sutta 34

Sihasenapati Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


[38]

[1][pts][than][olds][bodh]Evam me sutam:|| ||

Ekam samayam Bhagava Vesalisam viharati Mahavane kutagara salayam.|| ||

Atha kho siho senapati yena [39] Bhagava ten'upasankami.|| ||

Upasankamitva Bhagavantam abhivadetva eka-m-antam nisidi. || ||

Eka-m-antam nisinno kho siho senapati Bhagavantam etad avoca:|| ||

Sakka nu kho bhante sanditthikam danaphalam pannapetunti?|| ||

Sakka sihati Bhagava avoca.|| ||

Dayako Siha danapati bahuno janassa piyo hoti manapo.|| ||

Yam pi Siha dayako danapati bahuno janassa piyo hoti manapo,||
idampi sanditthikam danaphalam.|| ||

Puna ca param Siha dayakam danapatim santo sappurisa bhajanti.|| ||

Yam pi Siha dayakam danapatim santo sappurisa bhajanti,||
idampi sanditthikam danaphalam.|| ||

Puna ca param Siha dayakassa danapatino kalyano kittisaddo abbhuggacchati.|| ||

Yam pi Siha dayakassa danapatino kalyano kittisaddo abbhuggacchati,||
idampi sanditthikam danaphalam.|| ||

Puna ca param Siha dayako danapati yannadeva parisam upasankamati.|| ||

Yadi khattiyaparisam,||
yadi brahmanaparisam,||
yadi gahapatiparisam,||
yadi samanaparisam,||
visaradova upasankamati amankubhuto.|| ||

Yam pi Siha dayako danapati yannadevaparisam upasankamati:||
yadi khattiyaparisam,||
yadi brahmanaparisam,||
yadi gahapati parisam,||
yadi samanaparisam,||
visaradova upasadkamati amankubhuto:||
idampi sanditithikam danaphalam.|| ||

Puna ca param Siha dayako danapati kayassa bheda param marana sugatim saggam lokam upapajjati.|| ||

Yam pi Siha dayako danapati kayassa bheda param marana sugatim saggam lokam upapajjati.|| ||

Idam samparayikam danaphalanti.|| ||

Evam vutte siho senapati Bhagavantam etad avoca:|| ||

"Yanimani bhante Bhagavata cattari sanditthikani danaphalani akkhatani,||
naham ettha Bhagavato saddhaya gacchami,||
ahampetani janami.|| ||

Aham bhante dayako danapati bahuno janassa piyo manapo.|| ||

Aham bhante dayako danapati.|| ||

Mam santo sappurisa bhajanti.|| ||

Aham bhante dayako danapati,||
mayham kalyano kittisaddo ababhuggato:|| ||

siho senapati dayako karako sanghupatthakoti.|| ||

Aham [40] bhante dayako danapati,||
yannadeva parisam upasankamami:||
yadi khattiyaparisam,||
yadi brahmanaparisam,||
yadi gahapati parisam,||
yadi samanaparisam,||
visaradova upasankamami amankubhuto.|| ||

Yanimani bhante Bhagavata cattari sanditthikani danaphalani akkhatani,||
naham ettha Bhagavato saddhaya gacchami,||
ahampetani janami.|| ||

Yan ca kho mam bhante Bhagava evam aha:|| ||

'Dayako Siha danapati kayassa bheda param marana sugatim saggam lokam upapajjati'ti etaham na janami.|| ||

Ettha va panaham Bhagavato saddhaya gacchami" ti.|| ||

Evam etam Siha,||
eva me tam Siha,||
dayako danapati kayassa bheda param marana sugatim saggam lokam upapajjati ti.|| ||

 

Dadam piyo hoti bhajanti nam bahu kittin ca pappoti yaso ca vaddati,||
amankubhuto parisam vigahati visarado,||
hoti naro amacchari.|| ||

Tasma hi danati dadanti pandita,||
vineyya maccheramalam sukhesino,||
te digha-rattam tidive patitthita devanam sahavygata ramanti te||
katavasa katakusala ito cuta sayampabha anuvicaranti Nandanam.|| ||

Te tattha nandanti ramanti modare samappita kama-gunehi pancahi||
katvana vakyam asitassa tadino ramanti sagge sugatassa savaka ti.|| ||

 


Contact:
E-mail
Copyright Statement