Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
Pancaka Nipata
5. Mundaraja-Vagga

Sutta 49

Kosala Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


 

[1][pts][than][hekh][bodh]Evam me sutam:|| ||

Ekam samayam Bhagava Savatthiyam viharati Jetavane Anathapindikassa Arame.|| ||

Atha kho raja Pasenadi Kosalo yena Bhagava ten'upasankami.|| ||

Upasankamitva Bhagavantam abhivadetva eka-m-antam nisidi.|| ||

Tena kho pana samayena Mallika devi kalakata hoti.|| ||

Atha kho annataro puriso yena raja Pasenadi Kosalo ten'upasankami.|| ||

Upasamkamitva ranno Pasenadissa Kosalassa upakannake arocesi:|| ||

"Mallika deva devi kalakata ti.|| ||

Evam vutte raja Pasenadi Kosalo dukkhi dummano pattakkhandho adhomukho pajjhayanto appatibhano nisidi.|| ||

Atha kho Bhagava rajanam Pasenadim Kosalam dukkhim dummanam pattakkhandham adhomukham pajjhayan tam appatibhanam viditva rajanam Pasenadim Kosalam etad avoca:|| ||

Panc'imani maharaja alabbhaniyani Thanani samanena va brahmanena va devena va Marena va Brahmuna va kenaci va lokasmim.|| ||

Katamani panca?|| ||

'Jaradhammam ma jiri ' ti.|
alabbhaniyam thanam samanena va brahmanena va devena va marena va brahmuna va kenaci va lokasmim.|| ||

'Vyadhidhammam ma vyadhiyi ti||
alabbhaniyam thanam samanena va brahmanena va devena va marena va brahmuna va kenaci va lokasmim.|| ||

'Maranadhammam ma miyi, ti||
alabbhaniyam thanam samanena va brahmanena va devena va marena va brahamuna va kenavi va lokasmim.|| ||

'Khayadhammam ma khiyi ti||
alabbhaniyam thanam samanena va brahmanena va devena va marena va brahmuna va kenaci va lokasmim.|| ||

'Nassanadhammam ma nassi ti||
alabbhaniyam thanam samanena va brahmanena va devena va marena va brahmuna va kenaci va lokasmim.|| ||

Assutavato maharaja puthujjanassa jaradhammam jirati.|| ||

So jaradhamme jinne na iti patisancikkhati:||
na kho mayhamevekassa jaradhammam jirati.|| ||

Atha kho yavata sattanam agati, gati, cuti, upapat' ti.|
sabbesam sattanam jaradhammam jirati.|| ||

Ahan c'eva kho pana jaradhamme jinne soceyyam,||
kilameyyam, parideveyyam, urattalim kandeyyam, sammoham apajjeyyam, bhattampi me nacchadeyya.|| ||

Kayepi dubbanniyam okkameyya.|| ||

Kammantapi nappavatteyyum.|| ||

Amittapi attamana assu.|| ||

Mittapi dummana assu' ti.|| ||

So jaradhamme jinne socati, kilamati, paridevati, urattalim kandati, sammoham apajjati.|| ||

Ayam vuccati maharaja,||
assutava puthujjano viddho savisena sokasallena attanam yeva paritapeti.|| ||

Puna ca param maharaja assutavato puthujjanassa [55] byadhidhammam byadhiyati nassana dhammam nassati.|| ||

So nassanadhamme natthe na iti patisancikkhati:||
"na kho mayhamevekassa nassanadhammam nassati.|| ||

Athakho yavata sattanam agati, gati, cuti, upapatti, sabbesam sattanam nassanadhammam nassati.|| ||

Ahan c'eva kho pana nassanadhamme natthe soceyyam, kilameyyam, parideveyyam, urattalim kandeyyam, sammoham apajjeyyam, bhattampi me nacchadeyya.|| ||

Kayepi dubbanniyam okkameyya.|| ||

Kammantapi nappavatteyyum.|| ||

Amittapi attamana assu.|| ||

Mittapi dummana assu" ti.|| ||

So nassanadhamme natthe socati, kilamati, paridevati, urattalim kandati, sammoham apajjati.|| ||

Ayam vuccati maharaja assutava puthujjano viddho savisena sokasallena attanam yeva paritapeti.|| ||

Puna ca param maharaja assutavato puthujjanassa maranadhammam miyati so nassanadhamme natthe na iti patisancikkhati:||
"na kho mayhamevekassa nassanadhammam nassati.|| ||

Atha kho yavata sattanam agati, gati, cuti, upapatti, sabbesam sattanam nassanadhammam nassati.|| ||

Ahan c'eva kho pana nassanadhamme natthe soceyyam, kilameyyam, parideveyyam, urattalim kandeyyam, sammoham apajjeyyam, bhattampi me nacchadeyya.|| ||

Kayepi dubbanniyam okkameyya.|| ||

Kammantapi nappavatteyyum.|| ||

Amittapi attamana assu.|| ||

Mittapi dummana assu" ti.|| ||

So nassanadhamme natthe socati, kilamati, paridevati, urattalim kandati, sammoham apajjati.|| ||

Ayam vuccati maharaja assutava puthujjano viddho savisena sokasallena attanam yeva paritapeti.|| ||

Puna ca param maharaja assutavato puthujjanassa khayadhammam khiyati so nassanadhamme natthe na iti patisancikkhati:||
"na kho mayhamevekassa nassanadhammam nassati.|| ||

Atha kho yavata sattanam agati, gati, cuti, upapatti, sabbesam sattanam nassanadhammam nassati.|| ||

Ahan c'eva kho pana nassanadhamme natthe soceyyam, kilameyyam, parideveyyam, urattalim kandeyyam, sammoham apajjeyyam, bhattampi me nacchadeyya.|| ||

Kayepi dubbanniyam okkameyya.|| ||

Kammantapi nappavatteyyum.|| ||

Amittapi attamana assu.|| ||

Mittapi dummana assu" ti.|| ||

So nassanadhamme natthe socati, kilamati, paridevati, urattalim kandati, sammoham apajjati.|| ||

Ayam vuccati maharaja assutava puthujjano viddho savisena sokasallena attanam yeva paritapeti.|| ||

Sutavato ca kho maharaja ariyasavakassa jaradhammam jirati.|| ||

So jaradhamme jinne iti patisancikkhati:||
"na kho mayhamevekassa jaradhammam jirati.|| ||

Atha kho yavata sattanam agati, gati, cuti, uppatti, sabbesam sattanam jaradhammam jirati.|| ||

Ahan c'eva kho pana jaradhamme jinne soceyyam.|| ||

Kilameyyam, parideveyyam, urattalim kandeyyam, sammoham apajjeyyam, bhattampi me nacchadeyya.|| ||

Kayepi dubbanniyam okkameyya,||
kammantapi nappavatteyyum.|| ||

Amittapi attamana assu.|| ||

Mittapi dummana assu" ti.|| ||

So jaradhamme jinne na socati, na kilamati, na paridevati, na urattalim kandati, na sammoham apajjati.|| ||

Ayam vuccati maharaja ariyasavako abbahi savisam sokasallam yena viddho assutava puthujjano attanam yeva paritapeti.|| ||

Asoko visallo ariyasavako attanam yeva parinibbapeti.|| ||

Puna ca param maharaja sutavato ariyasavakassa vyadhidhammam vyadhiyati so nassanadhamme natthe itipatisancikkhati:||
"na kho mayhamevekassa nassanadhammam nassati.|| ||

Atha kho yavata sattanam agati, gati, cuti, upapatti, sabbesam sattanam nassanadhammam nassati.|| ||

Ahan c'eva kho pana nassana dhamme natthe soceyyam, kilameyyam, parideveyyam urattalim kandeyyam, sammoham apajjeyyam, bhattampi me nacchadeyya.|| ||

Kaye pi dubbanniyam okkameyya.|| ||

Kammantapi nappavatteyyum.|| ||

Amittapi attamana assu.|| ||

Mittapi dummana assu" ti.|| ||

So nassanadhamme natthe na socati, na kilamati na paridevati, na urattalim kandati, na sammoham apajjati.|| ||

Ayam vuccati maharaja Sutava ariyasavako abbahi savisam sokasallam yena viddho assutava puthujjano attanam yeva paritapeti.|| ||

Asoko visallo ariyasavako attanam yeva parinibbapeti.|| ||

Puna ca param maharaja sutavato ariyasavakassa maranadhammam miyati so nassanadhamme natthe itipatisancikkhati:||
"na kho mayhamevekassa nassanadhammam nassati.|| ||

Atha kho yavata sattanam agati, gati, cuti, upapatti, sabbesam nassanadhammam nassati.|| ||

Ahan c'eva kho pana nassana dhamme natthe soceyyam, kilameyyam, parideveyyam urattalim kandeyyam, sammoham apajjeyyam, bhattampi me nacchadeyya.|| ||

Kaye pi dubbanniyam okkameyya. Kammantapi nappavatteyyum.|| ||

Amittapi attamana assu.|| ||

Mittapi dummana assu" ti.|| ||

So nassanadhamme natthe na socati, na kilamati na paridevati, na urattalim kandati, na sammoham apajjati.|| ||

Ayam vuccati maharaja Sutava ariyasavako abbahi savisam sokasallam yena viddho assutava puthujjano attanam yeva paritapeti.|| ||

Asoko visallo ariyasavako attanam yeva parinibbapeti.|| ||

Puna ca param maharaja sutavato ariyasavakassa khayadhammam khiyati so nassanadhamme natthe itipatisancikkhati:||
"na kho mayhamevekassa nassanadhammam nassati.|| ||

Atha kho yavata sattanam agati, gati, cuti, upapatti, sabbesam nassanadhammam [56] nassati.|| ||

Ahan c'eva kho pana nassana dhamme natthe soceyyam, kilameyyam, parideveyyam urattalim kandeyyam, sammoham apajjeyyam, bhattampi me nacchadeyya.|| ||

Kaye pi dubbanniyam okkameyya.|| ||

Kammantapi nappavatteyyum.|| ||

Amittapi attamana assu.|| ||

Mittapi dummana assu" ti.|| ||

So nassanadhamme natthe na socati, na kilamati na paridevati, na urattalim kandati, na sammoham apajjati.|| ||

Ayam vuccati maharaja Sutava ariyasavako abbahi savisam sokasallam yena viddho assutava puthujjano attanam yeva paritapeti.|| ||

Asoko visallo ariyasavako attanam yeva parinibbapeti ti.|| ||

Imani kho maharaja panca alabbhaniyani thanani samanena va brahmanena devena va marena va brahmuna kenaci va lokasmin ti.|| ||

 

Na socanaya na paridevanaya attho alabbho1 api appako pi,||
socantamenam dukhitam viditva paccatthika attamana bhavanti.|| ||

Yato ca kho pandito apadasu na vedhati attavinicchayannu,||
paccatthikassa dukhita bhavanti disva mukham avikaram puranam.|| ||

Jappena mantena subhasitena anuppadanena paveniya ca,||
yathayatha yattha labhetha attham tatha tatha tattha parakkameyya.|| ||

Sace pajaneyya alabbhaneyyo maya ca annena va esa attho||
asocamano adhivasayeyya kammam dalham kinti karomi'dani ti.|| ||


Contact:
E-mail
Copyright Statement