Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Anguttara Nikaya
Pancaka Nipata
VI: Nivarana Vagga

Sutta 53

Padhaniyanga Suttam

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Prof. E. Hardy, Ph.D., D.D.

 


[65]

[1][pts][than][bodh] Evam me sutam.|| ||

Ekam samayam Bhagava Savatthiyam viharati Jetavane Anathapindikassa Arame.|| ||

Tatra kho Bhagava bhikkhu amantesi:|| ||

"Bhikkhavo" ti.|| ||

"Bhadante" ti te bhikkhu Bhagavato paccassosum.

Bhagava etad avoca:|| ||

"Panc'imani bhikkhave padhaniyangani.|| ||

Katamani panca?|| ||

Idha, bhikkhave, bhikkhu saddho hoti saddahati Tathagatassa bodhim:||
iti pi so Bhagava araham Samma-sambuddho vijja-carana-sampanno sugato loka-vidu anuttaro purasadamma sarathi sattha deva-manussanam buddho Bhagavati.|| ||

Appabadho hoti appatanko samavepakiniya gahaniya samannagato natisitaya naccunhaya majjhimaya padhanakkhamaya.|| ||

Asatho hoti amayavi yathabhutam attanam avikatta satthari va vinnusu va sabrahmacarisu.|| ||

Araddhaviriyo viharati akusalanam dhammanam pahanaya kusalanam dhammanam upasampadaya thamava dalhaparakkamo anikkhittadhuro kusalesu dhammesu.|| ||

Pannnava hoti udayatthagaminiya pannaya samannagato ariyaya nibbedhikaya samma dukkhakkhayagaminiya.|| ||

Imani kho bhikkhave panca padhaniyangani'ti.|| ||


Contact:
E-mail
Copyright Statement