Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
Pancaka Nipata
5. Mundaraja-Vagga

Sutta 43

Panca Ittha-Dhamma Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts][than][bodh]Evam me sutam:|| ||

Ekam samayam Bhagava Savatthiyam viharati.|| ||

Atha kho Anathapindiko gahapati yena Bhagava ten'upasankami.|| ||

Upasankamitva Bhagavantam abhivadetva eka-m-antam nisidi.|| ||

Ekamannam nisinnam kho Anathapindikam gahapatim Bhagava etad avoca:|| ||

Panc'ime gahapati dhamma ittha kanta manapa dullabha lokasmim.|| ||

Katame panca?|| ||

Ayu kho gahapati ittho kanto manapo dullabho lokasmim.|| ||

Vanno ittho kanto manapo dullabho lokasmim.|| ||

Sukham ittham kantam manapam dullabham lokasmim.|| ||

Yaso ittho kanto manapo dullabho lokasmim.|| ||

Sagga ittha kanta manapa dullabha lokasmim.|| ||

Ime kho gahapati panca dhamma ittha kanta manapa dullabha lokasmim.|| ||

Imesam kho gahapati pancannam dhammanam itthanam kantanam manapanam dullabhanam lokasmim. Na ayacanahetu va patthanahetu va patilabham vadami.|| ||

Imesam kho gahapati pancannam itthanam kantanam manapanam dullabhanam lokasmim ayacanahte [48] va patthanahetu va patilabho abhavissa, ko idha kena hayetha?|| ||

Na kho gahapati arahati ariyasavako ayum kamo ayum ayacitum va abhinanditum va ayussa va pihetum.|| ||

Ayukamena gahapati ariyasavakena ayusamvattanika patipada patipajjitabba.|| ||

Ayusamvattanika hi'ssa patipada patipanna ayupatilabhaya samvattati.|| ||

So labhi hoti ayussa dibbassa va manusassa va.|| ||

Na kho gahapati arahati ariyasavako vannakamo vannam ayacitum va abhinanditum va vannassa va pihetum.|| ||

Vannakamena gahapati ariyasavakena vannasamvattanika patipada patipajjitabba.|| ||

Vannasamvattanika hi'ssa patipada patipanna vannapatilabhaya samvattati.|| ||

So labhi hoti vannassa dibbassa va manusassa va.|| ||

Na kho gahapati arahati ariyasavako sukhakamo sukham ayacitum va abhinanditum va sukhassa va pihetum.|| ||

Sukhakamena gahapati ariyasavakena sukhasamvattanika patipada patipajjitabiba.|| ||

Sukhasamvattanika hi'ssa patipada patipanna sukhapatilabhaya samvattati.|| ||

So labhi hoti sukhassa dibbassa va manusassava.|| ||

Na kho gahapati arahati ariyasavako yasakamo yasam ayacitum va abhinanditum va yasassa va pihetum.|| ||

Yasakamena gahapati ariyasavakena yasasamvattanika patipada patipajjitabba.|| ||

Yasasamvavattanika hi'ssa patipada patipanna yasapatilabhaya samvattati.|| ||

So labhi hoti yasassa dibbassa va manusassa va.|| ||

Na kho gahapati arahati ariyasavako saggakamo saggam ayacitum va abhinanditum va sagganam va1 pihetum.|| ||

Saggakamena gahapati ariyasavakena saggasamvattanika patipada patipajjitabba.|| ||

Saggasamvattanika hi'ssa patipada patipanna saggapatilabhaya samvattati.|| ||

So labhi hoti sagganan ti.|| ||

Ayum vannam yasam kittim saggam uccakulinatam,||
ratiyo patthayanena u'ara aparaparam,||
appamadam pasamsanti punnakiriyasu pandita.|| ||

[49] Appamatto ubho atthe adhiganhati pandito||
ditthe dhamme ca yo attho yo c'attho samparayiko,||
Atthabhisamaya dhiro panditoti pacuccati ti.|| ||


Contact:
E-mail
Copyright Statement