Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
Pancaka Nipata
5. Mundaraja-Vagga

Sutta 44

Manapadayi Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts][bodh]Evam me sutam:|| ||

Ekam samayam Bhagava Vesaliyam viharati Mahavane Kutagarasalayam.|| ||

Atha kho Bhagava pubbathasamayam nivasetva pattacivaram adaya yena Uggassa gahapatino Vesalikassa nivesanam ten'upasankami.|| ||

Upasankamitva pannatte asane nisidi.|| ||

Atha kho Uggo gahapati Vesaliko yena Bhagava ten'upasankami.|| ||

Upasankamitva Bhagavantam abhivadetva eka-m-antam nisidi.|| ||

Eka-m-antam nisinno kho Uggo gahapati Vesaliko Bhagavantam etad avoca:|| ||

2. "Sammukha me tam bhante Bhagavato sutam,||
sammukha patiggahitam||
'manapadayi labhate manapan' ti.|| ||

Manapam me bhante salapupphakam khadaniyam.|| ||

Tam me Bhagava patiganhatu anukampam upadaya ti.|| ||

Patiggahesi Bhagava anukampam upadaya.|| ||

"Sammukha me tam bhante Bhagavato sutam,||
sammukha patiggahitam||
'manapadayi labhate manapan' ti.|| ||

Manapam me bhante sampannakolakam sukaramamsam.|| ||

Tam me Bhagava patiganhatu anukampam upadaya' ti.|| ||

Patiggahesi Bhagava anukampam upadaya.|| ||

"Sammukha me tam bhante Bhagavato sutam,||
sammukha patiggahitam||
'manapadayi labhate manapan' ti.|| ||

Manapam me bhante nibbaddhatelakam naliyasakam.|| ||

Tam me Bhagava patiganhatu anukampam upadaya" ti.|| ||

Patiggahesi Bhagava anukampam upadaya.|| ||

"Sammukha me tam bhante Bhagavato sutam,||
sammukha patiggahitam||
'manapadayi labhate manapan' ti.|| ||

Manapam me bhante salinam odano vicitakalako anekasupo anekavyanjano.|| ||

Tam me Bhagava patiganhatu anunampam upadaya" ti.|| ||

Patiggahesi Bhagava anukampam upadaya.|| ||

[50] "Sammukha me tam bhante Bhagavato sutam,||
sammukha patiggahitam||
'manapadayi labhate manapan' ti.|| ||

Manapam me bhante kasikani vatthani.|| ||

Tani me Bhagava patiganhatu anukampam upadaya" ti.|| ||

Patiggahesi Bhagava anukampam upadaya.|| ||

"Sammukha me tam bhante Bhagavato sutam,||
sammukha patiggahitam||
'manapadayi labhate manapan' ti.|| ||

Manapam me bhante pallanko gonakatthato patikatthato patalikatthato kadalimigapavarapaccattharano sa-uttaracchado ubhato lohitakupadhano.|| ||

Api ca bhante mayam p'etam janama 'n'etam Bhagavato kappati' ti,||
idam me bhante candanaphalakam agghati adhikasahassam.|| ||

Tam me Bhagava patiganhatu anukampam upadaya" ti.|| ||

Patiggahesi Bhagava anukampam upadaya.|| ||

Atha kho Bhagava Uggam gahapatim Vesalikam imina anumodaniyena anumodi:|| ||

Manapadayi labhate manapam yo ujjubhutesu dadati chandasa,||
Acchadanam sayanam ath'annapanam nanappakarani ca paccayani.|| ||

Cattan ca muttan ca anaggahitam khettupame arahante viditva,||
So duccajam sappuriso cajitva manapadayi labhate manapan ti.|| ||

Atha kho Bhagava Uggam gahapatim Vesalikam imina anumodaniyena anumoditva utthay asana pakkami.|| ||

Atha kho Uggo gahapati Vesaliko aparena samayena kalam akasi.|| ||

Kalakato ca Uggo gahapati Vesaliko annataram manomayam kayam upapajji.|| ||

Tena kho pana samayena Bhagava Savatthiyam viharati Jetavane Anathapindikassa Arame.|| ||

Atha kho Uggo devaputto abhikkantaya rattiya abhikkantavanno kevalakap- [51] pam Jetavanam obhasetva yena Bhagava ten'upasankami.|| ||

Upasankamitva Bhagavantam abhivadetva eka-m-antam atthasi.|| ||

Eka-m-antam thitam kho Uggam devaputtam Bhagava etad avoca:|| ||

'Kacci te Ugga yathadhippayo' ti?|| ||

'Taggha me bhante yathadhippayo' ti.|| ||

Atha kho Bhagava Uggam devaputtam gathahi ajjhabhasi:|| ||

Manapa-dayi labhate manapam,||
Aggassa data labhate pun'aggam,||
Varassa data vara-labhi hoti,||
Settham dado settham upeti thanam.|| ||

Aggadayi varadayi setthadayi ca yo naro,||
Dighayu yasava hoti yattha yatthupapajjati" ti.|| ||


Contact:
E-mail
Copyright Statement